<p><span style="color: #000000;"><strong>(អាមេរិក)៖</strong> ទីប្រឹក្សាជាន់ខ្ពស់ និងជាមនុស្សដ៏សំខាន់មួយរូបបន្ទាប់ពី Steve Jobs គឺលោក Bill Campbell បានទទួលមរណភាព ក្នុងវ័យ ៧៥ឆ្នាំ ដោយសារជំងឺមហារីក នេះបើយោងតាមការចេញផ្សាយរបស់សារព័ត៌មាន Apple Insider នៅថ្ងៃទី១៩ ខែមេសា ឆ្នាំ២០១៦។</span></p>
<p><span style="color: #000000;">លោក Campbell បានចូលបម្រើការងារនៅក្នុងក្រុមហ៊ុន Apple តាំងពីឆ្នាំ១៩៨៣ ក្នុងនាមជាអនុប្រធានទីផ្សារ ប៉ុន្តែក្រោមមក ដោយសារតែសមត្ថភាពរបស់គាត់ខ្លាំង ទើបលោក Steve Jobs បិតាស្ថាបនិក Apple តែងតាំងគាត់ជាទីផ្សារ និងជាសមាជិកក្រុមប្រឹក្សាភិបាល។</span></p>
<p><span style="color: #000000;">នៅក្នុងក្រុមហ៊ុន Apple លោក Campbell ក៏ត្រូវបានគេទទួលស្គាល់ថា ជា «គ្រូបង្វឹក» មួយរូប ដែលតែងតែផ្ដល់ប្រឹក្សាយោបល់ល្អៗ ក្នុងការអភិវឌ្ឍន៍ និងជំរុញឲ្យ Apple ឆ្ពោះទៅមុខប្រកបដោយភាពរីកចម្រើន។</span></p>
<p><span style="color: #000000;">គួរបញ្ជាក់ផងដែរថា លោក Campbell ជាមនុស្សជំនិត និងជាទីផ្សារដ៏សំខាន់របស់លោក Steve Jons ក្នុងការដឹកនាំក្រុមហ៊ុន Apple ហើយ Steve Jobs ក៏តែងតែទទួលយក និងអនុវត្តតាមយោបល់របស់លោក Campbell ផងដែរ ដោយក្នុងនោះ ការផលិត iPhone ដ៏មានចំណែកនៃគំនិតរបស់ Campbell ដែរ៕</span></p>
<p><br /><a class="thickbox" title="" href="/FileManager/Commons/2016/4/19/54-19-04-2016--10-28-32.jpg"><img src="/FileManager/Articles/mce/2016/4/19/54-19-04-2016--10-28-32.jpg" alt="" /></a></p>