<p>ភ្នំពេញ : បុរស២នាក់បាន ស្លាប់ភ្លាមៗនៅនឹងកន្លែង ក្នុងករណីគ្រោះថ្នាក់ចរាចរជិះម៉ូតូទៅបុក<br /> ជាមួយនឹងរថយន្តរបស់ក្រុមហ៊ុន លក់ចំណីសត្វ ស្ថិតនៅ តាមបណ្តោយផ្លូវជាតិលេខ១ ត្រង់<br />ចំណុចភូមិពោធិមៀវ ឃុំសំរោងធំ ស្រុកកៀនស្វាយ ខេត្តកណ្តាល កាលវេលាម៉ោង ៨និង២០<br />នាទី ថ្ងៃទី៧ ខែកុម្ភ: ឆ្នាំ២០១៣។</p>
<p id=":101">ជនរងគ្រោះទាំង២នាក់ មានឈ្មោះ សឿន បូរ៉ា ភេទប្រុស អាយុ ២៧ឆ្នាំ មានទីលំនៅ ខេត្តកំពង់<br />ស្ពឺ និងម្នាក់ទៀត ឈ្មោះ សុខ ហេង ភេទប្រុស អាយុ៣៥ឆ្នាំ ជាជាងសំណង់ មានទីលំនៅភូមិឃុំ<br />គគីរធំ ស្រុកកៀនស្វាយ ខេត្តកណ្តាល។</p>
<p>តាមសេចក្តីរាយការណ៍ពី នគរបាលចរាចរស្រុកកៀនស្វាយ បានឲ្យដឹងថា ជនរងគ្រោះទាំង២នាក់<br /> ជិះម៉ូតូសេ១២៥ ពណ៌ខ្មៅ ធ្វើដំណើរពីភ្នំពេញ ទៅកាន់អ្នកលឿង លុះ ពេលទៅដល់ចំណុចកើត<br />ហេតុខាងលើអ្នកបើកម៉ូតូ បានបើកវ៉ារថយន្តមួយគ្រឿង ក៏បុកនឹងរថយន្ត ម៉ាកសាំយ៉ុង ពណ៌ស <br />ពាក់ស្លាកលេខ ភ្នំពេញ 2U-8904 បណ្ដាលឲ្យស្លាប់ទាំង២នាក់នៅនឹងកន្លែង បន្ទាប់ពីឃើញមាន<br />មនុស្សស្លាប់ អ្នកបើកបរបានរត់គេចខ្លួនបាត់ស្រមោលភ្លាមៗតែម្តង។</p>
<p>បន្ទាប់ពីកើតហេតុ នគរបាលចរាចរស្រុកកៀនស្វាយបានយករថយន្តស៊ីរ៉ែនទៅអូសសណ្ដោង<br />រថយន្តបង្កគ្រោះថ្នាក់នោះមកកាន់ អធិការដ្ឋាននគរបាលស្រុកបានប្រមាណជា៥-៦រយ ម៉ែត្រ<br /> រថយន្តបង្កគ្រោះថ្នាក់ បានឆាបឆេះចេញជាអណ្តាតភ្លើងឡើងតែម្តង ធ្វើឲ្យ មន្ត្រីនគរបាល២នាក់<br />រងរបួសរលាកដៃបន្តិចបន្តួចផងដែរ។ ភ្លាមៗនោះដែរ សមត្ថកិច្ច បានហៅរថយន្តពន្លត់អគ្គីភ័យ<br />ដែលប្រចាំការនៅសាលា ស្រុកកៀនស្វាយ ចេញធ្វើអន្តរាគមន៍ តែមិនអាចជួយសង្គ្រោះបាន<br />ឡើយ ព្រោះអណ្តាលភ្លើងឆេះលឿនពេក។</p>
<p>ក្រោយកើតហេតុសមត្ថកិច្ចនគរបាលចរាចរបានយករថយន្តទៅរក្សាទុកនៅអធិការដ្ឋាននគរបាល<br />ស្រុកកៀនស្វាយដើម្បីដោះស្រាយតាមផ្លូវច្បាប់។ ចំណែកសាកសពជនរងគ្រោះទាំង២នាក់ សមត្ថ<br />កិច្ចបានទំនាក់ទំនងទៅសាច់ញាតិ និងប្រគល់ជូនក្រុមគ្រួសារដើម្បីធ្វើបុណ្យតាមប្រពៃណី នៅគេហ<br />ដ្ឋានរៀងៗខ្លួន៕</p>
<p><a class="thickbox" title="" href="/FileManager/Commons/2013/2/8/hong-0121-08-02-2013--14-48-32.jpg"><img src="/FileManager/Articles/mce/2013/2/8/hong-0121-08-02-2013--14-48-32.jpg" alt="" /></a></p>
<p><a class="thickbox" title="" href="/FileManager/Commons/2013/2/8/hong-0120-08-02-2013--14-48-48.jpg"><img src="/FileManager/Articles/mce/2013/2/8/hong-0120-08-02-2013--14-48-48.jpg" alt="" /></a></p>
<p><a class="thickbox" title="" href="/FileManager/Commons/2013/2/8/hong-0119-08-02-2013--14-49-02.jpg"><img src="/FileManager/Articles/mce/2013/2/8/hong-0119-08-02-2013--14-49-02.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>