<p><span style="color: #000000;"><strong>(មេនឆេស្ទើ)៖</strong> កីឡាករលេចធ្លោក្នុង Euro 2016 របស់ក្រុមជម្រើសជាតិអាល្លឺម៉ង់ Leroy Sane កាន់តែប្រកៀកក្នុងការផ្លាស់មកលេងឲ្យក្លឹបថ្មី Manchester City របស់អង់គ្លេស ក្រោមតម្លៃពលកម្មគួរសមដែរ គឺ ៣៧លានផោន ពីក្លឹប អាល្លឺម៉ង់ Schalke របស់អាល្លឹម៉ង់។</span></p>
<p><span style="color: #000000;">សារព័ត៌មាន BBC បានផ្សាយឲ្យដឹងថា ក្លឹបលេងនៅ Bundesliga របស់អាល្លឹម៉ង់ Schalke បានជូនដំណឹងអំពីការចាកចេញរបស់ Sane ដោយពុំបានចូលរួមហ្វឹកហាត់ជាមួយក្រុម ត្រៀមប្រយុទ្ធបើករដូវកាលថ្មីឡើយ ហើយក៏មិន បានរួមដំណើរទៅប្រកួតមិត្តភាពអន្តរជាតិនៅប្រទេសអូទ្រីស ជាមួយមិត្តរួមក្រុមផងដែរ បន្ទាប់ពីអតីតគ្រូបង្វឹកក្លឹប Bayern Munich លោក Pep Guardiola បានប្រកាសកាលពីថ្ងៃទី២១ ខែកក្កដាថា នឹងចុះហត្ថលេខានាំយក Sane នាពេលខាងមុខនោះ។</span></p>
<p><span style="color: #000000;">កីឡាករវ័យទើបតែ២០ឆ្នាំ Leroy Sane ជួយឲ្យក្រុមឥន្រ្ទីដែកអាល្លឺម៉ង់ ឆ្លងចូលវគ្គពាក់កណ្តាលផ្តាច់ព្រ័ត្រនៃ ព្រឹត្តិការណ៍ UEFA Euro 2016 នៅប្រទេសបារាំង មុនពេលចាញ់ម្ចាស់ផ្ទះមាន់គកបារាំង ២-០ គ្រាដែលរូបគេ ទើបតែបានចូលលេងក្នុងក្រុមជម្រើសជាតិកាលពីខែវិច្ឆិកា ឆ្នាំ២០១៥ មកប៉ុណ្ណោះ។</span></p>
<p><span style="color: #000000;">តាមពិតទៅ Sane ជាកីឡាករចេញពីឈុតយុវជនរបស់ក្លឹប Schalke និងត្រូវបានកោះហៅឲ្យចូលលេងក្នុងឈុតធំ កាលពីខែមេសា ឆ្នាំ២០១៤ និងស៊ុតបញ្ចូលទីបាន៨គ្រាប់ ពីការចូលលេងបាន៣៣ប្រកួត ក្នុង Bundesliga កាលពី រដូវកាលមុននេះ ដោយ Schalke បញ្ចប់ទៅដោយចំណាត់ថ្នាក់លេខ៥ ប៉ុណ្ណោះ ដោយពុំមានឈ្មោះក្នុងវគ្គជម្រុះ Champions League ឡើយ៕ </span></p>
<p><span style="color: #000000;"><a class="thickbox" title="" href="/FileManager/Commons/2016/8/2/20-02-08-2016--14-53-38.jpg"><img src="/FileManager/Articles/mce/2016/8/2/20-02-08-2016--14-53-38.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>