<div class="article-content">
<p><strong>ព្រះសីហនុ៖</strong> ប្រជាពលរដ្ឋ មានការភ្ញាក់ផ្អើល នៅពេលដែល ក្មេងៗ ឃ្វាលគោ ក្នុងភូមិមួយ<br /> ក្រុមរត់ទាំង ត្រហេបត្រហបប្រាប់ថា ឃើញគ្រោងឆ្អឹងមនុស្ស នៅសល់តែលលាដ៍ក្បាល និង<br />ឆ្អឹងជំនីរ ខ្លះៗ ចំណែកឆ្អឹងដៃ ជើង បាត់អស់ កាលពីល្ងាចថ្ងៃទី១៥ ខែតុលា ឆ្នាំ២០១៣ ក៏នាំ<br />គ្នាទៅមើល រួចក៏រាយការណ៍ទៅសមត្ថកិច្ច ។</p>
<p>លោកវរសេនីយ៍ត្រី ហ៊ី ដូង អធិការ នគរបាល ស្រុកកំពង់សីលា បានមានប្រសាសន៍ ប្រាប់<br />មជ្ឈមណ្ឌល ព័ត៌មាន ដើមអម្ពិល កាលពីព្រឹកថ្ងៃទី១៦ ខែតុលា ឆ្នាំ២០១៣ ថា បន្ទាប់ពីទទួល<br /> បានព័ត៌មាន ពីប្រជាពលរដ្ឋថា ឃើញគ្រោងឆ្អឹងមនុស្ស លោកក៏បាន បញ្ជាឱ្យមន្រ្តី នគរបាល<br />របស់លោក ទៅធ្វើការត្រួតពិនិត្យ កោសល្យវិច័យរួចហើយ ប៉ុន្តែដោយសារ តែគ្រោងឆ្អឹងនេះ<br /> មានរយៈពេលយូដូច្នេះ មានការពិបាកធ្វើការស្រាវជ្រាវ ខ្លាំងណាស់ ហើយយើងមិនអាច <br />បញ្ជាក់អត្តសញ្ញាណ ព្រមទាំងមូលហេតុ បានទេ ហើយឥឡូវលោកកំពុង សុំគោលការណ៍<br />ពីថ្នាក់លើ ថាតើត្រូវសំរេចបែបណា ? ។</p>
<p>លោកអធិការ បញ្ជាក់ប្រាប់ថា គ្រោងឆ្អឹងដែលប្រជាពលរដ្ឋ ប្រទះឃើញនេះ ស្ថិតនៅជិត <br />ទួលសំណាង ក្នុងដីរបស់ប្រជាពលរដ្ឋ ដែលមានព្រៃរបោះដើមឈើតូចៗ ហើយស្ថិតនៅ <br />ក្រោមដើមអាកាស្យា ចូលពីផ្លូវជាតិ ប្រហែល៣០ម៉ែត្រ ក្បែរផ្លូវចូលរមនីយដ្ឋានថ្មររូង តាម<br />បណ្តោយ ផ្លូវជាតិលេខ៤ ត្រង់ចន្លោះគីឡូម៉ែត្រ លេខ ១១៨-១១៩ ក្នុងភូមិស្ទឹង សំរោង ឃុំ<br />អូរបាក់រទះ ស្រុកកំពង់សីលា ខេត្តព្រះសីហនុ ។</p>
<p>ប្រភពពីសាក្សី នៅកន្លែងកើតហេតុ បានប្រាប់ថា កាលពី២ឆ្នាំមុន នៅកន្លែងកើតហេតុនេះ<br /> មានធំក្លិនស្អុយ តែមិនមាននរណា ចាប់អារម្មណ៍ ។ ទើបតែពេលនេះទើបដឹងថា មានមនុស្ស<br />ស្លាប់ ហើយគ្រោងឆ្អឹងនេះ ប្រហែលជាស្លាប់នៅកន្លែងផ្សេង ហើយយកមកប្លុងចោលនៅទីនេះ ៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0280.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0281.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0282.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>