<p><span style="color: #000000;"><strong>(ភ្នំពេញ)៖</strong> លោក វ៉ាត់ ចំរើន នាយកបេសកកម្មដឹកនាំអត្តពលិកកម្ពុជា ចូលរួមប្រកួតកីឡាអូឡាំពិក Olympic Games រដូវក្ដៅ លើកទី៣១ នៅទីក្រុង Rio ប្រទេសប្រេស៊ីល បានឲ្យដឹងថា កីឡាករហែលទឹកកម្ពុជា ពូ សុវិជ្ជា នឹងធ្វើការប្រកួតមុនគេលើវិញ្ញាសាហែលទឹកចម្ងាយ ១០០ម៉ែត្រសេរីនាវេលាម៉ោង ១១យប់នេះ(ម៉ោងនៅកម្ពុជា) ខណៈអត្តពលិក ៥ផ្សេង នឹងប្រកួតនៅពេលបន្ដបន្ទាប់ទៀត។</span></p>
<p><span style="color: #000000;">អគ្គលេខាធិការគណៈកម្មាធិការជាតិអូឡាំពិកកម្ពុជាដដែលរូបនេះ មិនបានបញ្ជាក់ពីចំនួនគូប្រកួតរបស់កីឡាករ ពូ សុវិជ្ជា ទេ ប៉ុន្ដែគេគឺអត្តពលិកតំណាងឲ្យប្រទេសកម្ពុជាមុនគេ ដែលបានបង្ហាញសមត្ថភាពក្នុងព្រឹត្តិការណ៍ Olympic Games ឆ្នាំ២០១៦នេះ។ លោកបានបន្ថែមថា យប់នេះប្រតិភូ និងថ្នាក់ដឹកនាំទាំងអស់ នឹងចេញដំណើរនៅទីលានហែលទឹក ដើម្បីផ្ដល់កម្លាំងចិត្តកីឡាករ ពូ សុវិជ្ជា ។</span></p>
<p><span style="color: #000000;"><strong>សម្រាប់កម្មវិធីប្រកួតបន្ដលោក វ៉ាត់ ចំរើន បានបញ្ជាក់ថា៖</strong></span></p>
<p><span style="color: #000000;">១/. កីឡាការិនី ហែម ថុនវិទិនី វិញ្ញាសាហែលចម្ងាយ ៥០ម៉ែត្រសេរី ប្រកួតនៅថ្ងៃទី១២ សីហា វេលាម៉ោង ១រសៀល(ម៉ោងនៅប្រេស៊ីល)។</span><br /><span style="color: #000000;">២/. កីឡាការិនីអត្តពលកម្ម (រត់ប្រណាំង) លី ណារី ប្រកួតថ្ងៃទី១៤ សីហា វេលាម៉ោង ៩ព្រឹក(ម៉ោងនៅប្រេស៊ីល)។</span><br /><span style="color: #000000;">៤/. កីឡាការិនីចំបាប់ ចូវ សុធារ៉ា វិញ្ញាសាទម្ងន់ ៤៨គីឡូក្រាម ប្រកួតថ្ងៃទី១៧ សីហា វេលាម៉ោង ១០ព្រឹក(ម៉ោងនៅប្រេស៊ីល)។</span><br /><span style="color: #000000;">៤/. កីឡាការិនីតេក្វាន់ដូ ស៊ន សៀវម៉ី វិញ្ញាសាទម្ងន់ លើស ៦៧គីឡូក្រាម (+67Kg) ប្រកួតថ្ងៃទី២០ សីហា វេលាម៉ោង ១រសៀល(ម៉ោងនៅប្រេស៊ីល)។</span><br /><span style="color: #000000;">៥/. កីឡាករអត្តពលកម្ម នីកូ ប្រកួតថ្ងៃទី២១ សីហា វេលាម៉ោង ៩៖៣០នាទីព្រឹក(ម៉ោងនៅប្រេស៊ីល)៕</span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xtp1/v/t1.0-9/13906996_1761979964041521_7171646397925744401_n.jpg?oh=f13f65162c2e8205e63892b91abd676a&oe=582069F0&__gda__=1481581526_3bdba1bf6a32ad99b654b92edf958a55" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13912812_1761979967374854_1676297617479734372_n.jpg?oh=0b4c0fbf88e48c2808845427e4d13d8a&oe=5812B646" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13886296_1761979960708188_6207793060191930876_n.jpg?oh=26136e879096b0c7c58347c7eb323257&oe=581E3FEA" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>