<p><span style="color: #000000;"><strong>អាមេរិក៖</strong> ក្រុមហ៊ុនស្រាវជ្រាវ IHS Technology បានលាតត្រដាង នូវតម្លៃដើមនៃការផលិត iPhone 6S និង 6S Plus ថាមិនដល់ ២៤០ដុល្លារអាមេរិកនោះ នេះបើយោងតាមការ ចុះផ្សាយរបស់គេហទំព័រ Apple Insider ចេញផ្សាយនៅថ្ងៃនេះ។</span></p>
<p><span style="color: #000000;">ក្រុមហ៊ុន IHS Technology បានបញ្ជាក់ថា តម្លៃដើមរបស់ iPhone 6S មានត្រឹមតែ ២១១,៥ដុល្លារអាមេរិក ប៉ុណ្ណោះ ខណៈដែលតម្លៃដើមរបស់ 6S Plus មានតម្លៃ ២៣៦ដុល្លារអាមេរិក។</span></p>
<p><span style="color: #000000;">បើយោងតាមការស្រាវជ្រាវបានឲ្យដឹងថា បច្ចេកវិទ្យា 3D Touch របស់ Apple មានតម្លៃ ៥២,៥ដុល្លារអាមេរិក និងឈីប A9 មានតម្លៃ ២២ដុល្លារអាមេរិក។ ចំណែក DRAM ទំហំ 2GB របស់ iPhone 6S វិញ មានតម្លៃ ១៧ដុល្លារអាមេរិក ខណៈអង្គប្រតិបត្តិ Qualcomm មានតម្លៃ ១៣ដុល្លារអាមេរិក ចំណែកកាមេរ៉ាទាំងពីរ មានតម្លៃ ២២,៥ដុល្លារអាមេរិក។</span></p>
<p><span style="color: #000000;">គួរបញ្ជាក់ផងដែរថា IHS Technology ក៏ធ្លាប់បានព្យាករណ៍ទៅលើតម្លៃដើមរបស់ iPhone 6 និង 6 Plus ផងដែរ ថាមានតម្លៃចន្លោះពី ២០០ - ២៦០ដុល្លារអាមេរិក៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/30/09-30-09-2015--15-50-18.jpg"><img src="/FileManager/Articles/mce/2015/9/30/09-30-09-2015--15-50-18.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>