<p><span style="color: #000000;">ព័ត៌មានអន្តរជាតិ ៖ រយៈពេល ៦ខែមុន កាលបើឃើញរូបថត លោក Lee Jae-yong ដែលជាប្រធាន ក្រុមហ៊ុនអេឡិចត្រូនិច Samsung ហើយនោះ ច្បាស់ណាស់ សរបញ្ជាក់ឲ្យឃើញពីភាពសាមញ្ញមួយ នៃប្រមុខប្រធានក្រុមហ៊ុន ដែលពោរពេញទៅដោយភាពជាអ្នកដឹកនាំ តែផ្ទុយទៅវិញ រយៈពេល ៦ខែ ចុងក្រោយនេះ កាលបើឃើញរូបថតលោក Lee Jae-yong ហើយនោះ វាពុំមែនជាភាពសាមញ្ញទៀត នោះទេ ពោលពេលនេះ បើទោះបីជាលោកស្ថិតនៅក្នុងឈុតសម្លៀកបំពាក់ អាវធំ យ៉ាងណាក៏ដោយ ចុះតែទឹកមុខរបស់លោកមិនសូវស្រស់ដូចមុននោះទេ ខណៈដៃជាប់ខ្នោះ និងអមដោយប៉ូលីសមកពី ទីក្រុងសេអ៊ូល សឹងតែគ្រប់ពេល។ តើមកពីមូលហេតុអ្វី ហើយលោក Lee Jae-yong គឺជាអ្នកណាឲ្យ ប្រាកដ។ </span></p>
<p><br /><a class="thickbox" title="" href="/FileManager/Commons/2017/3/13/17-13-03-2017--16-32-03.jpg"><img src="/FileManager/Articles/mce/2017/3/13/17-13-03-2017--16-32-03.jpg" alt="" /></a></p>
<p><span style="color: #000000;"><br />ស្ថិតនៅក្នុងវ័យ ៤៨ឆ្នាំ លោក Lee Jae-yong (ដែលជាទូទៅ គេស្គាល់ឈ្មោះ Jay Y Lee) គឺជាកូន ប្រុសប្រធានក្រុមហ៊ុនអេឡិចត្រូនិចធំបំផុត របស់កូរ៉េខាងត្បូង Samsung ហើយលោកត្រូវជាចៅប្រុស បង្កើតស្ថាបនិកក្រុមហ៊ុន Samsung លោក Lee Byung-chul ។ កំពុងតែសិក្សាថ្នាក់បរិញ្ញាប័ត្រនៅ ទីក្រុង សេអ៊ូលមុនពេលបញ្ចប់ការសិក្សាថ្នាក់បណ្ឌិត នៅសាលា Harvard Business School លោក ត្រូវបានបង្វឹកឲ្យមកកាន់ការងារធំ នៅក្រុមហ៊ុន Samsung តួយ៉ាង លោកបានក្លាយទៅជាប្រធានក្រុម ហ៊ុន Samsung នៅឆ្នាំ ២០០៩ និងក្លាយទៅជាអនុប្រធាន Samsung Electronics នៅឆ្នាំ ២០១៣ ខណៈក្រុមហ៊ុន Samsung Electronics គឺជាក្រុមហ៊ុនរបស់សាមសុងមួយផ្សេងទៀត ដែលទទួល បន្ទុកក្នុងការផលិតនូវស្មានហ្វូន ទូរទស្សន៍ កាម៉េរ៉ា ក៏ដូចជា hard drives ប៉ុន្តែ ចាប់តាំងពីឆ្នាំ ២០១៤ ក្រោយពីបុរសជាឪពុករបស់លោក បានទទួលមរណភាពដោយរោគគាំងបេះដូង លោកក៏ទទួលរ៉ាប់ រងទាំងស្រុងជាប្រធានក្រុមហ៊ុន ពោលជា ថៅកែ Samsung Group ។ យោងតាមរបាយការណ៍ ពី ទស្សនាវដ្តី Forbes ឲ្យដឹង តាមរយៈការចាត់ចំណាត់ថ្នាក់ បុរសជាឪពុកកូន ២ លែងលះប្រពន្ធ ម្នាក់នេះជា កំពូលមនុស្សដែលមានឥទ្ធិពលបំផុតលើលោក ចំណាត់ថ្នាក់ទី ៤០ ដែលមានទ្រព្យសម្បត្តិ ដល់ទៅ ៦ពាន់លានដុល្លារ។</span></p>
<p><br /><a class="thickbox" title="" href="/FileManager/Commons/2017/3/13/17a-13-03-2017--16-32-10.jpg"><img src="/FileManager/Articles/mce/2017/3/13/17a-13-03-2017--16-32-10.jpg" alt="" /></a></p>
<p><span style="color: #000000;">តើលោក Lee Jae-yong រងនូវចោទប្រកាន់អ្វី ?</span></p>
<p><span style="color: #000000;">អំឡុងខែកុម្ភៈ ឆ្នាំ២០១៧ លោក Lee Jae-yong ត្រូវបានចាប់ឃាត់ខ្លួនបន្ទាប់មករងនូវការចោទប្រកាន់ ពីរឿងអាស្រូវនយោបាយ ពាក់ព័ន្ធនឹងសាជីវកម្មរបស់លោក ជាមួយនឹងអតីតប្រធានាធិបតីកូរ៉េខាង ត្បូងដែលត្រូវបានសភាទើបទម្លាក់ចេញពីតំណែង លោកស្រី Park Geun-hye ។ លោកគឺជា បេក្ខភាព មន្រ្តីជាន់ខ្ពស់មួយរូបដែលស្ថិតនៅក្រោមការស៊ើបអង្កេត ខណៈលោកបានបដិសេធទៅនឹងការចោទ ប្រកាន់ ពីបទអំពើពុករលួយ លុយសំនូក ការកិបកេងហិរញ្ញវត្ថុ ក៏ដូចជា ការលាក់បាំងនូវទ្រព្យសកម្ម នៅក្រៅប្រទេស និង ភូតភរជាដើម តួយ៉ាង ប្រធានក្រុមហ៊ុន ក៏ដូចជា ថៅកែ ក្រុមហ៊ុន Samsung ម្នាក់ នេះ រងនូវការចោទប្រកាន់ជាក់ស្តែង ថាបានចំណាយប្រាក់ដល់ទៅ ៤៣ ពាន់លានវុន ទៅកាន់មូល និធិមិនស្វែងរកប្រាក់ចំនូលពីមូលនិធិ ដែលដំណើរការដោយមនុស្សជំនិត និងមិត្តភក្កិជិតស្និទ្ធ អតីត ប្រធានាធិបតីកូរ៉េខាងត្បូង Park Geun-hye គឺលោកស្រី Choi Soon-sil ដើម្បីជាការដោះដូរត្រលប់មក វិញនូវការគាំទ្រផ្នែកនយោបាយ។ </span></p>
<p><br /><a class="thickbox" title="" href="/FileManager/Commons/2017/3/13/17b-13-03-2017--16-32-18.jpg"><img src="/FileManager/Articles/mce/2017/3/13/17b-13-03-2017--16-32-18.jpg" alt="" /></a></p>
<p><span style="color: #000000;">ដូចដែលសេចក្តីប្រកាស ពីសភាជាតិ កូរ៉េខាងត្បូង កាលពីចុងឆ្នាំ ២០១៦ នាខែធ្នូ កន្លងទៅនេះ ឲ្យដឹង ថា លោក Lee ទទួលសារភាព ថាពិតជាមានការបរិច្ចាក តែបានធ្វើការបដិសេធថា Samsung ពុំធ្លាប់ ចង់បានអ្វីមកវិញ ដែលជាការដោះដូរនោះទេ ។ ហើយការច្រានចោលនេះហើយ Samsung នៅតែ រក្សាគោលជំហររបស់ខ្លួន ។ មិនត្រឹមតែប៉ុណ្ណោះ លោក Lee ក៏អះអាងថាសហគ្រាស Samsung ដាច់ ដោយឡែកពីគ្នា ក៏បានប្រគល់ សេះមួយក្បាល និងលុយរាប់លានដុល្លារ ជាជំនួយអាជីពការងារ ជិះ សេះរបស់កូនស្រីលោកស្រី Choi ដូចគ្នាដែរ ។ </span></p>
<p><span style="color: #000000;">គួររំឮកថា លោក Lee គឺជាបុគ្គលមួយរូប ក្នុងចំណោមបុគ្គល ៤ រូបពីថ្នាក់ដឹកនាំជាន់ខ្ពស់របស់ Samsung ដែលរងនូវការចោទប្រកាន់ ក្នុងនោះ ៣នាក់ទៀត បានលាឈប់ ពីមុខតំណែង ។ ក្នុងករណីរកឃើញ ទោសកំហុសពីរឿងអាស្រូវខាងលើ ពិតប្រាកដមែន ប្រធានក្រុមហ៊ុន Samsung ប្រឈមនឹងការជាប់ពន្ធនាគារដល់ទៅ ២០ ឆ្នាំ ៕</span></p>
<p><span style="color: #0000ff;"><a href="/News/Detail/42826/ex-south-korean-president-park-leaves-presidential-office-for-private-home" target="_blank"><span style="color: #0000ff;">-ក្រោយសភា ទម្លាក់ចេញពីតំណែង លោកស្រី Park ដើរចេញពីវិមានប្រធានាធិបតី ទៅកាន់ផ្ទះឯកជនមួយកន្លែង</span></a></span></p>
<p><span style="color: #000000;"><br /><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី</span></p>