<p><span style="color: #000000;">នៅក្នុងពេលវេលាយុទ្ធនាការឃោសនាបោះឆ្នោតរបស់ខ្លួន លោក Donald Trump បានរំលឹកដល់ឈ្មោះ Apple មិនតិចដងនោះឡើយ។ កត្តានេះបានបង្ហាញឲ្យឃើញថា លោកប្រធានាធិបតីអាមេរិចដែលទើបតែជាប់ឆ្នោតរូបនេះ បានចាប់អារម្មណ៍ខ្លាំងកម្រិតណា ដល់ក្រុមហ៊ុនដែលមានតម្លៃថ្លៃជាងគេបំផុតលើលោកមួយនេះ ហើយនៅក្នុងពេលអនាគត អាចនឹងមានគោលនយោបាយជាច្រើន ដែលជះឥទ្ធិពលដល់ Apple នឹងដាក់ចេញមក។ ក្នុងចំណោមនោះ អ្វីដែលគួរឲ្យចាប់អារម្មណ៍ខ្លាំងបំផុតនោះគឺ ថ្លៃចំណាយផលិត iPhone មួយគ្រឿងអាចនឹងកើនឡើង ៥០ដុល្លារ ដោយសារបណ្តាគោលនយោបាយថ្មីៗទាំងនោះ។</span></p>
<p><span style="color: #000000;"><a class="thickbox" title="" href="http://camnews.com.kh/FileManager/Commons/2016/11/11/donald-trump-vs-apple-11-11-2016--14-09-08.jpg"><img src="http://camnews.com.kh/FileManager/Articles/mce/2016/11/11/donald-trump-vs-apple-11-11-2016--14-09-08.jpg" alt="" /></a><br /></span></p>
<p><span style="color: #000000;">នៅក្នុងពេលវេលាយុទ្ធនាការឃោសនាបោះឆ្នោតរបស់ខ្លួន លោក Donald Trump បានប្រាប់ Apple ឲ្យនាំយកបណ្តារោងចក្រផលិត iPhone របស់ក្រុមហ៊ុនខ្លួន ត្រឡប់មកសហរដ្ឋអាមេរិចវិញទាំងអស់។ បច្ចុប្បន្ន iPhone ត្រូវបានដំឡើងនៅប្រទេសចិន ជាមួយនឹងបណ្តាក្រុមហ៊ុនផ្គត់ផ្គង់មកពីអាស៊ី ហើយលោក Trump បានចាត់ទុកថា នោះគឺជាសកម្មភាពមួយ ដែលបានឆក់យកការងារធ្វើ នៅក្នុងសហរដ្ឋអាមេរិច។</span></p>
<p><span style="color: #000000;">“ខ្ញុំនឹងនាំយកការងារត្រឡប់មកវិញ” លោក Trump បាននិយាយការខែមីនា ឆ្នាំ២០១៦ កន្លងមក។ “ខ្ញុំនឹងធ្វើឲ្យ Apple ត្រូវចាប់ផ្តើមនាំយកបណ្តារោងចក្រផលិត iPhone និងកុំព្យូទ័រ របស់ពួកគេ ត្រឡប់មក សហរដ្ឋអាមេរិចវិញ។ ធ្វើយ៉ាងណា Apple អាចជួយពួកយើងបានទៅ បើពួកគេគិតតែផលិត iPhone នៅប្រទេសចិននោះ?”។</span></p>
<p><span style="color: #000000;">បើទោះជាការប្តេជ្ញាចិត្តរបស់លោក Donald Trump មានភាពខ្លាំងក្លា ប៉ុន្តែយើងក៏មិនអាចបដិសេធបាននូវការលំបាកដែលកើតមានឡើងចំពោះ Apple ពេលដែលផ្លាស់ប្តូររោងចក្រផលិត មកសហរដ្ឋអាមេរិចវិញនោះ។ ដំបូងគឺយើងត្រូវនិយាយដល់ថ្លៃចំណាយលើការផលិត ដែលនឹងកើនឡើង ហើយធ្វើឲ្យផលិតផលរបស់ក្រុមហ៊ុន ថមថយនូវលទ្ធភាពប្រកួតប្រជែងនៅលើទីផ្សារ។ បើតាមការប៉ាន់ប្រមាណ ថ្លៃចំណាយផលិត iPhone មួយគ្រឿងនៅសហរដ្ឋអាមេរិច នឹងខ្ពស់ជាង ៥០ដុល្លារ បើប្រៀបធៀប នឹងការផលិតនៅក្នុងប្រទេសចិន។ នេះនៅមិនទាន់គិតដល់រឿង ដែលអាចស្វែងរកបាន បណ្តា ក្រុមហ៊ុនផ្គត់ផ្គង់មានគុណភាព និងស្ថិតក្នុងស្រុកដូចទៅនឹង Foxconn ឬក៏ Sharp ដែលបច្ចុប្បន្នពិតជា ពិបាក ក្នុងការស្វែងរកណាស់។</span></p>
<p><span style="color: #000000;">ជាក់ស្តែងលោក Trump នៅតែមានវិធីដើម្បីធ្វើឲ្យ Apple ត្រូវធ្វើការពិចារណា ស្តីពីការដែលត្រូវ ដំឡើងរោងចក្រផលិត នៅសហរដ្ឋអាមេរិច។ វិធីមួយក្នុងចំណោមនោះគឺ ការបង់ពន្ធដល់ទៅ ៤៥% សម្រាប់បណ្តាផលិតផលដែលនាំចូលពីប្រទេសចិន រួមទាំង iPhone ដែលផលិតនៅក្នុងប្រទេស នោះ។ បើសិនជា លោក Donald Trump ប្តេជ្ញាអនុវត្តនូវសម្តីដែលបានសន្យាដល់ទីបំផុតនោះ Apple នឹងត្រូវឈឺក្បាល ក្នុងការពិចារណាថ្លឹងថ្លែងរវាង ថ្លៃចំណាយផលិត iPhone និងហានិភ័យបាត់បង់ទីផ្សារនៅអាមេរិច៕</span></p>
<p><span style="color: #000000;"><span style="color: #000000;"><a href="http://camnews.com.kh/News/Detail/204/future-phones-from-samsung-can-be-folded"><em><span style="color: #0000ff;">- ស្មាតហ្វូនក្នុងពេលអនាគតរបស់ Samsung អាចនឹងបត់ជាពីរបាន</span></em></a></span><a href="/News/Detail/38487/leaked-code-name-of-samsung-galaxy-s8-and-a-new-version-of-galaxy-note"><span style="color: #0000ff;"><em><br />- លេចចេញឈ្មោះកូដរបស់ Samsung Galaxy S8 ដែលមានការផ្លាស់ប្តូរ និងម៉ូដែលត្រកូល Galaxy Note ថ្មីមួយ</em></span></a><br /></span></p>
<p> </p>
<p style="text-align: right;"><em>ប្រែសម្រួល៖ មង្គល</em><br /><em> ប្រភព៖ Vreview</em></p>