<p><span>បុរស៥នាក់ឈរអន្ទះអន្ទែងខាងក្រៅ បន្ទប់សម្រាលកូនរបស់មន្ទីរពេទ្យឯកជនមួយ ដើម្បីចាំស្តាំដំណឹងប្រពន្ឋរបស់ខ្លួន ដែលកំពុងសម្រាលកូននៅខាងក្នុង ។ មួយសន្ទុះគិលានុបដ្ឋាយិការម្នាក់ បានបើកទ្វាបន្ទប់ ចេញមកផ្តល់ដំណឹងល្អ ដល់បុរសទាំងអស់នោះ ។នាងនិយាយ ជាមួយបុរសទី មួយ </span><br /><span>គិលានុបដ្ឋាយិការ៖ សូមជួយត្រេកអលោក ប្រពន្ឋលោកសម្រាលបានកូនភ្លោះ ! </span><br /><span>បុរសទី ១៖ (លោតកញ្ឆេងដោយការត្រេកអរ) ខ្ញុំជាបុគ្គលិកសន្តិសុខនៅអាគារភ្លោះ អញ្ចឹងបានជាប្រពន្ឋខ្ញុំសម្រាលបានកូនភ្លោះ ពិតជាអស្ចារ្យមែន </span><br /><span>បន្ទាប់មក នាងគិលានុបដ្ឋាយិការ និយាយជាមួយបុរសទី២ </span><br /><span>គិលានុបដ្ឋាយិការ៖ ចំណែកលោកបានធ្វើជាឳពុកកូនស្រីស្អាត ច្រឡឹងបីនាក់ ! </span></p>
<p><a class="thickbox" title="" href="/FileManager/Commons/2014/7/25/images-25-07-2014--10-48-12.jpg"><img src="/FileManager/Articles/mce/2014/7/25/images-25-07-2014--10-48-12.jpg" alt="" /></a><br /><span>បុរសទី ២៖ (លោតកញ្ឆេងដោយការត្រេកអ ដូចបុរសទី១ដែរ ) ខ្ញុំក៏អញ្ចឹងដែរ! ខ្ញុំជាបុគ្គលិកសន្តិសុខ ក្រុមឈូករ័ត្ន ៣ អញ្ចឹងបានជាប្រពន្ឋរបស់ខ្ញុំ បង្កើតកូនអោយខ្ញុំម្តងកូនស្រីដល់ទៅ ៣នាក់ ។ </span><br /><span>នាងគិលានុបដ្ឋាយិការ សើចញឹមៗ បែទៅបុរសទី៣ </span><br /><span>គិលានុបដ្ឋាយិការ៖ ចំណែកប្រពន្ឋលោកសម្រាលបានកូនបួននាក់ ប្រុស២ ស្រី២ សូមជួយត្រេកអរ! បុរសទី៣ទះដៃផូងៗ </span><br /><span>បុរសទី ៣៖ យី! នេះជាភាពគាប់ជូនមែនទែន ខ្ញុំជាម្ចាស់សណ្ឋាគារ ផ្កាយ៤ អញ្ចឹងបានជាខ្ញុំបានកូនម្តងបួននាក់ ។ ឃើញបុរសទី ១ និងទី២ និងទី៣រីករាយដូចនេះ បុរសទី៤ក៏បានសួរទៅគិលានុបដ្ឋាយិកា </span><br /><span>បុរសទី ៤៖ចុះប្រពន្ឋរបស់ខ្ញុំសម្រាលបានកូនប៉ុន្មាននាក់ដែរ? </span><br /><span>គិលានុបដ្ឋាយិការ៖ ចាស ប្រពន្ឋរបស់លោកសម្រាលបានកូនដល់ទៅ ៧នាក់ឯណោះ អស្ចារ្យមែន ចុះលោកធ្វើការនៅឯណាដែរ? </span><br /><span>បុរសទី ៤៖ ខ្ញុំធ្ចើការនៅក្រុមហ៊ុន Seven Up! </span><br /><span>ស្រាប់ពេលនោះបុរសទីប្រាំស្រែកឡើង៖ </span><br /><span>បុរសទី ៥៖ ខ្ញុំមិនជឿទេ ...មិនជឿថាក្នុងលោកនេះមានរឿងគាប់ជួនគ្រប់គ្នាទេ ។ ប្រសិនបើអឹច្ចឹងមែនរលាយហើយខ្ញុំ ...ទោះខ្ញុំជាមហាសេដ្ឋីក៏រលាយអស់ដែរ ។ </span><br /><span>បុរសទី ១ ទី២ ទី៣ និងទី៤បានសួរព្រមគ្នា៖ លោកធ្វើការនៅក្រុមហ៊ុនណាដែរ? </span><br /><span>បុរសទី ៥៖ ខ្ញុំអត់ធ្វើការនៅក្រុមហ៊ុនណាទេ ខ្ញុំជាអ្នកដឹកនាំរឿងហើយរឿងដែលខ្ញុំដឹងនាំថតនោះ ទើបតែចប់ម្សិលមិញនោះឯង ។ប្រសិនបើខ្ញុំជួបភាពចៃដន្យដូចពួកលោកដែរ ខ្ញុំត្រូវបានកូនម្តងដល់ទៅ ១០១នាក់ឯណោះ រកលុយចិញ្ចឹមមិនឈ្នះទេ ព្រោះរឿងរបស់ខ្ញុំមានចំណងជើងថា"ឆ្កែ១០១ក្បាល"។ និយាយរួចហើយបុរសទីប្រាំបានរត់ចេញពីមន្ទីរពេទ្យយ៉ាងលឿនបាត់ទៅ ៕</span></p>
<p style="text-align: right;"> </p>
<p style="text-align: right;">ដោយ៖ វណ្ណៈ<br />ប្រភព៖ khmerjoke</p>