<p><span style="color: #000000;">ព័ត៌មានកីឡា៖ យោងតាមគេហទំព័រអន្ដរជាតិឈ្មោះ thesun បានចុះផ្សាយឲ្យដឹងថា ខ្សែប្រយុទ្ធជម្រើស ជាតិ អាហ្ស៊ង់ទីនដ៏មុតស្រួច ដែលលេងឲ្យក្លឹប Barcelona បានគ្រោងនឹងសម្រេចចិត្ដផ្ទេរទៅកាន់ ក្លឹបធំនៅទឹកដី អង់គ្លេសដែល ហ៊ានបោះទុនលើកីឡាករ ដល់ទៅទឹកប្រាក់ប្រចាំសប្ដាហ៍ចំនួន ៨០០០០០ ផោន ។ </span></p>
<p><span style="color: #000000;">រយៈពេលកន្លងមក ក៏ធ្លាប់មានដំណឹងបានលេចឮជាច្រើនដងមកហើយ ថា កីឡាករ Messi បានគ្រោងនឹងចាកចេញ ពីទឹកដីអេស្ប៉ាញ មកកាន់អង់គ្លេសវិញ ព្រោះទាក់ទងនឹងបញ្ហាប្រាក់ពន្ធប្រចាំឆ្នាំ ហើយក្រោយមកទៀត ស្ដីទីកីឡាករ ក៏បានជួបពិភាក្សាជាមួយក្លឹប Man City ដើម្បីជជែកគ្នាពីតម្លៃ និងទឹកប្រាក់ ដែលការរំពឹងទុករបស់លោក ទាមទាដល់ទៅ ៤០ លានផោន ប្រចាំឆ្នាំ ។ </span></p>
<p><span style="color: #000000;">Man City ត្រូវបានជម្រុញលើកទឹកចិត្ដឲ្យផ្ទេរយកកីឡាករ Messi ខណៈដែលកីឡាករផ្ទាល់ក៏មានបំណងបញ្ចប់រដូវកាល រយៈពេល ១១ឆ្នាំក្នុងទឹកដី Barcelona ជាមួយនឹងទឹកប្រាក់ប្រចាំសប្ដាហ៍តែ ៥០០០០០ ផោន ។ ហើយម្យ៉ាងវិញទៀត តម្លៃខ្លួន Messi ក៏ត្រូវបានដឹងច្បាស់ហើយដែរគឺ ២៥០ លានផោន ដោយចែកភាគរយទៅឲ្យកីឡាករ ក្លឹបនឹងផ្ដល់ ១២០ លានផោនដល់កីឡាករ។ </span></p>
<p><span style="color: #000000;">Barcelona ត្រូវបាន គេដឹងថា ក្លឹប មានឱកាសជ្រើសតាំងកីឡាករខ្សែប្រយុទ្ធ២ រូប ផ្សេងទៀត ដែលមានសមត្ថភាព មិនចាញ់ Messi នោះទេ Neymar និង Luis Suarez ដែលអ្នកទាំងពីរ មួយពេលចុងក្រោយនេះ ពិតជាធ្វើបានល្អ ច្រើនខណៈដែល Messi កំពុងតែមានរបួសជើង ហើយក្លឹប ស្ថិតក្រោមការប្រយុទ្ធរបស់អ្នកទាំងពីរនៅតែរក្សាតំណែងលើកំពូលតារាង ដដែល។ </span></p>
<p><span style="color: #000000;">គូសបញ្ជាក់ផងដែរថា មួយការប្រកួត ចុងក្រោយប៉ះជាមួយ ក្លឹប Real Madrid ក្នុងព្រឹត្ដិការណ៍ El Clasico ក្លឹប Barcelona បំបាក់ម្ចាស់ផ្ទះដោយជោគជ័យក្នុងលទ្ធផលពិន្ទុ ៤-០ ខណៈវត្ដមាន Messi ចាប់ពីនាទីទី ៥៧ ។</span> </p>
<p><span style="color: #000000;"><a class="thickbox" title="" href="/FileManager/Commons/2015/11/27/11-27-2015-9-18-24-am-27-11-2015--09-25-26.png"><span style="color: #000000;"><img src="/FileManager/Articles/mce/2015/11/27/11-27-2015-9-18-24-am-27-11-2015--09-25-26.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/27/11-27-2015-9-19-59-am-27-11-2015--09-27-08.png"><span style="color: #000000;"><img src="/FileManager/Articles/mce/2015/11/27/11-27-2015-9-19-59-am-27-11-2015--09-27-08.png" alt="" /></span></a></span></p>
<p><a class="thickbox" title="" href="/FileManager/Commons/2015/11/27/11-27-2015-9-21-51-am-27-11-2015--09-33-45.png"><img src="/FileManager/Articles/mce/2015/11/27/11-27-2015-9-21-51-am-27-11-2015--09-33-45.png" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ thesun</span></p>