<p><span style="color: #000000;"><strong>(ភ្នំពេញ)៖</strong> នៅព្រលប់ថ្ងៃទី០៣ ខែមីនា ឆ្នាំ២០១៧ Facebook ទម្លាយសារឆ្លើយឆ្លងតាម WhatApps រវាងមន្ត្រីខុទ្ទកាល័យសម្តេចតេជោ ហ៊ុន សែន ជាមួយតំណាងរាស្ត្រគណបក្សសង្គ្រោះជាតិ ម៉ៅ មុន្នីវណ្ណ និងលោក កឹម សុខា ជុំវិញការរៀបចំគំរោងផែនការឲ្យលោក កឹម សុខា ឡើងជាប្រធានគណបក្ស។</span></p>
<p><span style="color: #000000;">ក្រៅទម្លាយសារសំងាត់ Facebook សីហា បានសរសេររៀបរាប់ទៀតថា៖ «សារសម្ងាត់មួយនិយាយអំពីការផ្ញើសារតាម WhatsApp ទាក់ទងគ្នា រវាងលោក ម៉ៅ មុនីវណ្ណ អ្នកតំណាងរាស្ត្រគណបក្សសង្គ្រោះជាតិ ឆាតឆ្លើយឆ្លងគ្នាជាមួយមន្ត្រីជំនិតមួយរូបបំរើការងារនៅក្នុងខុទ្ទកាល័យ នាយករដ្ឋមន្ត្រី ហ៊ុន សែន ខណៈលោក ហ៊ុន សែន ដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសស្វីស កាលពីអំឡុងថ្ងៃទី១៥ ខែមករា ឆ្នាំ២០១៧ កន្លងទៅ»។</span></p>
<p><span style="color: #000000;"><strong>«មន្ត្រីជាន់ខ្ពស់មួយរូបរបស់បក្សសង្គ្រោះជាតិកូតាបក្សសិទ្ធិមនុស្ស ដែលហាក់បីដូចជាខឹង សម្បារអន់ចិត្តយ៉ាងខ្លាំង បន្ទាប់ពីមិនបានទទួលតំណែងខ្ពស់ នៅក្នុងសមាជវិសាមញ្ញកាលពីម្សិលមិញ បានបញ្ជូនសារ WhatsApp នេះ ឲ្យផេក សីហា យើងខ្ញុំចុះផ្សាយ ដើម្បីជាការរំសាយកំហឹងដែលលោក កឹម សុខា មិនគិតគូរចំពោះការប្រឹងប្រែងរបស់គាត់ ដែលបានបំរើបក្សសង្គ្រោះជាតិកន្លងមក និងមានតម្រុយថា តំណែងសំខាន់ៗមួយចំនួន ទៀតក៏មិនមានឈ្មោះគាត់ដែរ»។</strong></span></p>
<p><span style="color: #000000;">តាមរយៈសារឆ្លើយឆ្លងគ្នានេះ មន្ត្រីខុទ្ទកាល័យរបស់នាយករដ្ឋមន្រ្តី ហ៊ុន សែន បានផ្ញើឲ្យលោក កឹម សុខា តាមរយៈលោក ម៉ៅ មុនីវណ្ណ ដែលកន្លងមកគេដឹងជាទូទៅថា ម៉ៅ មុនីវណ្ណ ត្រូវបាននាយករដ្ឋមន្រ្តី ហ៊ុន សែន ឲ្យធ្វើជាជនបង្កប់ក្នុងបក្សសិទ្ធិមនុស្សរបស់លោក កឹម សុខា។</span></p>
<p><span style="color: #000000;">ក្នុងសារឆ្លើយឆ្លងគ្នានេះ លោក កឹម សុខា បានទទួលយកផែនការទាំងស្រុងរបស់នាយករដ្ឋមន្រ្តី ហ៊ុន សែន ហើយប្តេជ្ញាអនុវត្តតាមផ្លូវដែលបានគូសវាស់ឲ្យទាំងអស់។ ក្រៅពីការដាក់ចេញផែនការឲ្យលោក កឹម សុខា ហើយនោះ, ក្នុងសារ WhatsAppនេះ មន្ត្រីខុទ្ទកាល័យនាយករដ្ឋមន្រ្តី ក៏បានរៀបចំអាំងប៉ាវកញ្ចប់ធំទុកជូនលោក ម៉ៅ មុនីវណ្ណ ផងដែរ ដើម្បីទៅទស្សនកិច្ចនៅឯប្រទេសអូស្ត្រាលី។</span></p>
<p><span style="color: #000000;"><strong>សូមអានសារបែកធ្លាយនៃការឆាតទាក់ទងគ្នាតាម WhatsApp ដូចខាងក្រោមនេះ៖</strong></span></p>
<p><span style="color: #000000;"><img src="http://image.freshnewsasia.com/2017/fn-2017-03-03-20-04-30-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-03-03-20-10-24-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/001/fn-2017-03-03-20-27-03-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-03-03-20-04-43-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-03-03-20-04-40-0.jpg" alt="" width="730" /></span></p>
<p> </p>
<p><span style="color: #000000;"><img src="http://image.freshnewsasia.com/2017/fn-2017-03-03-20-04-37-0.jpg" alt="" width="730" /></span></p>
<p> </p>
<p><span style="color: #000000;"><img src="http://image.freshnewsasia.com/2017/fn-2017-03-03-20-04-34-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>