<p><span style="color: #000000;"><strong>(វ៉ាស៊ីនតោន)៖</strong> អ្នកនាំពាក្យសេតវិមានអាមេរិកបានឲ្យដឹង នៅព្រឹកថ្ងៃអង្គារនេះថា ប្រធានាធិបតីអាមេរិក លោក បារ៉ាក់ អូបាម៉ា បានលុបចោលការជួបពិភាក្សា ជាលើកទីមួយរបស់លោក ជាមួយនឹងលោក Rodrigo Duterte ប្រធានាធិបតីហ្វីលីពីន បន្ទាប់ពីលោក Rodrigo បានប្រើពាក្យសម្តីមិនសមរម្យ ជាខ្លាំងទៅលើលោក មេដឹកនាំលេខ១លើពិភពលោករូបនេះ។ នេះបើតាមការផ្សាយ ដោយសារព័ត៌មាន Channel News Asia នៅព្រឹកថ្ងៃអង្គារ ទី០៦ ខែកញ្ញា ឆ្នាំ២០១៦។</span></p>
<p><span style="color: #000000;">ប្រធានាធិបតីហ្វីលីពីនរូបនេះ ត្រូវបានគេស្គាល់ពីថ្វីមាត់ច្បាស់អំឡុងយុទ្ធនាការ ដឹកនាំការប្រឆាំងការជួញដូរ និងប្រើប្រាស់គ្រឿងញៀន ហើយក្នុងមនុស្សជាង ២,៤០០នាក់ ហើយត្រូវបានសម្លាប់ផងដែរ។ នៅម្សិលមិញនេះ មួយថ្ងៃមុននឹងការបើកកិច្ចប្រជុំអាស៊ាន នៅប្រទេសឡាវ លោក Rodrigo បានប្រើសម្តី សំដៅទៅលើ លោក អូបាម៉ា ដែលមានន័យជាភាសាអង់គ្លេសថា «Son of a Bitch» (សូមអភ័យទោស, ជាភាសាខ្មែរមានន័យថា កូនមីឆ្កែ), ដោយនេះជាការប្រមាថ មើលងាយយ៉ាងខ្លាំងមកលើ លោកប្រធានាធិបតី អូបាម៉ា ដែលជាមេដឹកនាំប្រទេស មហាអំណាចមួយទាំងមូល។</span></p>
<p><span style="color: #000000;">លោក អូបាម៉ា បានដឹងពីការប្រមាថនេះ ខណៈដែលលោក ចាកចេញពីប្រទេសចិន ក្រោយបញ្ចប់កិច្ចប្រជុំ G20 នៅហាងចូវ។ នៅក្នុងសន្និសីទមួយ លោកអូបាម៉ា បានប្រាប់អ្នកសារព័ត៌មាននានាថា ជំនួបរវាងមេដឹកនាំ ប្រទេសទាំងពីរទំនង ជាមិនអាចនឹងកើតឡើងទៅរួចឡើយ។ លោក Obama បាននិយាយថា «ខ្ញុំតែងតែចង់ បញ្ជាក់ឲ្យប្រាកដថា ប្រសិនបើខ្ញុំចូលរួមកិច្ចប្រជុំណាមួយ កិច្ចប្រជុំនោះត្រូវសម្រេចបានផ្លែផ្កា ជាសមិទ្ធផល»។</span></p>
<p><span style="color: #000000;">គួរបញ្ជាក់ដែរថា នេះមិនមែនជាលើកទីមួយ ដែលប្រធានាធិបតីហ្វីលីពីនលោក Rodrigo បានជេរប្រមាថមើលងាយ មន្ត្រីជាន់ខ្ពស់ ឬមេដឹកនាំពិភពលោក៕</span></p>
<p><span style="color: #0000ff;"><a href="/News/Detail/14813/obama-calls-off-meeting-with-philippine-leader-after-whore-jibe" target="_blank"><span style="color: #0000ff;">-<span style="font-size: 12px;">ដល់កហើយ ! ប្រធានាធិបតីហ្វីលីពិន ជេរលោក អូបាម៉ា កប់ៗមាត់ថា «Son of a bitch» ដែលជាពាក្យមិនសមចេញពីមាត់ថ្នាក់ដឹកនាំ (Video Inside)</span></span></a></span></p>
<p> </p>
<p><br /><a class="thickbox" title="" href="/FileManager/Commons/2016/9/6/99j-06-09-2016--14-52-36.jpg"><img src="/FileManager/Articles/mce/2016/9/6/99j-06-09-2016--14-52-36.jpg" alt="" /></a></p>
<p style="text-align: right;"><span style="color: #000000;">ប្រភព ៖ independent</span></p>