<p><span style="color: #000000;"><strong>(ភ្នំពេញ)៖</strong> នៅថ្ងៃម្សិលមិញ អង្គភាពព័ត៌មាន Freshnews បានចេញផ្សាយនូវអត្ថបទមួយ ដែលមានចំណងជើងថា <span style="color: #0000ff;"><a href="/News/Detail/19159/social-news" target="_blank"><span style="color: #0000ff;">«រថភ្លើងដឹកអ្នកដំណើរ ពីភ្នំពេញទៅតាកែវ កំពត និងព្រះសីហនុ ចាប់ផ្ដើមដំណើរការឡើងវិញ នៅថ្ងៃទី៩ ខែមេសា ខាងមុខនេះ»</span></a></span> ដោយក្នុងអត្ថបទមានរំលេចនូវ តម្លៃនៃការធ្វើដំណើរតាមរថភ្លើង ដោយពីភ្នំពេញ ទៅខេត្តតាកែវ សំបុត្រថ្លៃ៥ដុល្លារ ពីភ្នំពេញទៅខេត្តកំពតថ្លៃ៦ដុល្លារ និងពីភ្នំពេញទៅខេត្តព្រះសីហនុតម្លៃ៧ដុល្លារ។ ក្រោយចុះផ្សាយរួចមក មានប្រជាពលរដ្ឋ ក៍ដូចជាប្រិយមិត្តអ្នកអានយ៉ាងច្រើនបានសាទរ នៃការដាក់ដំណើររថភ្លើងអ្នកដំណើរឡើងវិញនេះ ប៉ុន្តែពួកគាត់បានយល់ឃើញថា តម្លៃសំបុត្រធ្វើដំណើរនេះ ហាក់ដូចជាថ្លៃជ្រុល និងសុំមានការពិចារណាឡើងវិញ។</span></p>
<p><span style="color: #000000;">មតិយោបល់របស់ប្រជាពលរដ្ឋ និងប្រិយមិត្តអ្នកអានជាច្រើនត្រូវបាន បង្ហាញឡើងតាមរយៈ Facebook Page របស់អង្គភាពព័ត៌មាន ដោយភាគីច្រើនយល់ឃើញថា តម្លៃសំបុត្រគួរតែថោកជាងនេះ ដើម្បីជួលប្រជាពលរដ្ឋក្រីក្រ ខណៈដែលរថយន្តឈ្នួលប្រហាក់ហែលនេះ តែចំណាយពេលតិចជាងនេះ។ </span></p>
<p><span style="color: #000000;">ប្រជាពលរដ្ឋបានយល់ឃើញថា សំបុត្រធ្វើដំណើរតាមរថភ្លើង គួរតែមានតម្លៃទាបជាងការកំណត់របស់ក្រុមហ៊ុន ព្រោះតម្លៃនេះស្មើ និងថ្លៃជាងរថយន្តឈ្នួលទៅទៀត ថែមទាំងយឺតជាងផងដែរ។ អ្នកខ្លះបានលើកឡើងថា តម្លៃនៃការធ្វើដំណើរតាមរថភ្លើង ពីភ្នំពេញទៅព្រះសីហនុ គួរតែថ្លៃ១៥០០០រៀល ទើបសាកសមហើយមានអ្នកគាំទ្រច្រើន ព្រោះចំណាយពេលយូរក្នុងការដំណើរ។ អ្នកខ្លះទៀតយល់ឃើញថា តម្លៃគួរតែត្រឹម៤ទៅ៥ដុល្លារបានហើយ។</span></p>
<p><span style="color: #000000;">ឆ្លើយតមការលើកឡើងពីប្រជាពលរដ្ឋ ចំពោះតម្លៃធ្វើដំណើរតាមផ្លូវដែកនេះ ត្រូវបានតំណាងក្រុមហ៊ុន Royal Rialways លើកឡើងថា ថ្លៃបន្ដិចមមែន ប៉ុន្ដែតម្លៃនេះក្រុមហ៊ុន បានគណនារួចហើយ គឺមិនបានទទួលផលចំណេញនោះឡើយ ពោលការរត់ការល្បងនេះ ធ្វើឡើងដើម្បីជួយសំរាលទុកលំបាក ក្នុងការធ្វើដំណើររបស់បងប្អូនប្រជាពលរដ្ឋដែល ត្រូវសំរុកចេញចូលរាជធានីភ្នំពេញ ក្នុងឱកាស បុណ្យចូលឆ្នាំប្រពៃណីជាតិតែប៉ុណ្ណោះ។</span></p>
<p><span style="color: #000000;">តំណាងក្រុមហ៊ុនដដែលបានពន្យល់ទៀតថា ក្នុងការដំណើរការសាកល្បង រយៈពេលពេញមួយសប្តាហ៍ ចាប់ពីថ្ងៃទី៩ ដល់ថ្ងៃទី១៧ខែមេសា គឺក្រុមហ៊ុនដាក់ដំណើរការទូររថភ្លើង រត់តែពីរឬបីទូរប៉ុណ្ណោះ ដែលអាចដឹកជញ្ជូនបានភ្ញៀវ ពី១២០នាក់ទៅ១៦០នាក់ប៉ុណ្ណោះ ចំនួននេះទទួលបានចំណូល ប្រមាណជា១០០០ដុល្លារ ដែលចំណូលនេះ មិនអាចទូទាត់គ្រប់គ្រាន់ និងការចំណាយផ្សេងៗរបស់ក្រុមហ៊ុនផង។ ប៉ុន្ដែតំណាងក្រុមហ៊ុនដដែលរូបនោះ បានលើកឡើងថា ប្រសិនបើមានភ្ញៀវធ្វើដំណើរច្រើន ក្រុមហ៊ុនអាចនឹងបន្ថែមចំនួនទូរដឹកអ្នកដំណើរ ហើយនៅពេញនោះតម្លៃអាចនឹងថយចុះ។</span></p>
<p><span style="color: #000000;">សូមជម្រាបថា រថភ្លើងដឹកអ្នកដំណើររបស់កម្ពុជា ត្រូវបានផ្អាកដំណើរការ ជាច្រើនឆ្នាំមកហើយ។ ក្រុមហ៊ុន Royal Rialways នឹងដាក់ដំណើរសាកល្បងរថភ្លើងដឹកអ្នកដំណើរពីភ្នំពេញ ទៅព្រះសីហនុ និង ពីព្រះសីហនុ មកភ្នំពេញ នៅថ្ងៃទី៩ ដល់ទី១៧ ខែមេសា ឆ្នាំ២០១៦ ប៉ុន្តែតំណាងក្រុមហ៊ុនអះអាងថា បន្ទាប់ពីបញ្ចប់ការរត់សាកល្បង ក្រុមហ៊ុននឹងធ្វើការពិចារណាបន្តទៀត នូវការរត់របស់រថយន្ត ក្នុងពេលវេលាសមស្របណាមួយ តែប្រសិនបើនៅពេលដាក់ ដំណើរការសាកល្បងរួច ហើយមានប្រជាពលរដ្ឋគាំទ្រច្រើន ក្រុមហ៊ុន នឹងធ្វើការរត់ជាប្រចាំផងដែរ៕</span></p>
<p><a class="thickbox" title="" href="/FileManager/Commons/2016/3/22/24-22-03-2016--16-14-21.jpg"><img src="/FileManager/Articles/mce/2016/3/22/24-22-03-2016--16-14-21.jpg" alt="" /></a></p>
<p><br /><a class="thickbox" title="" href="/FileManager/Commons/2016/3/22/24a-22-03-2016--16-14-29.jpg"><img src="/FileManager/Articles/mce/2016/3/22/24a-22-03-2016--16-14-29.jpg" alt="" /></a><a class="thickbox" title="" href="/FileManager/Commons/2016/3/22/24-22-03-2016--16-14-21.jpg"></a></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xtp1/v/t1.0-9/12832569_1574456636202035_6122094506271749270_n.jpg?oh=497456481c4ac50d2a3a328480923ec8&oe=577D399F" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xaf1/v/t1.0-9/10407032_1574456639535368_6687724997247545423_n.jpg?oh=b356c70a4d15d261259fb06a162f8057&oe=57806780" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xfl1/v/t1.0-9/10352891_1573921559588876_177363271068466196_n.jpg?oh=4bdb6b3f63149e7add655d0d5aef9986&oe=577D5CAC" alt="" width="730" /></span></p>
<p><span style="color: #000000;"><img src="https://fbcdn-sphotos-b-a.akamaihd.net/hphotos-ak-xlf1/v/t1.0-9/12814554_1573921549588877_7477751521023544114_n.jpg?oh=c4180277c42e7286f46d8a71c71d59d3&oe=578949C1&__gda__=1469031770_9ea91678e96a0f4e8bd43982c8b44743" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xla1/v/t1.0-9/11694156_1573921546255544_1300080742959507671_n.jpg?oh=4468f06b60c8240699bbb208ccb15f5f&oe=5783D915&__gda__=1467876827_57fdc6b9b169567c112050d4f968a4f0" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xlp1/v/t1.0-9/1044480_1573922409588791_666600969542547376_n.jpg?oh=51e51f2d852da10b53e7bf85483d0a84&oe=578B3225" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>