<p><span style="color: #000000;"><strong>(ក្រុងរីយ៉ូ)៖</strong> ដោយផ្អែកទៅតាមរបាយការណ៍ដែលចេញផ្សាយដោយសារព័ត៌មាន Quartz បានធ្វើការប៉ាន់ស្មានថា ប្រេស៊ីល បានចំណាយថវិកាអស់ប្រមាណ ៤.៦ពាន់ពាន់លានដុល្លារសហរដ្ឋអាមេរិក ($4.6 billion) ក្នុងការរៀបចំព្រឹត្តិការណ៍កីឡាអូឡាំពិក រដូវក្តៅ ឆ្នាំ២០១៦ នេះ នៅក្នុងទីក្រុង Rio de Janeiro។</span></p>
<p><span style="color: #000000;">របាយការណ៍ខាងលើដដែលក៏បានឲ្យដឹងទៀតថា ការចំណាយទាំងនេះ គឺនៅតិចជាងការរៀបចំកីឡាអូឡាំពិក រដូវក្តៅ កាលពី៤ឆ្នាំមុន នៅទីក្រុងឡុងដ៍ ចក្រភពអង់គ្លេស ដែលបានចំណាយរហូតដល់ ១៥ពាន់ពាន់លានដុល្លារ ហើយក៏នៅ តិចជាងការរៀបចំកីឡាអូឡាំពិក រដូវរងា ឆ្នាំ២០១៤ នៅទីក្រុងស៊ូជី នៃប្រទេសរុស្ស៊ីដែរ។</span></p>
<p><span style="color: #000000;">កត្តាចំណាយធ្លាក់ចុះយ៉ាងគំហុកនេះ អាចបណ្តាលមកពីប្រេស៊ីល ពុំមែនជាប្រទេសស៊ីវិល័យដូចទៅនឹងទីក្រុងឡុងដ៍ ចក្រភពអង់គ្លេសឡើយ ហើយថ្មីៗនេះ ប្រទេសដែលស្ថិតក្នុងតំបន់អាមេរិកឡាទីនមួយនេះ បានកំពុងតែជួបវិបត្តិបញ្ហា សេដ្ឋកិច្ច និងអំពើពុករលួយ ដែលឈានដល់ការព្យួរមុខតំណែងលោកស្រី Dilma Rousseff ពីប្រធានាធិបតីប្រេស៊ីលរហូតដល់ ១៨ខែទៀត ក្រៅពីអត្តពលិកនៃបណ្តាប្រទេសមួយចំនួនមិនបានមកចូលរួមប្រកួត Rio Olympic Games 2016 នេះទេ ដោយភ័យខ្លាចឆ្លងវីរ៉ុស Zika ជាដើម។</span></p>
<p><span style="color: #000000;">ប្រេស៊ីល បានស្ថិតក្នុងភាពត្រដាបត្រដួសជាខ្លាំង ក្នុងការរៀបចំព្រឹត្តិការណ៍ដែលមានរយៈពេល ៤ឆ្នាំម្តងក្នុងប្រទេស របស់ខ្លួន ហើយក៏ជាលើ់កទី១ ផងដែរដែលរៀបចំនៅប្រទេសស្ថិតក្នុងតំបន់អាមេរិកខាងត្បូងនេះ ដោយអត្តពលិក នៃប្រទេសនេះ ឈ្នះមេដាយបានតែ ១៩គ្រឿង មានមេដាយមាស៧ ប្រាក់៦ និងសំរឹទ្ធ៦គ្រឿង បើទោះបីជាមាន អត្តពលិកចូលរួមច្រើនជាងគេ ឈរនៅលេខ២ បន្ទាប់ពីអាមេរិកនោះ៕</span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xft1/t31.0-8/14125632_1767425286830322_3034266635226674757_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/14066475_1767425300163654_1006898707142179463_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xfp1/t31.0-8/14114847_1767425283496989_28233096179350902_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xfl1/v/t1.0-9/14102293_1767425276830323_2799535212419975784_n.png?oh=f3b8b892ac82d1322655daf908e586bd&oe=5849DBEC&__gda__=1477797801_a372280a9c6e3bd3c6eaab850af79965" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>