<div class="article-content">
<p><strong>ភ្នំពេញ៖</strong> យុជនមួយក្រុម ដែលជានិស្សិត នៅសកលវិទ្យាល័យភូមិន្ទ កសិកម្មចំការដូង បានជិះ<br />ម៉ូតូពីរគ្រឿង ប្រដេញគ្នាតាម បណ្តោយផ្លួវចំការដូង ក្នុងល្បឿនយ៉ាងលឿន ហើយជ្រុលចង្កូត<br />បុក បង្កោលភ្លើងបំភ្លឺផ្លូវ នៅខាងជើង សង្កាត់ជើងឯក ក្នុងខណ្ឌដង្កោ បណ្តាលឲ្យយុវជន ម្នាក់<br />ដួលបោកផ្ទប់នឹង បង្កោលភ្លើងបាក់ ភ្លៅម្ខាង និងពីរនាក់ទៀត រងរបួសស្រាល កាលពីវេលាម៉ោង<br /> ១០និង១៥នាទីព្រឹក ថៃ្ងទី១២ ខែមីនា ឆ្នាំ២០១៣។</p>
<p>នគរបាលចរាចរខណ្ឌដង្កោ ដែលចុះទៅពិនិត្យ និងវាស់វែងដល់កន្លែងកើត ហេតុបានឲ្យដឹងថា៖ <br />និស្សិតទាំងបីនាក់ ដែលរងរបួសក្នុង ហេតុការណ៏ខាងលើនេះទី១ឈ្មោះ ប៊ុត ម៉េងហុង ភេទប្រុស<br /> អាយុ១៨ឆ្នាំ ជានិសិ្សតនៅសកលវិទ្យាល័យភូមិន្ទកសិកម្មចំការដូង ស្នាក់នៅសង្កាត់ផ្សាដើមថ្កូវ<br /> ខណ្ឌចំការមន ទី២ មានឈ្មោះ បុរី អាយុ២៣ឆ្នាំ ជានិសិ្សតដូចគ្នា ស្នាក់នៅភូមិខ្វា សង្កាត់ដង្កោ<br /> ខណ្ឌដង្កោ ត្រូវរង របួសបាក់ភ្លៅខាងស្តាំ ដោយឡែកអ្នកទី៣ឈ្មោះ លី សីហា ភេទប្រុស អាយុ<br />១៨ឆ្នាំ ជានិស្សិត រៀននៅវិទ្យាស្ថាន វិទ្យាសាស្ត្រអគ្គិសនី ហើយពួកគេជិះម៉ូតូម៉ាក SUZUKINEX<br /> ពណ៌សរ ពាក់ស្លាកលេខភ្នំពេញ 1BR-3157 ។</p>
<p>សាក្សីនៅកន្លែងកើតហេតុបានឲ្យដឹងថា៖ មុនពេលកើតហេតុគេសង្កេតឃើញ និស្សិតរងគ្រោះ <br />ទាំង៣នាក់បានជិះម៉ូតូ មួយគ្រឿងឌុបគ្នា ក្នុងល្បឿនយ៉ាងលឿន ប្រណាំងជាមួយម៉ូតូធន់ធំ មួយ<br />គ្រឿងតាម បណ្តោយ ផ្លូវចំការដូងក្នុងទិសដៅពីជើងទៅត្បូង ខណៈបើកហួសសង្កាត់ជើងឯក<br />ជាង ១០០ម៉ែត្រ យុវជនរង គ្រោះបានរេចង្កូតទៅខាងស្តាំ ដៃបុកបង្កោលភ្លើងបំភ្លឺផ្លូវពេញ ទំហឹង<br />តែម្តង ដែរបណ្តាលឲ្យយុវជន ដែលជានិស្សិត ទាំង៣នាក់ម្នាក់បាក់ភ្លៅនិងពីរនាក់ទៀត របួសធ្ងន់<br />និងស្រាលបញ្ជូន ទៅសង្គ្រោះនៅ មន្ទីរពេទ្យមិត្តភាពខ្មែរ-សូរវៀតភ្លាមៗ។ ចំណែឯម៉ូតូត្រូវសមត្ថ-<br />កិច្ច អូសយកមករក្សាទុកនៅអធិការរដ្ឋាន ខណ្ឌដង្កោដើម្បីធ្វើការដោះស្រាយតាមផ្លូវច្បាប់៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0202.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0201.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0200.jpg" alt="www.dap-news.com" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>