<p><span style="color: #000000;"><strong>(ភ្នំពេញ)៖</strong> ក្មេងប្រុសស្រី ដែលសិស្សវិទ្យាល័យឫស្សីកែវ ២នាក់បងប្អូនបង្កើត បានប្រកាសកាត់កាលម្តាយរបស់ខ្លួនចោល ព្រោះទ្រាំនឹងអំពើទារុណកម្ម របស់ម្តាយស្រវឹងខួប ក៏បានដាក់ពាក្យបណ្តឹង នៅប៉ុស្តិ៍នគរបាលឬស្សីកែវ ដោយឈប់ទទួលស្គាល់ និងចុះចេញពីផ្ទះ ដោយមិនទាមទារទ្រព្យសម្បត្តិអ្វីឡើយ។</span></p>
<p><span style="color: #000000;">សិស្សសាលារងគ្រោះទាំង២នាក់ បងប្អូនទី១-ឈ្មោះ ស៊ឹង សេងហាវ ភេទប្រុស អាយុ១៦ឆ្នាំ មានប្អូនស្រីឈ្មោះ ស៊ឹង សេងហ័រ អាយុ១៥ឆ្នាំ ពួកគេទាំង២នាក់បងប្អូន រៀនថ្នាក់៩ វិទ្យាល័យឫស្សីកែវ មានម្តាយឈ្មោះ ស៊ឹម មនោរម្យ អាយុ៣៥ឆ្នាំ ជាមេផ្ទះ រស់ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ និងមានឪពុកឈ្មោះ ភៅ វហ៊ន អាយុ៣៦ឆ្នាំ មុខរបររត់ម៉ូតូឌុប។</span></p>
<p><span style="color: #000000;">ក្មេងរងគ្រោះទាំង២នាក់ បានមកប្តឹងសុំកាត់កាលម្តាយ ក្រោយពីម្តាយរូបនោះ តាមទៅវាយធ្វើបាបកូនៗ នៅផ្ទះអ៊ំរបស់ពួកគេ និងយកសាំងគម្រាមចាក់ដុតផ្ទះអ៊ំ នៅព្រឹកម៉ោង ៧៖២០នាទី ថ្ងៃទី៩ ខែធ្នូ ឆ្នាំ២០១៥ម្សិល មិញ នៅភូមិមិត្តភាព សង្កាត់ឫស្សីកែវ ខណ្ឌឫស្សីកែវ ។</span></p>
<p><span style="color: #000000;">អ្វីដែលហួសចិត្តទៀតនោះ ក្មេងប្រុសស្រីកំសត់ទាំង២នាក់ មានរាងកាយស្គមស្គាំង ត្រូវម្តាយចិត្តអប្រិយ៍រូបនោះ តាមវាយគម្រាមរហូតដល់ ប៉ុស្តិ៍នគរបាលថែមទៀត ព្រមទាំងជេចៅសង្កាត់ និងសមត្ថកិច្ចនគរបាលយ៉ាងចាស់ដៃថែមទៀត។</span></p>
<p><span style="color: #000000;">មេប៉ុស្តិ៍ឫស្សីកែវ លោក ទូច គឹមសុង បានឱ្យដឹងថា សមត្ថកិច្ចគ្មានសិទ្ធិ កាត់ក្តីក្នុងរឿងនេះទេ គឺគ្រាន់តែធ្វើសាក្សី ក្នុងការដែលក្មេងទាំង២នេះផ្តិតមេដៃ ប៉ុន្តែបើចង់បញ្ចប់រឿង គឺទៅតុលាការ៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/11/12-11-2015-8-48-10-am-11-12-2015--08-55-55.png"><span style="color: #000000;"><img src="/FileManager/Articles/mce/2015/12/11/12-11-2015-8-48-10-am-11-12-2015--08-55-55.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/12/11/12-11-2015-8-48-34-am-11-12-2015--08-56-06.png"><span style="color: #000000;"><img src="/FileManager/Articles/mce/2015/12/11/12-11-2015-8-48-34-am-11-12-2015--08-56-06.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/12/11/12-11-2015-8-48-51-am-11-12-2015--08-56-15.png"><span style="color: #000000;"><img src="/FileManager/Articles/mce/2015/12/11/12-11-2015-8-48-51-am-11-12-2015--08-56-15.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញូវ</span></p>