<div class="article-content">
<p><strong>ខេត្តកណ្តាលៈ</strong> ស្រ្តីវ័យចំណាស់ម្នាក់ជិះកង់ ដើរលក់បន្លែនៅតាមភូមិ ដោយជិះទៅដល់លើ<br />ស្ពាន ក្នុងស្ថានភាពតូចចង្អៀត ក៏មានរថយន្តមួយគ្រឿង ប្រភេទដឹកទំនិញ ធុនធំ បើកមកដល់<br />ឡើងលើស្ពានដែរ ក៏ប៉ះកញ្ឆេបន្លែ ដួលចូលកង់រថយន្តកិនស្លាប់ភ្លាមៗ នៅនឹងកន្លែងកើតហេតុ<br />តែម្តង ។ ភ្លាមៗនោះអ្នកបើកបរ រថយន្តចុះចេញពី រថយន្តគេចខ្លួនបាត់ ហេតុការណ៍នេះ កើត<br />ឡើងកាលពីវេលាម៉ោង ១៤និង៣០នាទី ថ្ងៃទី៣០ ខែឧសភា ឆ្នាំ២០១៣ ស្ថិតនៅតាមបណ្តោយ<br />ផ្លូវលំ លើស្ពានវត្តពោធិ៍ ភូមិវត្តពោធិ៍កណ្តាល ឃុំត្រើយស្លា ស្រុកស្អាង ខេត្តកណ្តាល។</p>
<p>នគរបាលចរាចរស្រុកស្អាង បានឲ្យដឹងថា ស្រ្តីរងគ្រោះមានឈ្មោះ បាវ គី អាយុ ៦២ឆ្នាំ មានមុខ<br />របរដើរលក់បន្លែ រស់នៅភូមិពោធិ៍ក្រោម ឃុំត្រើយស្លា ស្រុកស្អាង ខេត្ត កណ្តាល ស្លាប់ភ្លាមៗ<br />នៅនឹងកន្លែងតែម្តង ។ ចំណែកឯរថយន្តបង្ក ម៉ាកពុយហ្យ៊ូពណ៌ខៀវ លាយលឿង ប្រភេទ ៨<br />តោន ពាក់ស្លាកលេខ 3B-0921 អ្នកបើកបរពុំត្រូវ បានគេស្គាល់អត្តសញ្ញាណនោះទេ បន្ទាប់ពី<br />កើតហេតុរត់គេចខ្លួនបាត់។</p>
<p>នគរបាលបានបន្តទៀតថា មុនពេលកើតហេតុ ជនរងគ្រោះជិះកង់និងដឹកកញ្ឆេបន្លែ ដើរលក់ក្នុង<br />ភូមិមួយទៅភូមិ លុះដល់ចំណុច លើស្ពានកើតហេតុ ក៏មានរថយន្ត មួយគ្រឿងធុនធំ បើកច្រាស<br />ទិសគ្នា ពីត្បូងទៅជើង ដោយស្ថានភាពស្ពានតូចចង្អៀត ក៏បានប៉ះជាមួយនឹងកញ្ឆេដឹកបន្លែរបស់<br />ជនរងគ្រោះ បណ្តាលឲ្យដួលខ្ទាត ជន រងគ្រោះ ចូលក្រោមកង់រថយន្តកិនស្លាប់ភ្លាមៗ នៅនឹង<br />កន្លែងកើតហេតុតែម្តង។ ចំណែកឯអ្នកបើកបររថយន្ត បន្ទាប់ពីកើតហេតុ បានចាកចេញពីរថយន្ត<br />គេចខ្លួន ទៅ បាត់ បន្សល់ទុកតែរថយន្ត នៅនឹងកន្លែងកើតហេតុ ត្រូវបានគរបាលអូស យកទៅ<br />រក្សាទុក នៅស្នងការដ្ឋាននគរបាលខេត្ត ផ្នែកចរាចរ និងសណ្តាប់ធ្នាប់ខេត្ត រីឯសព ជនរងគ្រោះ<br /> ត្រូវបានប្រគល់ជូនទៅក្រុមគ្រួសារ យកទៅធ្វើបុណ្យតាមប្រពៃណី៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-014/that-0679.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-014/that-0680.jpg" alt="" width="400" /></p>
</div>