CamNews

(ភ្នំពេញ)៖ បន្ទាប់ពីទទួលបានសំណួរពីអ្នកគាំទ្រ ដែលល្បីថាខ្សែប្រយុទ្ធអាហ្វ្រិកខាងត្បូងកីឡាករ Booysen Shane ត្រឡប់មកជួយភ្នំពេញក្រោនវិញ ក្នុងខែមិថុនានេះ ក្លិបជើងឯកលីគកំពូលកម្ពុជា ៦សម័យកាលនេះ ក៏បានបកស្រាយនឹងចម្ងល់អ្នកគាំទ្ររបស់ខ្លួន ដោយអះអាងថា មិនមែនជាការពិតនោះទេ ។ យោងតាមព័ត៌មានលើ Facebook ផ្លូវការរបស់ក្លឹបភ្នំពេញក្រោន បានបញ្ជាក់ថា «តាមការពិតកីឡាករ Shane កំពុងពិចារណាក្នុងការត្រលប់មកវិញ ប៉ុន្តែការព្យាបាលរបួសវះកាត់ជង្គង់(ACL) គឺសំខាន់ ដូច្នេះកីឡាកររូបនេះ នឹងបន្តសម្រាកព្យាបាលនៅអាហ្រ្វិកខាងត្បូង ដែលបច្ចេកវិទ្យាក្នុងការព្យាបាលល្អជាង» ។ ប៉ុន្ដែបើតាមគម្រោង Shane នឹងត្រលប់មកវិញ នៅក្នុងកំឡុងខែសីហាខាងមុខ ។ យើងត្រូវឲ្យច្បាស់ថា ការជាសះស្បើយពីការវះកាត់ ACL ត្រូវការចំណាយពេល ៩ខែ ជាពិសេសសម្រាប់កីឡាអាជីព ដូចនេះយើងត្រូវគិតថា កីឡាកររូបនេះយ៉ាងហោចណាស់ក៏ឆ្នាំ២០១៧ដែរ ទើបអាចត្រលប់មកលើទីលានបានវិញ»។ នេះជាការបញ្ជាក់បន្ថែមរបស់ក្លិប ។ គួរបញ្ជាក់ថា Booysen Shane បានរងរបួសជង្គង់ អំឡុងពេលលេងទល់នឹងក្រុមប៉ូលិស នៅក្នុងការប្រកួតទី២ របស់ភ្នំពេញក្រោន ក្នុងជើងទី១ នៃលីគកំពូលកម្ពុជា ។ ក្រោមធ្វើការពិនិត្យ Shane បានរងរបួសជង្គង់ធ្ងន់ធ្ងរ រហូតត្រូវផ្អាកការប្រកួត ដើម្បីធ្វើដំណើរទៅព្យាបាលនៅស្រុកកំណើតរបស់ខ្លួន ។ ប៉ុន្ដែមកទល់នឹងពេលនេះ នៅមិនទាន់មានការបញ្ជាក់អំពីការវិវត្តន៍នៃរបួសរបស់ Booysen Shane នៅឡើយទេ ៕ <img src="https://fbcdn-sphotos-c-a.akamaihd.net/hphotos-ak-xpl1/v/t1.0-9/13393932_1740592349513616_136581362258258956_n.jpg?oh=e19a6c260a59d3ee2abee4d577750aa7&oe=57C71B46&__gda__=1476230090_ff58673a9bc1deca8c8cf25d54f16487" alt="" width="730" /> <img src="https://fbcdn-sphotos-c-a.akamaihd.net/hphotos-ak-xpt1/v/t1.0-9/13427839_1740592352846949_765579701040379803_n.jpg?oh=08519d633cfee0485045a22c799ade66&oe=580BC668&__gda__=1473273452_c6cce30238bc065e57d41acb180adae4" alt="" width="730" /> ផ្តល់សិទ្ធិដោយ ៖ ខ្មែរថកឃីង

ភ្នំពេញក្រោន បក​ស្រាយ​ចម្ងល់​អ្នក​គាំ​ទ្រ​រឿង Booysen Shane ត្រឡប់​មក​វិញ

ភ្នំពេញក្រោន បកស្រាយចម្ងល់អ្នកគាំទ្ររឿង Booysen Shane ត្រឡប់មកវិញ