<div class="article-content">
<p><strong>បន្ទាយមានជ័យ ៖</strong> អធិការស្រុកភ្នំស្រុក លោក ស៊ី ឌី បានឲ្យដឹងនៅថ្ងៃទី២៧ ខែសីហា ឆ្នាំ២០១៣<br />នេះថា ស្ត្រីម្នាក់ និងប្រុសស្នេហ៍ របស់ខ្លួន ត្រូវប្តីជនជាតិថៃកាប់ បណ្តាលឲ្យរបួសយ៉ាងធ្ងន់ធ្ងរទាំង<br />២នាក់ ខណៈ កំពុងអង្គុយកៀកកើយគ្នា មើលទូរទស្សន៍នៅលើផ្ទះតែ ២នាក់ ។</p>
<p>លោកបានបន្តថា ស្រី្តរងគ្រោះមានឈ្មោះ ភិញ ប៉ែង អាយុ ៤៣ឆ្នាំ រស់នៅភូមិស្វាយស ឃុំពន្លៃ <br />ស្រុកភ្នំ ស្រុក រីឯជនរងគ្រោះម្នាក់ទៀត ឈ្មោះ ហួក ម៉ៅ ភេទប្រុស អាយុ ៤៨ឆ្នាំ រស់នៅភូមិចក <br />ឃុំរហាល ស្រុកព្រះនេត្រព្រះ ខេត្តបន្ទាយមានជ័យមានមុខរបរជាអ្នកដើរទិញឆ្កែយកទៅកាប់លក់<br /> និងជាប្រុសស្នេហ៍ស្ត្រីខាងលើ ។</p>
<p>លោក ស៊ី ឌី បានបញ្ជាក់ថា មុនពេលកើតហេតុ កាលពីថ្ងៃទី២២ ខែសីហា ឆ្នាំ២០១៣ កន្លងទៅ<br /> ស្រ្តីឈ្មោះ ភិញ ប៉ែង នេះបានសុំលាប្តីថៃ នៅខេត្តស្រះកែវ មកលេងនៅផ្ទះនៅស្រុកកំណើត ក្នុង<br />ប្រទេសកម្ពុជា ដោយបាត់យូរមិនឃើញត្រលប់ទៅវិញប្តីថៃឈ្មោះអឿប អាយុ៦០ឆ្នាំ បានមកតាម<br /> គាប់ជួនឃើញប្រពន្ធរបស់ខ្លួនកំពុងកៀកកើយគ្នាមើលទូរទស្សន៍លើផ្ទះទប់កំហឹងមិនបានក៏ទាញ<br />កាំបិតខ្វែវ ឡើងទៅ កាប់ទាំង២នាក់ បណ្តាលឲ្យរបួសដាច់ដៃដាច់ជើង ខ្លះបែកក្បាល រួចជន<br />សង្ស័យបានទម្លាក់កាំបិតចោល រួចរត់គេចខ្លួន ទៅប្រទេសថៃវិញបាត់ស្រមោល។</p>
<p>បច្ចប្បន្ន ជនរងគ្រោះទាំង ២នាក់ កំពុងសម្រាកព្យាបាល នៅមន្ទីរពេទ្យ។ សមត្ថកិច្ច កំពុងមាន<br />ចំណាត់ការ លើករណីនេះ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0450.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0451.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>