<div class="article-content">
<p><strong>បន្ទាយមានជ័យ</strong> ៖ កុដិលោកមួយខ្នង ស្ថិតក្នុងវត្តប្រាសាទត្បែង តាមបណ្តោយព្រំដែនកម្ពុជា ថៃ ក្នុងភូមិប្រាសាទត្បែង ឃុំបន្ទាយឆ្មា ស្រុកថ្មពួក ត្រូវបានអគ្គិភ័យឆាបឆេះគ្មានសល់ នៅម៉ោង៥ ព្រឹកថ្ងៃទី១៣ ខែសីហា ឆ្នាំ២០១៤ ។ </p>
<p>ក្នុងអគ្គីភ័យឆាបឆេះនេះ គេឃើញមានកម្លាំង នគបាលវរះ ព្រំដែន៨០៧ ចុះជួយអន្តរាគមន៍ជួយពន្លត់ តែកុដិមួយខ្នងមាន ទំហំ ៧×៨ ធ្វើពី ឈើលើ ថ្មក្រោម នេះមិនអាចជួយសង្រ្គោះបានដោយគេអះអាងថា ខ្វះទឹកគ្រប់គ្រាន់ សំរាប់ជះពន្លត់ ។</p>
<p>លោកចៅអធិការវត្តបានឲ្យដឹងថា មូលហេតុដែលនាំឲ្យកុដិមួយខ្នង ត្រូវបានអគ្គីភ័យឆាបឆេះនេះ ដោយសារព្រះសង្ឃដុតភ្លើង ធូបទៀនចោល រួចនិមន្តទៅថ្វាយបង្គំព្រះនៅព្រះវិហារ ហើយត្រូវ ខ្យល់បក់វាំងននប៉ះភ្លើងទៀនឆេះ ហើយក្នុងនោះឆេះសំភារ: មានចានឆ្នាំង និងកន្ទេល ។</p>
<p style="text-align: center;"><img src="http://image.dap-news.com:81/dap-news/dap-images/2014/August/id-011/Hong-0253.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-011/Hong-0252.jpg" alt="" width="500" /></p>
</div>
<p style="text-align: right;"><a href="http://www.dap-news.com/2011-06-14-02-39-55/92681-2014-08-13-03-25-26.html" target="_blank">ផ្តល់សិទ្ធដោយ ៖ ដើមអម្ពិល</a></p>