<div class="article-content">
<p><strong>ភ្នំពេញ៖</strong> មន្រ្តីយោធា ដែលបម្រើការងារ នៅអង្គភាព កងពលតូចលេខ៧០ (ង៧០) ម្នាក់ បាន<br />រងរបួស យ៉ាងធ្ងន់ធ្ងរ ចំត្រង់ក្បាល ហូរឈាមជោគអាវ របស់ខ្លួន ដោយសារតែ មន្រ្តីនគរបាលពីរ<br />នាក់ ដែលសាក្សីអះអាងថា ជាមន្រ្តីនគរបាល ផ្នែកព្រហ្មទណ្ឌខណ្ឌពោធិ៍សែនជ័យ និងប៉ុស្តិ៍កា<br />កាប ចាក់ វាយ និងកូនសោរម៉ូតូ ពីព្រោះតែមានជម្លោះពាក្យសម្តីជាមួយគ្នា រឿងជិះម៉ូតូ ប្រជែង<br />នៅតាមផ្លូវ។</p>
<p>ហេតុការណ៍ចាប់វាយ មន្រ្តីយោធានៅអង្គភាព កងពលតូចលេខ៧០ បណ្តាលឲ្យរងរបួសធ្ងន់ យ៉ាង<br />ដូច្នេះ បានកើតឡើងកាលពីវេលាម៉ោង ប្រមាណ១១យប់ថ្ងៃទី១៥ ខែតុលា ឆ្នាំ២០១៣ ស្ថិតនៅតាម<br /> ផ្លូវសហព័ន្ធរុស្ស៊ី ត្រង់ភ្លើងស្តុបមុខ ព្រលានយន្តហោះ អន្តរជាតិភ្នំពេញ ក្នុងភូមិក្បាលដំរី សង្កាត់កា<br />កាប ខណ្ឌពោធិ៍សែនជ័យ ។</p>
<p>សេចក្តីរាយការណ៍ ពីជនរងគ្រោះ ដែលហូរឈាមជោគក្បាល បាននិយាយថា មុនពេលកើតហេតុ <br />លោកបានជិះម៉ូតូម៉ាក ស្មាស់ពណ៌ខ្មៅ ពាក់ស្លាកលេខ តាមបណ្តោយ ផ្លូវសហព័ន្ធរុស្ស៊ី ក្នុងទិសដៅ<br />ពីលិចទៅកើត។ លុះមកដល់ចំណុចកើតហេតុ ស្រាប់តែមាន ម៉ូតូពីរគ្រឿង មួយគ្រឿងម៉ាក សេ១២៥ <br />ពាក់ស្លាកលេខភ្នំពេញ 1AQ-2940 បើកដោយបុរសម្នាក់ និងជិះពីក្រោយដោយនារីម្នាក់ និងម៉ូតូមួយ<br />គ្រឿងទៀត ម៉ាកវ៉េវ ពាក់ស្លាកលេខ ភ្នំពេញ 1AB-2192 ក្នុងទិសដៅ ពីលិចទៅកើតហេតុដូចគ្នា។</p>
<p>ជនរងគ្រោះបាន បន្តទៀតថា នៅពេលដែលខ្លួនបាន ជិះមកដល់ចំណុចកើតហេតុនោះ ស្រាប់តែជន<br />បង្ក បានបើកប្រជែងម៉ូតូរបស់ខ្លួន ពេលនោះលោកបាន ស្រែកប្រាប់ថា កុំជិះលឿនពេក និងកុំប្រជែង<br />គេខ្លាំងពេក ស្រាប់តែធ្វើឲ្យពួកគេ មានកំហឹង និងចង់បង្ហាញភាពខ្លាំង ចំពោះនារី ដែលជិះជាមួយផង<br />នោះ ក៏បានឈប់ម៉ូតូ និងស្ទុះទៅ ចាប់ក្រៀក វាយ និងយកកូនសោរ ទៅចាក់ ចំក្បាល បណ្តាលឲ្យ<br />ហូរឈាម ស្រោចខ្លួនតែម្តង។</p>
<p>សេចក្តីរាយការណ៍ពីកន្លែងកើតហេតុ បានបន្តទៀតថា នៅពេលមានរឿងនេះកើតឡើងបានបណ្តាល<br />ឲ្យ មានការភ្ញាក់ផ្អើល ដល់ប្រជាពលរដ្ឋ ដែលធ្វើដំណើរតាមផ្លូវ ក៏ជនដៃដល់ ទាំង៣នាក់ ក្នុងនោះ <br />បុរសទាំងពីរនាក់ ត្រូវគេអះអាងថាជាមន្រ្តីនគរបាល ផ្នែកព្រហ្មទណ្ឌ ខណ្ឌពោធិ៍សែនជ័យ និងប៉ុស្តិ៍<br />នគរបាលកាកាបនោះ បានរត់គេចខ្លួនបាត់ ដោយបន្សល់ទុក ម៉ូតូនៅកន្លែងកើតហេតុ ។</p>
<p>ក្រោយកើតហេតុ ជនរងគ្រោះត្រូវបាន គេបញ្ជូនទៅ ព្យាបាល នៅមន្ទីរពេទ្យ ហើយកំពុងរៀបចំដាក់<br />ពាក្យបណ្តឹងទៅ សមត្ថកិច្ច ដើម្បីឲ្យជួយអន្តរាគមន៍។ យ៉ាងណាក៏ដោយ ជនបង្កទាំងពីរនាក់ និងនារី<br />ដែល ជិះពីក្រោយ គ្មាននរណាម្នាក់ ស្គាល់ឈ្មោះនោះទេ ខណៈជនរងគ្រោះមានឈ្មោះ រស្មី៕</p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0337.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0338.jpg" alt="Photo by DAP-NEWS" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>