<p><span style="color: #000000;">ព័ត៌មានអន្តរជាតិ ៖ Spinosaurus ជាពូជដាយនូស័រ ប្រភេទថ្មី ដែលអ្នកវិទ្យាសាស្រ្ត ពុំធ្លាប់បានឃើញ ពីមុនមក ខណៈផូស៊ីលទំហំធំ សម្បើមមហិមា ត្រូវបានគេរកឃើញ នៅ ឯវាល ខ្សាច់ Sahara នេះបើ តាមការដកស្រង់ សម្រង់អត្ថបទផ្សាយ ពីគេហទំព័រសារព័ត៌មានបរទេស ប៊ីប៊ីស៊ី ។ </span></p>
<p><span style="color: #000000;"><a class="thickbox" title="" href="/FileManager/Commons/2014/9/12/02-12-09-2014--09-24-58.jpg"><img src="/FileManager/Articles/mce/2014/9/12/02-12-09-2014--09-24-58.jpg" alt="" /></a><br /></span></p>
<p><span style="color: #000000;">ជាមួយនឹង សំណល់ផូស៊ីល យក្ស ដែលត្រូវបានគេរកឃើញ លើកនេះ សេចក្តី រាយការណ៍ បញ្ជាក់ អោយដឹងថា ពូជដាយនូស័រមួយនេះ ធ្លាប់ មានវត្តមាន រស់នៅលើភពផែនដី តាំងពី ៩៥ លានឆ្នាំមុន មកម្ល៉េះ ខណៈរបកគំហើញមួយនេះ ញ៉ាំងអោយមានការសិក្សា រំលឹកទ្រឹស្តី និងបញ្ជាក់បានអោយដឹង ថា Spinosaurus ជាពូជដាយនូស័រយក្ស តែមួយគត់ ដែលអាចហែលទឹកបាន ។ </span></p>
<p><a class="thickbox" title="" href="/FileManager/Commons/2014/9/12/01-12-09-2014--09-25-08.jpg"><img src="/FileManager/Articles/mce/2014/9/12/01-12-09-2014--09-25-08.jpg" alt="" /></a><br /><span style="color: #000000;">បន្ថែមពីលើនេះ អ្នកវិទ្យាសាស្រ្ត សរបញ្ជាក់អោយ ដឹងថា Spinosaurus ជាពូជដាយនូស័រ ដែលមាន ជើងរាងសំប៉ែត នឹងមានច្រមុះ នៅចំពីលើក្បាល រាងដូចក្បាល សត្វ ក្រពើ ខណៈចលករទាំងនេះ ជា ប្រការមួយដ៏មានប្រសិទ្ធភាព ក្នុងការអោយវា អាចហែលទឹក បានយ៉ាង ងាយស្រួល ។ គួរបញ្ជាក់ថា របកគំហើញ នៃការសិក្សាស្រាវជ្រាវ មួយនេះ ត្រូវបានបោះពុម្ពផ្សាយ នៅលើ ទិន្នានុប្បវត្តិវិទ្យាសាស្រ្ត</span></p>
<p><span style="color: #000000;">Nizar Ibrahim ជានិពន្ធនាយក ក៏ដូចជា អ្នកវិទ្យាសាស្រ្ត ខាង ជីវសាស្រ្ត បុ រាណ មកពី សកលវិទ្យា ល័យ Chicago គូសបញ្ជាក់អោយដឹងថា ពូជដាយនូស័រ ប្រភេទនេះ គឹជាពូជដាយនូស័រ ដ៏ចម្លែកមួយ ដែលមិនធ្លាប់មានជួបប្រទះ ផូស៊ីល ពីមុនមក ពោល វាថ្មី ហើយ ប្លែក ។ វាមានកវែង ប្រម៉ោយវែង កន្ទុយវែង និងមានស្លាបក្តោង ប្រវែង វែងដល់ទៅ ២ ម៉ែត្រ នៅលើ ខ្នង របស់វា ខណៈវត្តមាន ច្រមុះ របស់វា ប្រៀបបានទៅនឹង ច្រមុះក្រពើ ដូចគ្នាដែរ ។ </span></p>
<p><span style="color: #000000;"><a class="thickbox" title="" href="/FileManager/Commons/2014/9/12/03-12-09-2014--09-25-16.jpg"><img src="/FileManager/Articles/mce/2014/9/12/03-12-09-2014--09-25-16.jpg" alt="" /></a><br /></span></p>
<p><span style="color: #000000;">គួរបញ្ជាក់ថា បើយើងក្រឡេកមើល សមាមាត្ររាងកាយ របស់ ពូជ ដាយនូស័ រ ប្រភេទ នេះ បញ្ជាក់ អោយច្បាស់ថា វាពុំមានភាពរហ័សរហួន នៅលើដីវាល ដូចទៅ នឹង ពូជដាយនូស័រ ដទៃទៀតនោះទេ ក៏ប៉ុន្តែខ្ញុំគិតថា វាបានចំណាយពេល ជាច្រើន ក្នុងការបង្ហាញវត្តមាន នៅលើផ្ទៃទឹក ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី </span></p>