<p>ស្ទើរតែមិនគួរអោយជឿ ៖ បុរសម្នាក់ ត្រូវបានគេ ពណ៌នា អោយដឹងថា ជាកំពូលបេក្ខភាព បុរសអច្ឆរិ យៈពោលគឺ គាត់ពិតជា មិនបានស្លាប់បាត់ បង់ជីវិត អ្វីនោះទេ ក្រោយពី បានបាត់ខ្លួន អស់រយៈពេល ដល់ទៅពីរថ្ងៃពេញ ខណៈពេលដែល គាត់មិនទាន់ នឹងចេះហែលទឹកផងនោះ នេះបើយោងតាមការ ដកស្រង់អត្ថបទផ្សាយ ពីគេហទំព័រ សារព័ត៌មាន ស្កាយ ។</p>
<p>ប្រភពដដែលបន្តផងដែរថា ករណីគាត់ អាចបាត់ខ្លួនចូលទៅ ដែនសមុទ្រ ដល់ទៅ ២ ថ្ងៃបាននោះ ក៏ ព្រោះតែ មានការវាយប្រហារ ពីសំណាក់រលកយក្ស វាយបោក នឹងនាំខ្លួនគាត់ចូលទៅក្នុងសមុទ្រ ខណៈពេលដែលគាត់កំពុងតែ ស្ទូចត្រី នៅឯមាត់ជ្រាំងសមុទ្រមួយកន្លែង នៅឯ តៃវ៉ាន់។</p>
<p><a class="thickbox" title="" href="http://camnews.com.kh/FileManager/Commons/2014/1/9/taiwan-miracle-man-09-01-2014--09-29-00.jpg"><img src="http://camnews.com.kh/FileManager/Articles/mce/2014/1/9/taiwan-miracle-man-09-01-2014--09-29-00.jpg" alt="" /></a></p>
<p>គួរបញ្ជាក់ថា ជនរងគ្រោះរូបនេះ មានឈ្មោះថា លោក Tseng Lien-fa មានវ័យ ៤២ ឆ្នាំ ។ គាត់ពិតជា សំណាងហួស ខណៈពេលដែលបាន ប្រវ៉េប្រវ៉ា នឹងតោងជាប់ គម្របក្តារមឈូស មួយ រសាត់អណ្តែត ដល់ទៅ ២ ថ្ងៃពេញ ស្របពេលដែលគាត់ មិនទាន់នឹងចេះហែលទឹកផងនោះ។</p>
<p>ជនរងគ្រោះរូបនេះ ផ្តល់ជាកិច្ចសម្ភាសន៍ អោយដឹងថា លោកពិតជា មានភ័យរន្ធត់ជាខ្លាំង នៅពេល អណ្តែត រសាត់ នៅលើមហាសាគរ ដោយលោកសង្ឃឹមថា នឹងមានទូក ឬក៏កាប៉ាល់ ដែលបានធ្វើដំ ណើរឆ្លងកាត់នោះ ជួយស្រង់លោក ។</p>
<p><a class="thickbox" title="" href="http://camnews.com.kh/FileManager/Commons/2014/1/9/taiwan-miracle-man-01-09-01-2014--09-29-11.jpg"><img src="http://camnews.com.kh/FileManager/Articles/mce/2014/1/9/taiwan-miracle-man-01-09-01-2014--09-29-11.jpg" alt="" /></a></p>
<p>អំឡុងពេល ដែលមិនបានវិលត្រលប់មកវិញ បន្ទាប់ពី ទៅស្ទូចត្រី ដើម្បីរកប្រាក់ចំណូលបន្ថែមនោះ ប្រពន្ធរបស់គាត់ ដែលជិតនឹងឆ្លងទន្លេនោះ បានធ្វើការប្តឹងផ្តល់ ដល់មន្រ្តីប៉ូលីស ស្តីពី បញ្ហាការបាត់ ខ្លួនមួយនេះ រហូតដល់ ចេញប្រតិការស្រាវជ្រាវ និងរកឃើញ គាត់រសាត់អណ្តែត លើមហាសាគរផ្ទាល់ តែម្តង។ គួររំឭកថា បន្ទាប់ពី បានរកឃើញគាត់ មន្រ្តីមានសមត្តកិច្ច បានបញ្ជួនគាត់ទៅកាន់មន្ទីរពេទ្យ ក្នុងស្រុក មួយកន្លែងឈ្មោះ Hualien ដើម្បីធ្វើការសង្គ្រោះបន្ទាន់ ខណៈពេលដែលគាត់ ស្ថិតនៅក្នុង សភាពស្លេកស្លាំង និង ហេវហត់។ មកទល់នឹងបច្ចុប្បន្ននេះ ស្ថានភាពរបស់គាត់ បានធូរស្រាលគ្រាន់ បើហើយ ៕</p>
<p><a class="thickbox" title="" href="http://camnews.com.kh/FileManager/Commons/2014/1/9/taiwan-miracle-man-02-09-01-2014--09-29-23.jpg"><img src="http://camnews.com.kh/FileManager/Articles/mce/2014/1/9/taiwan-miracle-man-02-09-01-2014--09-29-23.jpg" alt="" /></a></p>
<p style="text-align: right;">ប្រែសម្រួល ៖ កុសល<br />ប្រភព ៖ ស្កាយ</p>