<p><span style="color: #000000;"><strong>ភ្នំពេញ៖</strong> តារាកំប្លែង ធ្លាប់មានឈ្មោះ បោះសំឡេងគួរសម នៅក្នុងក្រុមកំប្លែង នាយ គ្រឿន គឺនាយ យ៉ាន ដែលជាជនជាតិបារាំង ប៉ុន្តែមកចូលរួម យ៉ាងសកម្មក្នុងវិស័យសិល្បៈខ្មែរ និងស្រឡាញ់ប្រជាពលរដ្ឋខ្មែរ រហូតដក់ចិត្តលែងចង់វិញទៅរស់នៅ ឯស្រុកកំណើតវិញ គួរឲ្យសរសើរ ពីវីរភាពនេះ បានបង្ហើបឲ្យដឹងថា ក្នុងមួយរយៈពេលចុងក្រោយនេះ លោកហាក់មានការឃ្លាតឆ្ងាយ ពីការសម្តែងកំប្លែង នៅលើឆាកក៏ពិតមែន តែមិនមែនមានន័យថា លោកបោះបង់សិល្បៈ ចោលទាំងស្រុងទេ ព្រោះពេលនេះ លោកបានងាកមក ស្រវាការងារ និងវាយលុកទីផ្សារ ថតភាពយន្តបែបកំប្លែងជំនួសវិញ។</span></p>
<p><span style="color: #000000;">នៅក្នុងកិច្ចសម្ភាសន៍ ដោយផ្ទាល់ជាមួយគេហទំព័រ LookingTODAY កាលពីរាត្រី យប់ ថ្ងៃទី២៧ ខែតុលា ឆ្នាំ២០១៤នេះ ក្នុងកម្មវិធី សម្ពោធខ្សែភាពយន្តរឿង “អាចារ្យ៣សាសន៍” តារាកំប្លែងជនជាតិបរទេស ប៉ុន្តែចេះនិយាយភាសាខ្មែរ បានយ៉ាងល្អ នាយ យ៉ាន បានប្រាប់ឲ្យដឹងថា ការកំប្លែង គឺជាការងារសិល្បៈ មួយ ដែលលោកស្រឡាញ់ពេញចិត្ត តាំងពីយូរណាស់មកហើយ ដោយការងារនេះ ក៏បាន ជួយជ្រោងកេរ្តិ៍ឈ្មោះរបស់លោក ឲ្យមានប្រជាប្រិយភាព រហូតដល់សព្វថ្ងៃនេះ ។ ដូច្នេះបើទោះជា លោកមិនបាន បង្ហាញវត្តមាននៅលើឆាក តែទស្សនិកជន អាចងាកមកទស្សនា ការសម្តែង នៅក្នុងរឿងជំនួសវិញ ។</span></p>
<p><span style="color: #000000;">នាយ យ៉ាន ដែលមានឈ្មោះពិតថា Yann Defond បានប្រាប់ឲ្យដឹងទៀតថា "ក្រៅពីការថតរឿង “អាចារ្យ៣សាសន៍” នេះ គឺខ្ញុំបានទទួលថតរឿង មួយចំនួនទៀត ដូចជារឿង “លង៧ថ្ងៃ” , “ព្រាយភ្នែក៤” និងរឿងមួយចំនួន ទៀត ដែលត្រៀមដាក់បញ្ចាំង នៅក្នុងពេលឆាប់ៗនេះ ដូចគ្នា ។ ក្រៅពីរឿងទាំងអស់នេះ ខ្ញុំក៏មានគម្រោងទទួលថតរឿង បន្តទៀត ដោយរឿងភាគច្រើន របស់ខ្ញុំ គឺសុទ្ធសឹងតែជាប្រភេទ រឿងកំប្លែងដូចគ្នា ទោះអត់បានឡើងឆាក ក៏ខ្ញុំនៅតែសម្ដែងកំប្លែង គ្រាន់តែមួយនៅលើ ទូរទស្សន៍ និងមួយទៀតនៅក្នុងរឿង គឺដូចជានៅដដែលទេ"។</span></p>
<p><span style="color: #000000;">ជាមួយគ្នានោះ តារាកំប្លែង មានវ័យជាង៣០ឆ្នាំរូបនេះ ក៏បានប្រាប់បន្ថែមទៀតថា សម្រាប់រឿង គឺលោកមិនមានការប្រកាន់ទេ ប្រភេទសាច់រឿងអ្វី ក៏លោកទទួលសម្តែងដែរ ឲ្យតែអ្នកដឹកនាំរឿង គិតថា លោកអាចធ្វើទៅបានហើយ ជាពិសេសប្រភេទរឿង បែបកំប្លែងៗ គឺត្រូវនឹងចំណូលចិត្ត និងជំនាញរបស់លោកខ្លាំងតែម្ដង ៕</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2014/10/29/msp-1145-29-10-2014--17-03-56.jpg"><img src="/FileManager/Articles/mce/2014/10/29/msp-1145-29-10-2014--17-03-56.jpg" alt="" /></a><br /></span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2014/10/29/msp-1146-29-10-2014--17-04-04.jpg"><img src="/FileManager/Articles/mce/2014/10/29/msp-1146-29-10-2014--17-04-04.jpg" alt="" /></a><br /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/October/ID-141/MSP-1147.jpg" alt="" width="600" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>