<p><span style="color: #000000;"><strong>(ភ្នំពេញ)៖</strong> នៅព្រឹកថ្ងៃទី២២ ខែមករា ឆ្នាំ២០១៦នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសអំពីការរៀបចំកម្មវិធី ប្រកួតប្រជែងផ្តល់រង្វាន់ មេដាយ និងបណ្ណសរសើរ ដល់អ្នកលេង Facebook ជុំវិញការបង្កើតវីដេអូបកស្រាយ អំពីប្រធានបទមួយចំនួន ដែលមានសារសំខាន់ក្នុងការកសាងសង្គម ។</span></p>
<p><span style="color: #000000;">ប្រធានបទទាំងនោះមានដូចជា ការគោរពច្បាប់ចរាចរណ៍ អំពើល្អចំពោះមនុស្សចាស់ជរា និងជនពិការ អំពើល្អចំពោះកុមារ និងស្រ្តីទន់ខ្សោយ ការជួយគ្នានៅពេលមានគ្រោះថ្នាក់ចរាចរណ៍ ការចូលរួមរើសសំរាមសំអាតទីក្រុង និងតាមទីធ្លាសាធារណៈ ការទប់ស្កាត់ និងលុបបំបាត់គ្រឿងញៀន និងការឈប់ជក់បារីជាដើម។ល។ ដែលយុវជនអាចផ្ញើជាអត្ថបទ ឃ្លីបសម្លេង ឃ្លីបវីដេអូ រូបថត រូបគំនូរដើម្បីចូលរួម។</span></p>
<p><span style="color: #000000;">នៅលើបណ្តាញសង្គម Facebook សម្តេចតេជោ បានលើកឡើងថា <strong>«យុវជនដែលទទួលបានការគាំទ្រច្រើនជាងគេ ពីមហាជនគឺនឹងទទួលរង្វាន់លើកទឹកចិត្តមានជា មេដាយ និងប័ណ្ណសរសើរពីនាយករដ្ឋមន្រ្តី។ កម្មវិធីនេះនឹងចាប់ផ្តើម នៅពេលឆាប់ៗខាងមុខនេះ។ សំរាប់ប្រធានបទជាក់លាក់ និងបែបបទនៃការប្រកួតប្រជែងនឹងជំរាបជូននៅពេលក្រោយ»។</strong></span></p>
<p><span style="color: #000000;">សម្តេចនាយករដ្ឋមន្រ្តី ហ៊ុន សែន ក៏បានអំពាវនាវឱ្យយុវជនទាំងអស់ ចូលរួមប្រកួតប្រជែងនៅក្នុងកម្មវិធីនេះឱ្យបានគ្រប់ៗគ្នា៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/22/1-22-2016-8-30-15-am-22-01-2016--08-38-53.png"><span style="color: #000000;"><img src="/FileManager/Articles/mce/2016/1/22/1-22-2016-8-30-15-am-22-01-2016--08-38-53.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>