<div class="article-content">
<p><strong>តាកែវ៖</strong> គ្រោះថា្នក់ចរាចរ ដ៏រន្ធត់មួយរវាងរថយន្ត កូរ៉ូឡា និងរថយន្តកាមរីមួយគ្រឿង បាន<br />បណ្ដាលមនុស្សយ៉ាង ហោចណាស់ ៩នាក់ បានរងរបួសស្រាល និងធ្ងន់ កាលពីម៉ោង ៨<br />យប់ថ្ងៃអាទិត្យ ទី១៦ ខែមិថុនា ឆ្នាំ២០១៣ នៅ ចំណុចភូមិត្រពាំងខ្នា ឃុំអង្គតាសោម ស្រុក<br />ត្រាំកក់។</p>
<p>លោក អឿន សុខុម អធិការរងនគរបាលទទួលបន្ទុកសណ្ដាប់ធ្នាប់ និងចរាចរណ៍ស្រុកត្រាំកក់<br /> បានប្រាប់ឲ្យដឹងថា រថយន្តដែលបង្កគ្រោះថ្នាក់ចរាចរនោះទីមួយ គឺរថយន្តកូរ៉ូឡាពណ៌ទឹកប្រាក់<br />ពាក់ស្លាកលេខ ភ្នំពេញ ២M-១៩៩៥ ស៊េរីឆ្នាំ៩៨ បើកបរដោយស្រ្តីម្នាក់ឈ្មោះ មឿន លក្ខិណា<br /> អាយុ ២៤ឆ្នាំ មានទីលំនៅសង្កាត់ស្ទឹងមានជ័យ រាជធានី ភ្នំពេញ បានធ្វើដំណើរត្រឡប់មកពី<br />ខេត្តកំពត ក្នុងរថយន្តកូរ៉ឡានេះ មានអ្នករួមដំណើរ ៨នាក់ ដែលមានទាំងកូន ក្មេងផង។</p>
<p>ដោយឡែករថយន្តកាមារីពណ៌ក្រហមពាក់ស្លាកលេខ ឆ ភ្នំពេញ ១១២៥ អ្នកបើកបរឈ្មោះ <br />ថោង វីរៈ អាយុ ៣៤ឆ្នាំ មានមុខរបបជាមន្រ្តីរាជការ ដែលក្នុងរថយន្តនោះ មានអ្នករួមដំណើរ<br />ប្រមាណ ៧ទៅនាក់ដូចរថយន្ត កូរ៉ូឡាដែរ។</p>
<p>មន្រ្តីសមត្ថកិច្ចបានបន្តថា មុនពេលកើតហេតុគេឃើញរថយន្តកូរ៉ូឡា បានបើកពីទិសខាងត្បូង<br />ឆ្ពោះទៅកាន់រាជធា នីភ្នំពេញ លុះមកដល់ចំណុចកើតហេតុ ក៏បានប៉ះគ្នា និងរថយន្តធំមួយ <br />ដែលបើកបញ្ច្រាស់ទិសគ្នាបណ្ដាលឲ្យរេ ចង្កូតចុះឡើង។ ស្របពេលនោះរថយន្តកាមារី បើក<br />ពីក្រោយរថយន្តធំនោះ ក៏បុកគ្នាពេញទំហឹងតែម្ដងបណ្ដាលឲ្យ រថយន្តទាំងសងខាងខ្ទេចផ្នែក<br />ខាងមុខយ៉ាងដំណំដូចគ្នា ដោយឡែកអ្នកជិះនៅក្នុងរថយន្តកូរ៉ូឡា បានរងរបួសធ្ងន់ ម្នាក់ និង<br />ស្រាល៤នាក់ ចំណែករថយន្តកាមរីរបួសធ្ងន់ម្នាក់ ស្រាល៣នាក់ រីឯរថយន្តធំនោះ ក៏បានដាក់<br />មេប្រូចបាត់ ទៅ។</p>
<p>ក្រោយកើតហេតុនគរបាលស្រុកត្រាំកក់ បានទូរស័ព្វហៅរថយន្តពេទ្យខេត្តតាកែវ មកដឹកជន<br />រងគ្រោះទៅកាន់មន្ទីរ ពេទ្យ ដោយឡែករថយន្តទាំងពីរ ត្រូវបានស្ទួចមកទុកនៅអធិការស្រុក<br />ត្រាំកក់ ដើម្បីដោះស្រាយនៅពេលក្រោយ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/ST-104.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/ST-105.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>