<p><span style="color: #000000;"><strong>ភ្នំពេញ៖</strong> បន្ទាប់ពីតារាសម្តែង និងជាពិធីករ វីជេ រតនា បង្ហាញដល់ សាធារណជនថា ខ្លួនមានទំនាក់ទំនង ស្នេហាផ្អែមល្ហែម ជាមួយគូស្នេហ៍ថ្មី មិនទាន់បានប៉ុន្មានដង្ហើមផង ស្រាប់តែមានអ្នកលេង Facebook ម្នាក់ បានធ្វើការរិះគន់លោកថា មិនអាចរក្សាចំណងស្នេហ៍មួយនេះ បានស្ថិតថេរយូអង្វែងនោះឡើយ។ ចំណុចនេះ បានធ្វើឲ្យម្ចាស់សាម៉ីខ្លួនរូបនេះ ឆេះដុំបង្ហាញប្រតិកម្ម មិនសំចៃមាត់ ឆ្លើយតបទៅលើម្ចាស់ Account Facebook នោះ ទាំងអារម្មណ៍ក្រេវក្រោធច្រានចោលការចោទប្រកាន់ថា លោកជាបុរសចិត្តសាវ៉ា។</span></p>
<p><span style="color: #000000;">កាលពីពេលថ្មីៗកន្លងទៅនេះ តារាប្រុសរូបសង្ហា វីជេ រតនា ត្រូវបានអ្នកលេងបណ្តាញទំនាក់ទំនង សង្គម Facebook ម្នាក់មានឈ្មោះថា Helland Anderson បានធ្វើការរិះគន់ចំៗ ទៅលើភាពផ្អែមល្ហែម រវាងលោក និងគូស្នេហ៍ថ្មី ថាស្នេហាមួយនេះ មិនអាចរក្សា បានស្ថិតថេរយូរអង្វែងឡើយ មិនយូរទេ ស្នេហាមួយនេះ និងពុកផុយទៅវិញជាក់ជាមិនខាន ។</span></p>
<p><span style="color: #000000;">គ្រាន់តែឃើញព័ត៌មាននេះភ្លាម បានធ្វើឲ្យតារាប្រុសវីជេ រតនា ឆេះដុំបញ្ចេញប្រតិកម្ម ការពារស្នេហារបស់ខ្លួន និងតបតទៅអ្នកចាំរិះគន់នោះវិញថា «វាម៉េចហែ្អងហា?? ចាំមើលថា តើអញបានប៉ុន្មានថ្ងៃ?? ឬក៏មួយជីវិតអាតាណើប… មិនដូចហ្អែងទេហាអាញី…» ។</span></p>
<p><span style="color: #000000;">នាពេលកន្លងមក តារាប្រុសរូបនេះ ធ្លាប់បានបង្កាត់ភ្លើងស្នេហា ជាមួយតារាចម្រៀងនាង សន នាងផល្លីកា ម្តងរួចមកហើយ ដោយពួកគេ ថែមទាំងបាន រស់នៅជាមួយគ្នាក្រោមដំបូលផ្ទះ តែមួយទៀតផង ។ តែចំណងស្នេហាមួយនេះ បានដើរដល់ផ្លូវបំបែក ដោយសារតែមានអ្នកទី៣ ចូលជ្រែកស្នេហ៍ ហើយក្រោយមកមួយរយៈពេលធំ លោកក៏បានជួបនារីថ្មី ជាអ្នកស្អំបេះដូង ជំនួសអតីតសង្សារ ដែលនេះជាដើមហេតុ ធ្វើឲ្យទស្សនិកជនខ្លះគិតថា ចំណងស្នេហាមួយនេះ មិនអាចស្ថិតថេរយូរអង្វែង ដូចជាស្នេហាចាស់របស់លោកអ៊ីចឹងដែរ ។</span></p>
<p><span style="color: #000000;">ដូច្នេះប្រសិនបើចង់ដឹងថា ស្នេហាមួយនេះមាន ភាពយូរអង្វែង ស្រលាញ់គ្នាឈាន ទៅដល់ការដឹកដៃគ្នា ចូលរោងការដែរ ឬយ៉ាងណា មានតែរង់ចាំអ៊ុតមើលទាំងអស់គ្នា៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/23/70-23-07-2015--10-54-11.jpg"><img src="/FileManager/Articles/mce/2015/7/23/70-23-07-2015--10-54-11.jpg" alt="" /></a></span></p>
<p><a class="thickbox" title="" href="/FileManager/Commons/2015/7/23/71-23-07-2015--10-54-21.jpg"><img src="/FileManager/Articles/mce/2015/7/23/71-23-07-2015--10-54-21.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/7/23/70-23-07-2015--10-54-11.jpg"></a></span></p>
<p><a class="thickbox" title="" href="/FileManager/Commons/2015/7/23/72-23-07-2015--10-54-31.jpg"><img src="/FileManager/Articles/mce/2015/7/23/72-23-07-2015--10-54-31.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>