<p><span style="color: #000000;">ភ្នំពេញ ៖ សន្តិសុខខណ្ឌដូនពេញ ២នាក់ត្រូវបានចាប់ខ្លួនកាលពីថ្ងៃអង្គារ ពីបទវាយដំនិងញុះញង់អ្នកដទៃឲ្យវាយប្រហារសាស្រ្ដាចារ្យ ស៊ុយ សារ៉េត ដែលបណ្តាលមកពីគ្រោះថ្នាក់ចរាចរ នៅរាជធានីភ្នំពេញកាលពីថ្ងៃអាទិត្យ ។</span></p>
<p><span style="color: #000000;">លោក គង់ ចាន់ថា មន្រ្តីនគរបាលចរាចរណ៍រាជធានីបានកំណត់អត្តសញ្ញាណជនសង្ស័យ ២នាក់គឺម្នាក់ឈ្មោះ ភាច គឹមហាក់ និងសុខ រ៉ា ហើយជនសង្ស័យទាំងពីរនេះ គឺជាសន្តិសុខខណ្ឌដូនពេញ ។</span></p>
<p><span style="color: #000000;">ទោះជាយ៉ាងណាក៏ដោយ យោងតាមសេចក្តីថ្លែងការណ៍ ដែលបានចេញកាលពីថ្ងៃអង្គារដោយសាលាខេត្តដូនពេញ ជនសង្ស័យគឺជាអតីតសន្តិសុខខណ្ឌដូនពេញ ។</span></p>
<p><a class="thickbox" title="" href="/FileManager/Commons/2018/3/15/1-15-03-2018--09-24-23.png"><img src="/FileManager/Articles/mce/2018/3/15/1-15-03-2018--09-24-23.png" alt="" /></a></p>
<p><span style="font-size: 12px; color: #000000;">លោក ចាន់ ថា បានបន្ថែមថា ពួកគេត្រូវបានចាប់ខ្លួននៅល្ងាចថ្ងៃអង្គារ ដោយផ្អែកលើរូបថត ដែលជាភស្តុតាង ដែលបានមកពីកាមេរ៉ាសុវត្ថិភាពនៅក្បែរកន្លែងកើតហេតុ ។</span></p>
<p><span style="color: #000000;">បើយោងតាមរយៈ កាមេរ៉ារបស់ទូរទស្សន៍ស៊ីស៊ីធីវី បានឲ្យដឹងថា <span>សន្តិសុខខណ្ឌដូនពេញ ២ នាក់នោះគឺ</span>ជាអ្នកញុះញង់ហ្វូងមនុស្សឲ្យវាយជនរងគ្រោះ គឺលោក សាស្រ្ដាចារ្យ ស៊ុយ សារ៉េត ។ ហើយបន្ទាប់មកពួកគេក៏ចាប់ផ្តើមវាយជនរងគ្រោះនៅក្នុងឡានតែម្តង ។ </span></p>
<p><span style="color: #000000;">ហេតុការណ៍នោះត្រូវបានគេដឹងថា កើតឡើងកាលពី រសៀលថ្ងៃអាទិត្យ វេលាម៉ោង ៣ នៅសង្កាត់ទឹកល្អក់ 2 ខណ្ឌទួលគោក ។</span></p>
<p><a class="thickbox" title="" href="/FileManager/Commons/2018/3/15/2-15-03-2018--09-24-36.png"><img src="/FileManager/Articles/mce/2018/3/15/2-15-03-2018--09-24-36.png" alt="" /></a></p>
<p><span style="color: #000000;">លោក ចាន់ ថា បានបន្តទៀតថា កាលពីដើមសប្តាហ៍នេះ លោក សាស្រ្តាចារ្យ បានបើកឡានរបស់គាត់នៅតាមបណ្តោយផ្លូវជាតិលេខ 5 ក្នុងខណ្ឌឫស្សីកែវ ក្រោយមកក៏បានប៉ះជាមួយនឹងជិះម៉ូតូម្នាក់ ហើយបណ្តាលឲ្យអ្នកជិះម៉ូតូនោះរងរបួស ។ </span></p>
<p><span style="color: #000000;">បន្ទាប់ពីគ្រោះថ្នាក់ចរាចរណ៍នេះ លោក ស៊ុយ សារ៉េត បានបើកឡានគេចចូលទៅក្នុងទីក្រុង ហើយក៏បានបុកម៉ូតូពីរគ្រឿងទៀតនៅជិតផ្សារដេប៉ូ ក្នុងខណ្ឌទួលគោក។</span></p>
<p><span style="color: #000000;">អ្នករត់ម៉ូតូឌុបឃើញគ្រោះថ្នាក់ចចារណ៍នេះហើយខឹងខ្លាំង រហូតជិះម៉ូតូតាម លោក ស៊ុយ សារ៉េត ហើយនៅចុងបញ្ចប់ លោកក៏បានឈប់ឡាននៅក្បែរមន្ទីរពេទ្យ ព្រះកុសមៈ ក្នុងឃុំទឹកល្អក់ ៣ ។ </span></p>
<p><span style="color: #000000;">គួរបញ្ជាក់ឲ្យដឹងថា ពេលនេះស្ថានភាពជម្ងឺរបស់ លោក ស៊ុយ សារ៉េត មិនបានប៉ះពាល់ដល់ផ្នែកក្បាលធ្ងន់ធ្ងរឡើយ ប៉ុន្តែលោកត្រូវបានសម្រាកព្យាបាលបន្តនៅមន្ទីរពេទ្យប្រទេសវៀតណាម ព្រោះសភាពជម្ងឺរបស់លោក ប៉ះពាល់ផ្នែក មាត់ និងធ្មេញ ធ្ងន់ធ្ងរដែរ ៕</span></p>
<p><a class="c_tab" href="http://www.khmertimeskh.com/113972/two-district-security-guards-arrested-in-mob-attack/" target="_blank"><img src="/FileManager/Articles/mce/2018/3/15/khmertimes-15-03-2018--09-24-49.png" alt="" /></a></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល ៖ គន្ធា</span></p>
<p style="text-align: right;"><span style="color: #000000;">ប្រភព ៖ khmertimes</span></p>