<p>បើទោះជាមិនបង្កផលប៉ះពាល់ក្នុងពេលបច្ចុប្បន្ន ប៉ុន្ដែក្នុងរយៈពេលយូរអង្វែង ជម្ងឺឈឺខ្នង ឈឺចង្កេះ<br />ដោយសារអង្គុយយូរមួយកន្លែង និងអង្គុយមិនត្រូវតាមឥរិយាបទ និងមិនបានធ្វើចលនាជាដើម វា<br />នឹង បណ្ដាលឱ្យមានផលអាក្រក់នាពេលអនាគត សម្រាប់ក្រុមអ្នកធ្វើការនៅការិយាល័យ។ ជាង<br />នេះ វាក៏អាចបណ្ដាលឱ្យមានជម្ងឺសន្លាក់ឆ្អឺងខ្នងផងដែរ។</p>
<p style="text-align: center;"><a class="thickbox" title="" href="/FileManager/Commons/2013/12/21/yo2-21-12-2013--17-02-44.jpg"><img src="/FileManager/Articles/mce/2013/12/21/yo2-21-12-2013--17-02-44.jpg" alt="" /></a></p>
<p style="text-align: center;"><em>ឥរិយាបទអង្គុយបែបនេះ ទើបត្រឹមត្រូវ</em></p>
<p><br />អាការៈឈឺខ្នងដោយសារអង្គុយច្រើន មិនត្រឹមតែកើតមាននៅលើស្ដ្រីនោះទេ ប៉ុន្ដែបុរសក៏មានជម្ងឺ<br />នេះ។ មូលហេតុចម្បងគឺដោយសារអង្គុយយូរ ធ្វើចលនាតិច ឬអង្គុយខុសទម្រង់ឥរិយាបទនៃរាង<br />កាយ។ មនុស្សមួយចំនួន ថែមទាំងឈានដល់ជម្ងឺគ្រេចថ្លោះសន្លាក់ឆ្អឹងទៀតផង។<br /><br />យោងតាមការជំនាញការ អាការៈចម្បងនៃជម្ងឺគ្រេចឆ្អឹងខ្នង គឺឈឺនៅត្រង់ចង្កេះ ឈឺ និងស្ពឹករាល<br />ដាលចុះមកត្រគាក គូទ កំភួនជើង និងបាតជើង។ល។<br /><br />អ្នកជំនាញការក៏បានណែនាំឱ្យអ្នកធ្វើការនៅការិយាល័យ អង្គុយឱ្យបានត្រឹមត្រូវ តម្លើក ឬបន្ទាប<br />កៅអីឱ្យបានសមល្មម ផ្លាស់ប្ដូរឥរិយាបទ និងធ្វើចលនាឱ្យបានញឹកញាប់។ល។ នៅពេលអ្នកឈឺ<br />ខ្នងក្នុងរយៈពេលយូរ គួរតែទៅជួបគ្រូពេទ្យ ដើម្បីទទួលការប្រឹក្សា ឬព្យាបាលឱ្យបានទាន់ពេល។<br /><br />ក្រៅពីនេះ អ្នកជម្ងឺគួរសម្រកឱ្យបានសមស្រប ធ្វើចលនាដោយថ្នមៗ និងអនុវត្តវិធីព្យាបាលបែប<br />លំហាត់ប្រាណ ជាដើម ដើម្បីជួយឱ្យឆ្អឹងខ្នងមាំមួន ចាកផុតពីការឈឺខ្នង ចង្កេះដោយសារគ្រេច<br />ថ្លោះ។<br /><br /><strong>អង្គុយឱ្យត្រូវបានឥរិយាបទ</strong></p>
<p>នៅពេលអង្គុយ ជើងទាំងពីរត្រូវដាក់ឱ្យដល់ឥដ្ឋ ខ្នងត្រូវត្រង់។ ប្រហែលពី ៣០ ទៅ ៤៥នាទី គួរ<br />ផ្លាស់ប្ដូរជើង ងើយក្បាលទៅលើ ដើម្បីឱ្យឆ្អឹងកបានធ្វើចលនា ឬក្រោកឈរ ដើរចុះឡើង ធ្វើកាយ<br />វិការស្រាលៗ ពត់ខ្លួន ដើម្បីឱ្យខ្នង និងភ្នែកបានសម្រាក ឬហាត់ប្រាណ។<br /><br />ចូរអង្គុយទ្រេតមកក្រោយប្រហែល ១៣៥អង្សា ជើងដាក់ដល់ឥដ្ឋ។ ឥរិយាបទនេះនឹងជួយកាត់<br />បន្ថយទម្ងន់មកលើឆ្អឹងខ្នង ព្រោះថាភាគច្រើនទម្ងន់ខ្នងបានទម្លាក់មកលើខ្នងកៅអី ជួយឱ្យសរសៃ<br />ឈាមក៏ដំណើរការបានល្អ។ អ្នកមិនត្រូវអង្គុយទេរទៅរកកុំព្យូទ័រ ឬអង្គុយឱនទៅមុខនោះទេ។<br /><br />អ្នកគួរតម្លើងកម្ពស់ ឬបន្ទាបកៅអី ឱ្យបានល្មមដើម្បីឱ្យជើងរបស់អ្នកអាចដាក់មាំនៅលើឥដ្ឋ ដែល<br />អាចទ្រទម្ងន់រាងកាយបាន។<br /><br /><strong>សម្រាក</strong></p>
<p>ក្រោយពីអង្គុយធ្វើការបានប្រហែល ២ ឬ ៣ម៉ោង អ្នកគួរសម្រាកឱ្យបានប្រហែល ១០នាទី ធ្វើបែប នេះវានឹងជួយកែលំអចរន្ធឈាមក្នុងរាងកាយ។ ក្នុងរយៈពេល ១០នាទីនៃការសម្រាកនេះ អ្នកក៏គួរ<br />ដើរចុះឡើងបន្ដិចផងដែរ។ ប្រសិនឈឺចុកខ្នងខ្លាំងពេក អ្នកគួរគេងផ្ទាល់នៅលើគ្រែឱ្យបានត្រង់ខ្នង<br /> នោះអាការៈឈឺខ្នង ឈឺចង្កេះនឹងបានថយចុះមិនខាន។<br /><br /><strong>ហាត់ប្រាណនៅនឹងកន្លែង</strong></p>
<p style="text-align: center;"><strong><a class="thickbox" title="" href="/FileManager/Commons/2013/12/21/yo1-21-12-2013--17-04-43.jpg"><img src="/FileManager/Articles/mce/2013/12/21/yo1-21-12-2013--17-04-43.jpg" alt="" width="466" height="309" /></a><br /></strong></p>
<p>អ្នកអាចធ្វើលំហាត់ប្រាណ នៅពេលកំពុងអង្គុយធ្វើការ ដោយការពត់ខ្លួនមកឆ្វេង មកស្ដាំ អង្គុយ<br />លើកជើងចុះឡើង លើកដៃចុះឡើង ផ្អែកទៅក្រោយ ឱនទៅមុខ។ល។<br /><br /><strong>ប្រើស្បែកជើងឱ្យល្មមនឹងទំហំជើង</strong></p>
<p>ប្រសិនការងាររបស់អ្នក តម្រូវឱ្យឈរ ឬដើរច្រើន នោះអ្នកគួរតែកុំពាក់ស្បែកជើងកែងចោតខ្ពស់ <br />ហើយគួរតែជ្រើសរើស និងពាក់ស្បែកជើងកែងស្មើ (ឬប្រភេទស្បែកជើងបាឡេ) ដែលល្មមនឹងជើង <br />ហើយត្រូវឈរឱ្យត្រង់ដងខ្លួន ជើងទាំងពីរត្រូវទ្រទម្ងន់ដងខ្លួនឱ្យស្មើគ្នា។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong><br /><br /><span style="color: #3366ff;"><a href="/News/Detail/61874/how-to-grow-taller-step-by-step"><span style="color: #3366ff;">វិធីងាយៗ ជួយឱ្យយុវវ័យ លូតលាស់កំពស់ បានឆាប់រហ័ស</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/74850/omega-3-fatty-acids-fish-oil-benefits-for-heart-health"><span style="color: #3366ff;">Omega 3 មានប្រយោជន៍ ដល់បេះដូង</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/79483/how-to-keep-computer-screens-from-destroying-your-eyes"><span style="color: #3366ff;">វិធីថែរក្សាភ្នែកឱ្យមានសុខភាពល្អ និងការពារភ្នែក ពីពន្លឺកញ្ចក់កុំព្យួទ័រ</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ Pntoday<br /><br /><br /></p>