<p><span style="color: #000000;"><strong>(ភ្នំពេញ)៖</strong> សមត្ថកិច្ចកងរាជអាវុធហត្ថរាជធានីភ្នំពេញ ឃាត់ខ្លួនក្រុមចោរប្លន់បាន ៨នាក់ ក្នុងចំណោមក្រុមចោរប្លន់២ក្រុម មានគ្នាជាង១០នាក់ ដែលតែងតែប្លន់ស្រីៗជាញឹកញាប់។ សមត្ថកិច្ចឃាត់ខ្លួនបានជាបន្តបន្ទាប់ក្នុងរយៈពេល២ថ្ងៃ និងបញ្ជូនទៅតុលាការ នៅថ្ងៃទី១៨ ខែកុម្ភៈ ឆ្នាំ២០១៦នេះ។</span></p>
<p><span style="color: #000000;">ជាក់ស្តែងកំលាំងកងរាជអាវុធហត្ថខណ្ឌចំការមន ឃាត់ខ្លួនជនសង្ស័យបានម្នាក់ នៅថ្ងៃទី១៥ កុម្ភៈ ២០១៦ នៅចំណុចមុខផ្ទះលេខ១៩ BE0 ផ្លូវលេខ៣០៤ សង្កាត់បឹងកេងកង ខណ្ឌចំការមន ដែលក្រុមនេះបានភ្ជង់គំរាមប្លន់យកម៉ូតូ Scoopy ពណ៌ស ស្លាកលេខ កណ្តាល 1R-0950 កាលពីថ្ងៃទី១៤ ខែកុម្ភៈ ២០១៦។ ក្រុមចោរនេះ នៅមានបក្សពួក ៣នាក់ទៀតបានគេចខ្លួនអស់។</span></p>
<p><span style="color: #000000;">រីឯម៉ូតូ ១គ្រឿង របស់ជនរងគ្រោះ សមត្ថកិច្ចកងរាជអាវុធហត្ថរាជធានីភ្នំពេញ បានប្រគល់ឲ្យម្ចាស់ដើមវិញ និងចោរប្លន់មួយក្រុមទៀត ត្រូវកំលាំងកងរាជអាវុធហត្ថរាជធានីភ្នំពេញ ឃាត់ខ្លួនបាន ៧នាក់ជាបន្តបន្ទាប់ ក្នុងនោះ ៣នាក់ឃាត់ខ្លួនបាននៅខណ្ឌពោធិ៍សែនជ័យ, ២នាក់ឃាត់ខ្លួនបាននៅខណ្ឌចំការមន និង២នាក់ទៀតឃាត់ខ្លួនបាននៅខណ្ឌឫស្សីកែវ។</span></p>
<p><span style="color: #000000;">តាមចម្លើយសារភាពរបស់ជនសង្ស័យ ក្រុមចោរនេះមានគ្នា ១៤នាក់ ចេញប្លន់ជាង ២០ដងរួចមកហើយ ភាគច្រើនគឺ ភ្ជង់ប្លន់ស្រីៗយកកាបូបលុយ ទូរស័ព្ទ និងម៉ូតូ ក្នុងនោះពួកវាចាំច្បាស់បាន ៥ដងគឺ៖</span><br /><span style="color: #000000;">១- នៅតាមផ្លូវព្រះមុនីវង្ស ម្តុំពេទ្យចិនលក់បបរស ក្នុងកំឡុងខែ០២ ឆ្នាំ២០១៦ ប្លន់យកកាបូបលុយពីស្ត្រីម្នាក់ពេលចុះពីឡាន យកបានកាបូបលុយដែលមានលុយ២២០ដុល្លារ និងទូរស័ព្ទម៉ាក Samsung ១គ្រឿង។</span><br /><span style="color: #000000;">២- នៅក្បែរវត្តទួលទំពូង ក្នុងអំឡុងខែ០១ ឆ្នាំ២០១៦ ប្លន់យកកាបូបលុយពីស្រ្តីម្នាក់បានលុយ៨០ដុល្លារ និងទូរស័ព្ទ Nokia ១គ្រឿង។</span><br /><span style="color: #000000;">៣- នៅក្រោយរោងកុនគីរីរម្យ ខណ្ឌចំការមន ក្នុងអំឡុងខែ០១ ឆ្នាំ២០១៦ ប្លន់យកកាបូបលុយពីស្ត្រីម្នាក់ដើរថ្មើរជើង បានលុយ១៦៥ដុល្លារ ។</span><br /><span style="color: #000000;">៤- នៅម្តុំក្រោយរោងកុនគីរីរម្យ ខណ្ឌចំការមន ក្នុងអំឡុងខែ០១ ឆ្នាំ២០១៦ដែរ ប្លន់យកកាបូបលុយពីស្រ្តីម្នាក់បានលុយ២៥ដុល្លារ និងទូរស័ព្ទ Nokia ១គ្រឿង ។</span><br /><span style="color: #000000;">៥- នៅផ្លូវ៤៦០ ភូមិ០២ ខណ្ឌចំការមន កាលពីថ្ងៃទី១២-០២-២០១៦ ប្លន់ម៉ូតូមួយគ្រឿងម៉ាក Nex ពីស្ត្រី២នាក់។</span></p>
<p><span style="color: #000000;">ក្នុងចំណោយជនសង្ស័យទាំង ៧នាក់ ដែលសមត្ថកិច្ចកងរាជអាវុធហត្ថរាជធានីភ្នំពេញឃាត់ខ្លួនបាន មាន ៣នាក់ជាមុខសញ្ញាចាស់ទើបចេញពីគុករួមមាន ១-ឈ្មោះ វី រស្មី (ហៅ ម៉ី) អាយុ២២ឆ្នាំ ជាប់គុកពីបទឆក់ទូរស័ព្ទនៅក្រោយរោងកុនបូកគោ ខណ្ឌចំការមន ចេញពីគុកកាលពីថ្ងៃទី២៨-០៣-២០១៤ ។ ២-ឈ្មោះ ហេង ថា អាយុ២៩ឆ្នាំ ជាប់គុកពីបទលួចទូរស័ព្ទ ចេញពីគុកកាលពីឆ្នាំ២០១១ ។ ៣-ឈ្មោះ ហង្ស សំអាត អាយុ៣៥ឆ្នាំ ជាប់គុកពីបទកាច់កម៉ូតូ ចេញពីគុកកាលពីថ្ងៃទី ៣០-០៥-២០១៥ ។</span></p>
<p><span style="color: #000000;">ក្រៅពីនេះពួកវាមានបក្សពួក ៧នាក់ទៀតបានគេចខ្លួន ក្នុងនោះមានម្នាក់ឈ្មោះ ឈៀន សុជា អាយុ៣៨ឆ្នាំ មានអាវុធខ្លីម៉ាក រ៉ូលូ ១ដើម ក៏ជាមុខសញ្ញាទើបចេញពីគុកកាលពីថ្ងៃទី ១២-១២-២០១៥ផងដែរ បច្ចុប្បន្នជនសង្ស័យជាចោរប្លន់ទាំង ៨នាក់ខាងលើ ត្រូវបានសមត្ថកិច្ចកងរាជអាវុធហត្ថរាជធានីភ្នំពេញ កសាងសំណុំរឿងបញ្ជូនទៅតុលាការ ហើយបក្ខពួកទាំង២ក្រុមដែលនៅសល់ សរុប ១០នាក់ទៀត សមត្ថកិច្ចកំពុងតាមប្រមាញ់យ៉ាងសកម្មបន្តទៀត៕</span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xtf1/v/t1.0-9/12729084_1559754954338870_8916362364955964404_n.jpg?oh=581fb62dc823ec203df5111479e67bdb&oe=575EFA7E&__gda__=1465833942_09a56adbdbf7f8db0b2453d32a38e657" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xfp1/v/t1.0-9/12744108_1559754897672209_7544032579138893463_n.jpg?oh=325bd247b7497d81c5ca017caef9166f&oe=5766CEDE&__gda__=1465999246_f80670a3f458e0b5c7ef06b33f7433cd" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtp1/v/t1.0-9/12717253_1559754894338876_7920918687987649461_n.jpg?oh=18fa74aa127f712840ab490c4afbb69c&oe=576FB264" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xaf1/v/t1.0-9/12744192_1559754901005542_9110425594397360000_n.jpg?oh=f8f93f73e0bec8c1a2f70a5674429530&oe=572327A7" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>