<p><span style="color: #000000;">កំពូលតារាប្រុស Xu Bin និងភរិយារបស់លោក ស្វាគមន៍ដោយក្ដីរំភើប ចំពោះបុត្រទី២ របស់ពួកគេ ។ កាលពីថ្ងៃទី ១២ ខែមីនា តារាប្រុសវ័យ ៣២ ឆ្នាំរូបនេះ បានបង្ហោះ រូបភាពដៃបីកូនស្រីទើបសម្រាលរបស់លោក នៅលើគណនី Instagram របស់លោក ព្រមទាំងរូបភាពមួយសន្លឹកទៀតនៃភរិយា និងបុត្រទាំងពីររបស់ពួកគេ ។ គូភរិយាទាំងពីរនាក់នេះ បានចំណងដៃកូនប្រុសអាយុ ២ ឆ្នាំ ម្នាក់ដែរ ។ </span></p>
<p><span style="color: #000000;"><br /><a class="thickbox" title="" href="/FileManager/Commons/2021/3/15/20210315xubin-15-03-2021--14-49-29.jpg"><img src="/FileManager/Articles/mce/2021/3/15/20210315xubin-15-03-2021--14-49-29.jpg" alt="" /></a><br /></span></p>
<p><span style="color: #000000;">លោក Xu Bin បានសរសេរនៅលើការបង្ហោះនោះថា៖ “ ខ្ញុំចង់ចែករំលែកដំណឹងល្អជាមួយអ្នកទាំងអស់គ្នា ។ យើងបានបន្ថែមសមាជិកថ្មីម្នាក់ទៀតហើយ គឺកូនស្រីតូច មកក្នុងគ្រួសាររបស់យើង ។ វាមិនមែនជារឿងងាយស្រួលនោះទេ ក្នុងពរពោះកូនរយៈពេល ១០ ខែ ហើយអ្នកម្ដាយ និងកូនស្រី មានសុខភាពល្អណាស់ ។ សូមអរគុណចំពោះមិត្ដភក្ដិទាំងអស់គ្នា សម្រាប់ការជូនពររបស់អ្នកទាំងអស់គ្នា “។</span></p>
<p><span style="font-size: 12px; color: #000000;"> “បេះដូងរបស់ខ្ញុំ ដែលពោរពេញដោយក្ដីបារម្ភ បានធូរស្រាលហើយ ។ យើងបានទៅមន្ទីរពេទ្យសម្រាលយ៉ាងរីករាយ ចូលបន្ទប់សម្រាលទាំងភ័យអរ ហើយឥឡូវនេះ ម្ដាយ និងកូនមានសុខភាពល្អណាស់ ។ ខ្ញុំមានអារម្មណ៍ថា ចិត្ដរបស់ខ្ញុំ ភ័យអរ ដូចជាការជិះនៅលើកន្រ្តកវិលអីចឹង( roller coaster) ។ ប្រពន្ធសម្លាញ់ អូនលំបាកហើយ ! កូនស្រីសម្លាញ់ប៉ា! ស្វាគមន៍ ចំពោះការមកកាន់ពិភពលោកនេះ” ៕</span></p>
<p> </p>
<p><span style="color: #000000;">ប្រែសម្រួល៖ សារ៉ាត</span></p>
<p><span style="color: #000000;">ប្រភព៖ asiaone</span></p>
<p> </p>