<p class="Title">ទីភ្នាក់ងារអវកាសរុស្ស៊ី Roscosmos និងទីភ្នាក់ងារអវកាសជប៉ុន JAXA ទើបបានប្រកាសអំពី<br />គម្រោងកងសាងមូលដ្ឋានរបស់ខ្លួននៅលើឋានព្រះច័ន្ទ។</p>
<p><img src="http://vnexpress.net/Files/Subject/3b/bd/73/e3/sieu-trang.jpg" alt="" width="460" height="345" /></p>
<p><em>ព្រះច័ន្ទគឺជាគោលដៅរបស់ Roscosmos និង JAXA ក្នុងពេលអនាគត</em></p>
<p class="Normal">JAXA និង Roscosmos ប្រកាសពីមហិច្ឆតានេះនៅក្នុងកិច្ចប្រជុំ Global Space Exploration ស្ដីពីការរុករកអវកាស ដែលត្រូវបានធ្វើឡើងចាប់ពីថ្ងៃទី ២២ ដល់ថ្ងៃទី ២៤ឧសភា នៅក្នុងរដ្ឋ<br />ធានី Washington។ មន្ដ្រីរបស់ Roscosmos អះអាងថា ពួកគេមិនចង់ធ្វើឡើងវិញនូវជោគជ័យ<br />ដែលមនុស្សធ្លាប់បានធ្វើកាលពី ៤ទសវត្សមុននេះនោះទេ(នាំមនុស្សឡើងកាន់ឋានព្រះច័ន្ទ)។</p>
<p class="Normal">ទស្សនាវដ្ដី Mashable ដកស្រង់សំដីរបស់លោក Vladimir Popovkin អគ្គនាយករបស់ទីភ្នាក់ Roscosmos បានអោយដឹងថា ៖ "យើងកំពុងនិយាយអំពីការបង្កើតមូលដ្ឋានយូរអង្វែងមួយនៅ<br />លើឋានព្រះច័ន្ទ"។</p>
<p class="Normal">ចំណែកលោក Yuichi Yamaura មន្ដ្រីជាន់ខ្ពស់របស់ JAXA បានប្រកាសថា ៖ "ព្រះច័ន្ទគឺជា<br />គោលដៅបន្ទាប់របស់យើងខ្ញុំ នៅក្នុងសកម្មភាពរុករកក្នុងអវកាស"។</p>
<p class="Normal">គួររំឭកថា អាមេរិកគឺជាប្រទេសដែលបាននាំមនុស្សទៅកាន់ឋានព្រះច័ន្ទដំបូងគេបង្អស់ ប៉ុន្ដែ<br />ប្រទេសនេះ ហាក់ដូចជាមិនបានចាប់អារម្មណ៍ខ្លាំងចំពោះភពរណបមួយនេះ ដូចទៅនឹងរុស្ស៊ី និងជប៉ុននោះទេ។ ទោះជាយ៉ាងនេះក្ដី យោងតាមទីភ្នាក់ងារអវកាសអាមេរិក NASA បានអោយ<br />ដឹងថា ក្នុងអំឡុងពេល ២៥ឆ្នាំខាងមុខ ក្រុង Washington នឹងបង្កើតមូលដ្ឋាននៅលើឋានព្រះច័ន្ទ៕</p>
<p class="Normal" style="text-align: right;">ដោយ ៖ សូរីយ៉ា<br />ប្រភព ៖ VE</p>