<p>ទាហានអាមេរិក នឹងត្រូវបានបំពាក់ឧបករណ៍ដែលប្រហាក់ប្រហែលនឹង Google Glass ដើម្បីអាច<br />មានលទ្ធភាពវាស់ប្រវែងគំលាត មើលវីដេអូពីបណ្ដាកាមេរ៉ាសន្ដិសុខ មើលទីតាំងរបស់សត្រូវ។ល។</p>
<p style="text-align: center;"><a class="thickbox" title="" href="/FileManager/Commons/2014/3/14/q-warrior-1-14-03-2014--18-21-47.jpg"><img src="/FileManager/Articles/mce/2014/3/14/q-warrior-1-14-03-2014--18-21-47.jpg" alt="" /></a></p>
<p><br />នៅក្នុងសមរភូមិ មានព័ត៌មានរាប់មិនអស់ដែលទាហានម្នាក់ៗ ត្រូវដឹង ដូចជាទីតាំងរបស់សត្រូវ <br />ទីតាំងក្រុមរបស់ខ្លួន ផែនទីលំអិតនៃភូមិសាស្ដ្រ ឬអាគារ វីដេអូថតពីកាមេរ៉ាត្រួតពិនិត្យ។ ប៉ុន្ដែ មក<br />ដល់ពេលនេះ មិនទាន់មានឧបករណ៍ណាមួយដែលអាចផ្ដល់ព័ត៌មានខាងលើនេះ ជាបន្ដបន្ទាប់ <br />សម្រាប់ក្រុមទាហានកំពុងនៅក្នុងសមរភូមិ។<br /> <br />មកដល់បច្ចុប្បន្ន បច្ចេកវិទ្យាដែលប្រើប្រាស់នៅលើ Google Glass នឹងត្រូវបានបំពាក់នៅលើមួក<br /> សម្រាប់ជាឧបករណ៍ជំនួយដ៏អស្ចារ្យ ដើម្បីប្រែក្លាយទាហានអាមេរិក ទៅជា “កំពូលទាហាន” នៅ<br />ក្នុងសមរភូមិ។<br /><br />Q-Warrior គឺជាឧបករណ៍បែបនេះ។ ឧបករណ៍ដែលត្រូវបានអភិវឌ្ឍដោយជនជាតិអង់គ្លេសនេះ<br /> ជួយឱ្យក្រុមទាហាន អាចប្រមូលព័ត៌មានក្នុងសមរភូមិ បានភ្លាមៗ។</p>
<p style="text-align: center;"><a class="thickbox" title="" href="/FileManager/Commons/2014/3/14/q-warrior-2-14-03-2014--18-22-48.jpg"><img src="/FileManager/Articles/mce/2014/3/14/q-warrior-2-14-03-2014--18-22-48.jpg" alt="" /></a></p>
<p><br />ឧបករណ៍ Q-Warrior មានសមត្ថភាពបង្ហាញនូវទីតាំងយ៉ាងជាក់លាក់ របស់ទាហានក្រុមខ្លួនឯង<br /> នៅលើរ៉ាដា បង្ហាញអំពីផែនទីភូមិសាស្ដ្រ ឬប្លង់របស់អាគារ តាមបែប 3D និងបញ្ចាំងរូបភាពពី<br />បណ្ដាឧបករណ៍ត្រួតពិនិត្យ នៅលើសមរភូមិ។ ក្រៅពីនេះ Q-Warrior ក៏មានមុខងារដទៃដូចជា<br /> ហៅជំនួយកាំភ្លើងធំពីចម្ងាយ។ល។ សមត្ថភាពខាងលើ ធ្វើឱ្យគេស្រមៃដូចជា ទាហាន កំពុង<br />សម្ដែងជាតួអង្គក្នុងហ្គេម Half Life ដែលធ្លាប់ល្បីឈ្មោះមួយរយៈពេល។<br /><br />អំពីផ្នែកបច្ចេកវិទ្យា គេពិតជាអាចបង្កើតបាននូវមួកវ៉ែនតាឆ្លាតវៃ ដែលមានមុខងារដូចខាងលើ។ <br />ប៉ុន្ដែ ប្រការដែលនាំឱ្យក្រុមអ្នកវិទ្យាសាស្ដ្រព្រួយបារម្ភ នោះគឺថា ទិន្នន័យ អាចនឹងរអាក់រអួល ឬ<br />ត្រូវសត្រូវហែកចូល និងលួចយកព័ត៌មាន។<br /><br />ដូច្នេះ ក្រុមអ្នកវិទ្យាសាស្រ្ដ ដែលអភិវឌ្ឍ Q-Warrior ត្រូវដោះស្រាយបញ្ហាធំ គឺបង្កើតប្រព័ន្ធមួយ<br />ដែលធានាបាននូវសុវត្ថិភាព និងភាពងាយស្រួលដល់ការប្រើប្រាស់របស់ទាហាន រាប់ពាន់ រាប់<br />ម៉ឺននាក់។</p>
<p><object style="display: block; margin-left: auto; margin-right: auto;" width="497" height="426" data="http://www.youtube.com/v/bWsWOFcXHU4&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/bWsWOFcXHU4&rel=1" /></object></p>
<p> </p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ Gizmag/Gen<br /><br /></p>