<div class="article-content">
<p><strong>ភ្នំពេញ ៖</strong> យុវជនម្នាក់ខឹងនឹងម្តាយ ស្តីបន្ទោសថា អាកូនអត់បានការនោះ បានតូចចិត្តតូចថ្លើម រត់េចញ ពីផ្ទះមកលោត មកប្រុង លោតទឹក ពីលើ ស្ពានច្បារអំពៅ តែសំណាងល្អ ត្រូវបានអ្នកដំណើរ និងសមត្ថកិច្ចយាមគោលដៅស្ពាន ចាប់ឃាត់ទាន់ពេលវេលា ។ ហេតុការណ៍ភ្ញាក់ផ្អើលនេះ កើត ឡើង កាលពីវេលាម៉ោង ៨និង៤៥នាទី ព្រឹកថ្ងៃទី០៦ ខែកុម្ភ: ឆ្នាំ២០១៤ នៅចំណុចលើស្ពានព្រះមុនីវង្សថ្មី ស្ថិតក្នុងសង្កាត់ច្បារអំពៅទី១ ខណ្ឌ មានជ័យ ។</p>
<p id=":131">យោងតាម ប្រភពព័ត៌មានពីសមត្ថកិច្ច បានឲ្យដឹងថា មុនពេលកើតហេតុ គេសង្កេតឃើញ យុវជនរូបនេះ បានដើរឡើងស្ពានព្រះមុនីវង្សថ្មី ពីកើត ទៅលិច លុះមក ដល់ ចំណុចកណ្តាលស្ពានព្រះមុនីវង្សថ្មី បានលើកជើងម្ខាងដាក់លើបង្កាន់ដៃស្ពាន បំណងលោតទឹកសម្លាប់ខ្លួន តែត្រូវបានបងប្អូន ប្រជាពលរដ្ឋជាអ្នកដំណើរឃើញ ក៏ឈប់ម៉ូតូស្ទុះទៅចាប់ទាញដៃឲ្យចុះ រួចហៅសមត្ថកិច្ចមកចាប់ ឃាត់ខ្លួនទាន់ពេលវេលា បញ្ជូនមកស្នាក់ការប៉ុស្តិ៍ ច្បារអំពៅទី១ ដើម្បីសួរនាំ រកហេតុផល ។</p>
<p>នាយនគរបាលប៉ុស្តិ៍ច្បារ អំពៅទី១ លោក ហ៊ុន សុផល បានឲ្យដឹងថា យុវជនដែលប៉ង លោតទឹកសម្លាប់ខ្លួននេះ ឈ្មោះ ស៊ុំ សំអឿន អាយុ ២៤ឆ្នាំ រស់នៅជាម្តាយ ក្នុងភូមិយកបាត្រ សង្កាត់ក្បាលកោះ ខណ្ឌមានជ័យ ។</p>
<p>នៅចំពោះមុខសមត្ថកិច្ច យុវជនរូបនេះ បាននិយាយថា ដោយសារតែខឹងនឹងម្តាយ បានបង្ខំឲ្យលេបថ្នាំជំងឺឆ្កួត (ថ្នាំសរសៃប្រសាទ) និងជេរ ដៀលមកលើខ្លួនថា អាកូនអត់បានការនោះ រូបគេបានចេញពីផ្ទះ ហើយមកដេកនៅក្នុងចំណតរថយន្តច្បារអំពៅ ៣ថ្ងៃមកហើយ ដោយរយ:ពេល ៣ថ្ងៃនេះ គ្មានលុយទិញបាយ និងតូចចិត្តផងនោះ រូបគេក៏បានសម្រេចចិត្ត ដើរមកលោតទឹកសម្លាប់ខ្លួន ពីលើស្ពាននេះ ប៉ុន្តែត្រូវបាន សមត្ថកិច្ចជួយ ទាន់ ។</p>
<p>ជាមួយគ្នានេះ លោក ពៅ ហួត ចៅសង្កាត់ច្បារអំពៅ ទី១ បានធ្វើការណែនាំយុវជនរូបនេះ កុំឲ្យគិតខ្លីចង់សម្លាប់ខ្លួនបែបនេះ និងបានហៅក្រុមគ្រួសារ មកយកយុវជនត្រឡប់ទៅលំនៅឋានវិញ ៕</p>
<p style="text-align: center;"><img src="http://image.dap-news.com:81/dap-news/dap-images/2014/February/id-014/that-0028.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-014/that-0029.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-014/that-0030.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-014/that-0031.jpg" alt="Photo by DAP-News" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>