<p><span style="color: #000000;"><strong>(ប៊ែឡាំង)៖</strong> រហូតមកទល់នឹងពេលនេះ ក្របខណ្ឌបាល់ទាត់កំពូលអឺរ៉ុប UEFA Champions League រកបានឃើញ ៥ក្រុមហើយឡើងទៅវគ្គ១៦ក្រុមចុងក្រោយដោយស្វ័យប្រវត្តិ ទោះនៅសល់២ប្រកួតក្នុងដៃដូចគ្នាក៏ដោយ គ្រាដែលពួកគេបានឈរនៅកំពូលតារាងដាច់។</span></p>
<p><span style="color: #000000;">ក្រុមបាល់ទាត់កាំភ្លើងធំ Arsenal ឈរនៅលេខ១ ក្នុងពូល A ដោយរកបាន១០ពិន្ទុ ស្មើនឹងក្រុមលេខ២ Paris Saint-Germain របស់បារាំងដោយឆ្លងកាត់៤ប្រកួត មិនដែលចាញ់ និងឈ្នះ៣ និងស្មើ១ដូចគ្នា ខណៈដែលក្រុម Ludogorets Razgrad របស់បុលហ្គារី និង Basel របស់ស្វីសហាលអាវទៅហើយ នៅសល់២ប្រកួតបង្រ្គប់កិច្ចតែប៉ុណ្ណោះ បន្ទាប់ពី ឆ្លងកាត់៤ប្រកួតវគ្គសន្សំពិន្ទុ មិនដែលឈ្នះ និងស្មើ១ដងដូចគ្នា។</span></p>
<p><span style="color: #000000;">ងាកទៅចាប់អារម្មណ៍ពូល D ឯណោះវិញ ក្រុម Atletico Madrid របស់អេស្ប៉ាញ ជាក្រុមទី១ដែលធ្វើបានល្អដាច់គេ ឆ្លងកាត់៤ប្រកួតមិនដែលចាញ់ និងឈ្នះរហូត រកបាន១២ពិន្ទុពេញ គ្រាដែលក្រុមលេខ២ Bayern Munich របស់អាល្លឹម៉ង់ រកបាន៩ពិន្ទុ កក់កៅអីឡើងទៅវគ្គ១៦ក្រុមដូចគ្នា គ្រាដែល PSV Einhoven របស់ហូឡង់ និង Rostov របស់រុស្ស៊ីហាលអាវ។</span></p>
<p><span style="color: #000000;">សម្រាប់ឯក្រុម Borussia Dortmund របស់អាល្លឺម៉ង់មួយទៀត ក៏បានកក់កៅអីឡើងទៅ១៦ក្រុមដែរ ក្រោយរកបាន១០ពិន្ទុពេញ គ្រាដែលក្រុមការពារតំណែងជើងឯក Real Madrid របស់អេស្ប៉ាញ ឈរនៅលេខ២ កំពុងតថ្លៃជាមួយនឹងក្រុម Sporting CP របស់ព័រទុយហ្គាល់ ដែលកំពុងឈរនៅលេខ៣ ដោយមានតែ៣ពិន្ទុ ខណៈក្រុម Legia Warsaw របស់ប៉ូឡូញហាលអាវមុនគេ លេង៤ប្រកួតមិនដែលឈ្នះ និងស្មើ១ដងគត់។</span></p>
<p><span style="color: #000000;">សូមបញ្ជាក់ថា កម្មវិធីប្រកួតជម្រុះសន្សំពិន្ទុក្នុងពូល នៅសល់២ប្រកួតទៀតគ្រប់ក្រុម មុននឹងបញ្ចប់ជាផ្លូវការនៅថ្ងៃទី៧ ខែធ្នូ ឆ្នាំ២០១៦ នឹងឈានដល់ចាប់ឆ្នោតជ្រើសរើសគូប្រកួត ក្នុងវគ្គ១៦ក្រុមជាបន្តនៅខែមករា ឆ្នាំ២០១៧ខាងមុខ៕</span></p>
<p><span style="color: #000000;"><img src="http://cdn.guardian.ng/wp-content/uploads/2016/05/2016-05-03-22.16.54-e1462310415109.png" alt="" width="730" /></span></p>
<p><span style="color: #000000;">ក្រុម Atletico Madrid (អេស្ប៉ាញ)</span></p>
<p><span style="color: #000000;"><img src="http://cdn.ole.vn/images/images2ole2016t9d29/Arsenal.jpg" alt="" width="730" /></span></p>
<p><span style="color: #000000;">ក្រុម Arsenal (អង់គ្លេស)</span></p>
<p><span style="color: #000000;"><img src="http://images.performgroup.com/di/library/goal_de/c8/7c/thomas-muller-fc-bayern-munchen-werder-bremen-dfb-pokal-19042016_1xft2zvzv56wv1izdrr27k1lff.jpg" alt="" width="730" /></span></p>
<p><span style="color: #000000;">ក្រុម Bayern Munich (អាល្លឺម៉ង់)</span></p>
<p><span style="color: #000000;"><img src="http://i.eurosport.com/2016/02/16/1796618-37929660-640-360.jpg" alt="" width="730" /></span></p>
<p><span style="color: #000000;">ក្រុម Paris Saint Germain (បារាំង)</span></p>
<p><span style="color: #000000;"><img src="http://as01.epimg.net/futbol/imagenes/2016/09/26/champions/1474918822_017233_1474919286_noticia_normal.jpg" alt="" width="730" /></span></p>
<p><span style="color: #000000;">ក្រុម Borussia Dortmund (អាល្លឺម៉ង់)</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>