<div class="article-content">
<p><strong>សៀមរាប : </strong>សមាគមចុងភៅកម្ពុជា (Cambodia Chef Association) មានសេចក្ដីរីករាយ និង<br />មោទនភាព យ៉ាងខ្លាំង បន្ទាប់ពីសមាជិកសមាគម របស់ខ្លួន ដណ្ដើមបានមេដាយមាស ក្នុង<br />ការប្រកួតប្រជែង ធ្វើមុខម្ហូប លើប្រធានបទ ម្ហូបអាហារតាម ដងទន្លេមេគង្គ សម្រាប់ឆ្នាំ២០១៣<br /> (Mekong River Culinary Challenge 2013) នៅក្រុងបាងកក ប្រទេសថៃ នាពេលថ្មីៗ កន្លងទៅ<br />នេះ ដែលជាលទ្ធផលដ៏ប្រសើរមួយ សម្រាប់សមាគម និងជាមោទនភាព សម្រាប់ព្រះរាជាណា<br />ចក្រកម្ពុជា ផងដែរ។</p>
<p>សូមរំលឹកថា កាលពីចុងខែឧសភា ឆ្នាំ២០១៣កន្លងទៅនេះ សមាគមចុងភៅកម្ពុជា បានបញ្ជូន<br />សមាជិក ដែលជាចុងភៅចំនួន ៤រូប ដើម្បីទៅចូលរួម ប្រកួតប្រជែង ធ្វើមុខម្ហូប លើប្រធានបទ<br /> ម្ហូបអាហារតាម ដងទន្លេមេគង្គ សម្រាប់ឆ្នាំ២០១៣ នៅទីក្រុងបាងកក ប្រទេសថៃ ។ ដែលការ<br />ប្រកួតប្រជែងនេះ មានរយ:ពេល ពីថ្ងែទី២២ ដល់ ២៦ ខែឧសភា ឆ្នាំ២០១៣ ចំពោះសមាគម<br />ចុងភៅកម្ពុជា បានជ្រើសរើសយក ថ្ងៃទី២៥ សម្រាប់ ការប្រកួតប្រជែងនោះ គឺ ចាប់ពីម៉ោង <br />៩:០០ ដល់ ម៉ោង ១២:០០ ព្រឹក ។</p>
<p>លោក ឡុង បូរា ប្រធានចុងភៅនៅសណ្ឋាគាររី និងជាអនុប្រធានសមាគមចុងភៅកម្ពុជា ដែល<br />បានដឹកនាំចុងភៅ ដែលជាសមាជិកសមាគម ទៅប្រកួតនៅពេលនោះ បានឲ្យដឹងថា អ្នកដែល<br />បានចូលប្រកួត ៣រូប គឺមានលោក សុង ឡាក ប្រធានចុងភៅនៅសណ្ឋាគារអង្គរ សិនជ័រី រីស័ត<br /> និងស្បា និងជាសមាជិកក្រុមប្រឹក្សាភិបាលសមាគម លោក ស៊ីន ប៊ុនធន ជាចុងភៅ នៅសណ្ឋា<br />គារ បុរីអង្គរ រីស័ត និងស្បា និងលោក សុខ វិចិត្រ ជាចុងភៅ នៅ សណ្ឋាគារ ហ្គ្រេន អង្គរ ផា<br />លេស រីស័ត និងស្បា។ ដោយមានការជួយគាំទ្រពីលោក វៀលមេន លីអ៊ុង (Willment Leong) <br />ក្នុងការធ្វើដំណើរ ការស្នាក់នៅ និងការចំណាយមួយចំនួនទៀត ផងដែរ។</p>
<p>លោកបន្តថា ចំពោះមុខម្ហូបដែលយកទៅប្រកួត គឺយើងបានជ្រើសរើសយកមុខម្ហូប ដែលផ្សំ<br />ចម្រុះលាយគ្នា រវាងមុខម្ហូបនៃបណ្ដាប្រទេសតាមដងទន្លេមេគង្គ ដូចជា ញ៉ាំបន្លែជាមួយត្រី<br />ទន្លេមេគង្គ, បង្កងទន្លេមេគង្គ បំពងជ្រលក់ ស្វាយទឹកត្រី, សម្លម្ជូរខ្ទិះជាមួយម្សៅ ដងទន្លេមេគង្គ,<br /> គ្រនួចសាច់គោ ជាមួយទឹកម្រេច, អាំងបន្ទះ សាច់ត្រីទន្លេមេគង្គ ជាមួយទឹកខ្មេះជ្រលក់, និងមុខ<br />ម្ហូបមួយចំនួនទៀត ដែលគ្រប់មុខម្ហូប និងគ្រឿងផ្សំ ត្រូវតែជា របស់ដែលនៅក្នុង និងតាមដង<br />ទន្លេមេគង្គ។ ក្នុងរយ:ពេល៥ថ្ងៃនោះ គឺមាន១៨ក្រុមចូលរួមប្រកួត ដែលមកពី ប្រទេស ស្ថិត<br />នៅតាមដងទន្លេមេគង្គ និងក្រុមខ្លះបានមកពីអឺរ៉ុប ផងដែរ។ ហើយយើងបានទទួលមេដាយ<br />មាស បន្ទាប់ពីថៃ ដែលគេបានទទួលពាន់ ព្រោះគេបាន ៩៤ពិន្ទុ ហើយយើងទទួលបាន ៩១<br />ពិន្ទុ។</p>
<p>ក្នុងនាមសមាគម និងក្នុងនាមសមាជិកចុងភៅខ្មែរ លោកសូមអំពាវនាវ ជូនចំពោះ ម្ចាស់ភោជ<br />នីយដ្ឋាន ម្ចាស់ សណ្ឋាគារ ស្ថាប័នពាក់ព័ន្ធ រដ្ឋាភិបាល វិស័យឯកជន បណ្ដាប្រតិបត្តិករទេស<br />ចរណ៍ សប្បុរសជននានា និងខ្មែរ គ្រប់រូប មេត្តាជួយគាំទ្រ ដើម្បីរួមចំណែកក្នុងការលើកស្ទួយ<br /> មុខម្ហូបអាហារនិងវិជ្ជាខាងធ្វើម្ហូបខ្មែរ នៅក្នុង ឆាកជាតិ អន្តរជាតិ ហើយរួមគ្នារក្សាការពារ នូវ<br />រាល់មុខម្ហូបខ្មែរយើង ។ រួចបន្តចែករំលែកនូវរាល់ចំណេះដឹង ខាងមុខវិជ្ជាធ្វើម្ហូបអាហារ ដល់<br />អ្នកដ៏ទៃ ចូលរួមចំណែកក្នុងការផ្ដល់ឱកាសការងារដល់ពលរដ្ឋខ្មែរ និងលើកកម្ពស់វិស័យ <br />ទេសចរណ៍នៅកម្ពុជា ។</p>
<p>លោកបន្តថា បច្ចុប្បន្នសមាគមចុងភៅកម្ពុជា ទើបតែរៀបចំបង្កើតឡើង និងមានការខ្វះខាត<br /> សម្រាប់ការ ប្រតិបត្តិនានា នៃដំណើរការរបស់សមាគម ដែលត្រូវការការគាំទ្រពីខាងក្រៅ <br />ព្រោះការបង្កើតជាសមាគម គឺក្នុងគោលបំណង ដើម្បីរួមចំណែកក្នុងការលើកស្ទួយមុខម្ហូប<br />អាហារ និងវិជ្ជាខាងធ្វើម្ហូបខ្មែរ នៅក្នុងឆាកជាតិ អន្តរជាតិ ហើយរួមគ្នារក្សាការពារ នូវរាល់<br />មុខម្ហូបខ្មែរយើង ហើយសម្រាប់មានភាពងាយស្រួល ក្នុងការគ្រប់គ្រង រក្សា និងមានលទ្ធភាព<br />ងាយស្រួយ ក្នុងការបញ្ជូនសមាជិកឲ្យទៅចូលរួមប្រកួតប្រជែង នៅក្នុងតំបន់ និងអន្តរជាតិនៅ<br />ពេលខាងមុខៗបន្តទៀត ។</p>
<p>ចំពោះលទ្ធផលដ៏ល្អប្រសើរនេះ លោក ឃឹម ប៊ុនសុង អភិបាល នៃគណ:អភិបាលខេត្តសៀម<br />រាប បានជួបជាមួយក្រុមចុងភៅដែលបានចូលរួមប្រកួត ធ្វើមុខម្ហូប លើប្រធានបទ ម្ហូបអាហារ<br />តាម ដងទន្លេមេគង្គ សម្រាប់ ឆ្នាំ២០១៣ នៅក្រុងបាងកក ប្រទេសថៃ និងបណ្ដាចុងភៅមួយ<br />ចំនួនទៀត ពិសេសសមាជិករបស់សមាគមកាលពីថ្ងៃទី២៧ ខែឧសភា ឆ្នាំ២០១៣ នៅសណ្ឋា<br />គារ បុរីអង្គរ រីស័ត និងស្បា ក្នុងគោលបំណងអបអរសាទរ និងការលើកទឹកចិត្ត ចំពោះ ចុងភៅ<br />ខ្មែរ និងសមាគមចុងភៅកម្ពុជា ដែលមានសមត្ថភាព និងលទ្ធភាពខ្ពស់ ក្នុងការចូលប្រកួត និង<br />ដណ្ដើមបានជោគជ័យដ៏ល្អប្រសើរនេះ ។</p>
<p>សូមបញ្ជាក់ថា ខ្មែរយើង មានសិល្បៈខាងវិជ្ជាខាង ធ្វើម្ហូបអាហារ តាំងពីបុរាណកាលមក និង<br />បានបន្តរហូតដល់ កូនចៅ ជំនាន់ក្រោយៗទៀត ហើយសព្វថ្ងៃនេះ ព្រះរាជាណាចក្រកម្ពុជា <br />ត្រូវបានពិភពលោក ទទួលស្គាល់ យ៉ាងច្រើន តាមរយ:សិល្បៈវប្បធម៌ អរិយធម៌ សិលាចារឹក<br /> ប្រវត្តិសាស្ត្របេតិកភណ្ឌ ស្ថាបត្យកម្ម ប្រាង្គប្រាសាទ នានា និង រមណីយដ្ឋាន ព្រមទាំងសម្បត្តិ<br />ធម្មជាតិ ដ៏ល្បីល្បាញ និងសម្បូរបែប របស់ខ្មែរ។ ក្នុងនោះ ម្ហូប ចំណី អាហារ បង្អែម បន្លែ ផ្លែ<br />ឈើ និងវិជ្ជាខាងធ្វើម្ហូប អាហារខ្មែរ ដែលជាស្នាដៃរបស់ចុងភៅខ្មែរ បាននិងកំពុង មានការចាប់<br />អារម្មណ៍ គាំទ្រ ពីភ្ញៀវជាតិ អន្តរជាតិ ទាំងរស់ជាតិ ទាំងវិជ្ជាខាងធ្វើម្ហូប ផងដែរ ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0082.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0084.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0085.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0086.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0083.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>