<p><span style="color: #000000;"><strong>(ភ្នំពេញ)៖</strong> ជាការរំឭកនឹកដល់គុណលោកឪពុក ប្រធានសមាគមសិល្បករកម្ពុជា លោក សុះ ម៉ាច បានសរសេរនៅលើហ្វេសប៊ុក ផ្ទាល់ខ្លួនថា« សំឡឹងមើលរូបថតលោកឪពុក ក្តុកក្តួលក្នុងចិត្ត ត្បិតអស់សង្ឃឹម ក្នុងការស្វែងរកឆ្អឹងរបស់គាត់ ដែលត្រូវពួកប៉ុលពតចាប់ចង យកទៅសម្លាប់ក្នុងអំឡុង ខែវិច្ឆិកា១៩៧៧ មិនដឹងថា នៅកន្លែងណា និងចង់យកឆ្អឹងរបស់គាត់មកធ្វើបុណ្យតាមប្រពៃណី។ ឪពុកខ្ញុំស្មោះត្រង់ លះបង់គ្រប់បែបយ៉ាង ដើម្បីជាតិ និងទឹកដីច្បាំងដណ្តើម និងការពារបូរណភាពទឹកដី ពីចោរយៀកកុងឈ្លានពាន!»។</span></p>
<p><span style="color: #000000;">លោក សុះ ម៉ាច បានបន្តថា «ទីបំផុតត្រូវពួកអាវខ្មៅ ប៉ុល ពត របបខ្មែរក្រហម ដែលមានចិននៅពីក្រោយខ្នង សម្លាប់ដោយអយុត្តិធម៌ ព្រោះតែស្មោះត្រង់នឹងខ្មែរ។ ខ្មែរក្បត់ខ្មែរដោយសារមហិច្ឆតារបស់ប្រទេសជិតខាង ចង់លេបត្របាក់ដីខ្មែរ ធ្វើឲ្យខ្មែរឈ្លោះគ្នាទុកគ្នាជាសត្រូវ កាប់សម្លាប់ជាតិសាសន៍ខ្លួនឯង អស់រាប់លាននាក់ ប្រទេសជាតិរលាយខ្ទេចខ្ទី នេះហើយលទ្ធផលនៃខ្មែរបែកបាក់!»។</span></p>
<p><span style="color: #000000;">ប្រធានសមាគមសិល្បករខ្មែរ លោក សុះ ម៉ាច បានបន្តទៀតថា «ខ្មែរត្រូវភ្ញាក់ខ្លួនឡើង ហើយតោងគិតថា តើនរណាខ្លះមានបំណងអាក្រក់មកលើខ្មែរ ? ហើយត្រូវបែងចែកឲ្យច្បាស់ មិត្តនិងសត្រូវប្រវត្តិសាស្រ្ត ដែលនៅតែចិញ្ចឹមចិត្ត និងពុតត្បុតដ៏អាក្រក់របស់ពួកគេ មកលើយើង ។ តើខ្មែរជ្រើសរើសយកការរួបរួមសាមគ្គី ដើម្បីការពារជាតិ និងទឹកដីឲ្យរុងរឿង ឬជ្រើសរើសយកការបែកបាក់ ឲ្យជីវិតខ្មែរស្លាប់និរាសព្រាត់ប្រាស ប្រទេសជាតិរលាយទៀត? »។</span></p>
<p><span style="color: #000000;">តារាសិល្បៈល្បីឈ្មោះ លោក សុះ ម៉ាច បានបន្ថែមថា «សូមខ្មែរគ្រប់បក្សគ្រប់ស្រទាប់វណ្ណៈខ្មែរក្នុង និង ក្រៅប្រទេសមេត្តាមានឆន្ទៈ ឧត្តមគតិ និងមនសិការស្មោះត្រង់តម្កល់រឿងជាតិឲ្យខ្ពស់ជាធំ រួបរួមដោះស្រាយរឿងជាតិ ទឹកដី បញ្ឈប់ទឹកភ្នែក និងឈាមខ្មែរឲ្យឈប់ហូរតទៅទៀតទៅ អាណិតប្រជាពលរដ្ឋ និងប្រទេសជាតិផង។ ខ្ញុំបាទបាននិពន្ធចម្រៀងមួយបទ ដើម្បីឧទ្ទិសដល់ដួងវិញ្ញាណក្ខន្ធ របស់ឪពុកខ្ញុំ និងដើម្បីប្រទេសជាតិរបស់ខ្ញុំផងដែរ ហើយនឹងត្រៀមថតឆាប់ៗ នៅពេលដែលមានថវិកាគ្រប់គ្រាន់!»៕ </span><br /><br /><span style="color: #000000;"></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13886429_1775289282748142_4594309233778326113_n.jpg?oh=169f25c9dbb1ee61a7793f4023eea6bf&oe=581E9D48" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xta1/v/t1.0-9/13925066_1775289319414805_5940642411876672528_n.jpg?oh=8527085337d9cc5758cf97004c6d55ed&oe=585A013F&__gda__=1481331394_74dee8dee925902033d0348f227a96f7" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13932953_1775289366081467_5799393746512672067_n.jpg?oh=c339a1161321dca34677bf41c7552ace&oe=5854A47D" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xat1/v/t1.0-9/13612326_1759016824375388_3749402992853538351_n.jpg?oh=86fc994984057381668f29d1d91e3ddc&oe=585E0F9D&__gda__=1478457749_9706ad070dd38edc672bc245a9e9f369" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xap1/v/t1.0-9/13407067_1751628715114199_2060362994861401100_n.jpg?oh=224874b495ccac0c731cc48608084568&oe=585175E6&__gda__=1482199263_840ca4b5ed29f6c52d225d01495e8e80" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/12800243_891708670945975_2566931803603822609_n.jpg?oh=4b1c4b8348cdec197f166cad17464093&oe=585C03B1" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>