<p><span style="color: #000000;"><strong>(ភ្នំពេញ)៖</strong> បុរសដ៏កំសត់ម្នាក់ដែល មានជីវភាពក្រីក្រតោកយាក ហើយជាអកុសលប្រពន្ធ គាត់ក៏ត្រូវស្លាប់ចោលទៀត និងបានរៀបចំ បុណ្យសពទាំងត្រតាបត្រដួស ប៉ុន្តែអ្វីដែលហួសចិត្ត ជាងនេះទៅទៀតនោះ ពេលយកសពប្រពន្ធទៅបូជានៅ វត្តគោកបញ្ជាន់ ស្ថិតក្នុងភូមិថ្មគោល សង្កាត់ចោមចៅ ខណ្ឌពោធិ៍សែនជ័យ ស្រាប់តែតាអាចារ្យ និងភ្លុកខ្មោច បែរជាមិនអនុញ្ញាតឲ្យបុរសកំសត់នេះ ប្រមូលធាតុ (ឆ្អឹង) ប្រពន្ធរបស់ខ្លួនឡើយ ដោយសារគាត់គ្មានប្រាក់ ចំនួន ៣០ម៉ឺនរៀល សម្រាប់ឱ្យតាអាចារ្យគ្រប់ចំនួន។</span></p>
<p><span style="color: #000000;">ហេតុការណ៍ហួសចិត្តខាងលើនេះ បានកើតឡើងនៅព្រឹកថ្ងៃទី១១ ខែកក្កដា ឆ្នាំ២០១៦ រហូតដល់ធ្វើឲ្យបុរសជាប្ដីសម្រក់ទឹកភ្នែក យំលើកដៃសំពះអង្វរតាអាចារ្យ ព្រមទាំងស្នើដល់ញាតិមិត្តជិតខាង ដើម្បីបានប្រាក់ជួយឧបត្ថម្ភដល់រូបគាត់ យកទៅឲ្យតាអាចារ្យ យកធាតុមកតម្កល់ និងយកទៅបណ្តែតទឹកតាមទន្លេ។</span></p>
<p><span style="color: #000000;">ករណីដ៏កួរឱ្យអាណិតអាសូរនេះ ក៏បានលេចឮដល់លោក យឹម សារ៉ាន់ អធិការនគរបាលខណ្ឌពោធិ៍សែនជ័យទាំងថ្ងៃ ដោយលោកអធិការមានសណ្តានចិត្តសប្បុរសធម៌ ហើយលោកបានចេញមុខមកធានាអះអាងជាមួយតាអាចារ្យ ក្នុងការចេញលុយឲ្យ និងបានឲ្យបុរសនោះប្រមូលធាតុយកទៅរៀបចំទុកដាក់តាមប្រពៃណី។</span></p>
<p><span style="color: #000000;">ជាមួយគ្នានេះ លោក យឹម សារ៉ាន់ ក៏បានចុះទៅកាន់ទីនោះផ្ទាល់ និងបានជួយឧបត្ថម្ភថវិកាចំនួន៨០ម៉ឺនរៀល ជូនដល់បុរសជាប្ដី ដើម្បីចាត់ចែងទូទាត់ក្នុងការរៀបចំបុណ្យសព។</span></p>
<p><span style="color: #000000;">សូមរម្លឹកថា ស្ត្រីជាប្រពន្ធដែលបានស្លាប់នោះ ជាជនពិការជើងទាំង២ ដើរមិនរួច និងមានជំងឺលើសឈាមទៀត ក្រោយមកក៏បានស្លាប់ដែលស្ថិតក្នុងជីវភាពក្រខ្សត់ ប្ដីរបស់គាត់ក៏បានរៀបចំចាត់ចែងធ្វើបុណ្យតាមប្រពៃណី ដោយខ្វះមុខខ្វះក្រោយ សូម្បីតែការបូជា និងថ្លៃមឈូសក៏គ្មានប្រាក់បង់ឲ្យតាអាចារ្យ ទើបកើតទៅជារឿងបែបនេះ។</span></p>
<p><span style="color: #000000;">បន្ទាប់ពីទទួលបានការជួយឧបត្ថម្ភ រួចមក បុរសជាប្ដី និងញាតិជិតខាង បានសម្ដែងនូវការដឹងគុណចំពោះ ការជួយឧបត្ថម្ភពីលោកអធិការនគរបាល ខណ្ឌពោធិ៍សែនជ័យ ហើយជាចុងក្រោយ លោកអធិការសន្យាជួយផ្តល់ថវិកា ជូនដល់កូនស្រីរបស់សព ដែលជិតគ្រប់ខែឆ្លងទន្លេ នៅខែក្រោយទៀតផង៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-11-18-04-04-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-11-18-04-05-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-11-18-04-05-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-11-18-04-05-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>