<p><span style="color: #000000;">ព័ត៌មានអន្តរជាតិ ៖ មន្រ្តីប៉ូលីស ប្រទេស នេប៉ាល់ ក៏ដូចជា ក្រុមអ្នកស្ម័គ្រចិត្តក្នុងស្រុក បានរកឃើញសពក្រុមមនុស្ស ពនេចរ ដើរកាត់ព្រៃភ្នំ និងសពអ្នកភូមិ ប្រមាណជាង ១០០ នាក់ កប់នៅក្រោមគំនរ ទឹកកកបាក់រលំកាលពីចុងខែកន្លងទៅនេះ អំឡុងពេលមានគ្រោះថ្នាក់ធម្មជាតិដ៏សាហាវគ្រោះរញ្ជួយ ដី នេះបើយោងតាមការគូសបញ្ជាក់អោយដឹង ពីមន្រ្តីផ្លូវការ ព្រឹកថ្ងៃច័ន្ទ ថ្ងៃទី ៤ ឧសភា ។ </span></p>
<p><span style="color: #000000;"><a class="thickbox" title="" href="/FileManager/Commons/2015/5/5/90-05-05-2015--09-54-03.jpg"><img src="/FileManager/Articles/mce/2015/5/5/90-05-05-2015--09-54-03.jpg" alt="" /></a><br /></span></p>
<p><span style="color: #000000;">រដ្ឋាភិបាល បានស្នើអោយក្រុមជំនួយ និងក្រុមការងារបរទេស ជួយប្រឹងប្រែងអោយអស់ ពីលទ្ធភាព ក្នុងប្រតិបត្តិការ ស្រាវជ្រាវ និងជួយសង្គ្រោះ ខណៈមានក្តីរំពឹងទុកថានឹងអាចរកឃើញមនុស្សនៅរស់ មានជីវិត ក្រោមគំនរថ្មបាក់បែក ក៏ដូចជា ក្រោមគំនរទឹកកក បាក់រលំជាដើម ។ លោក Rameshwor Dangal មន្រ្តីផ្លូវការ មកពី Home Ministry អោយដឹងថា ពួកគេអាចនឹងគេចខ្លួនបាន បើសិនណាពួក គេមានជំនាញពិសេស ចេះកកាយកំទេចថ្ម ។ សេចក្តីរាយការណ៍ បញ្ជាក់ថា សាកសព ក្រុមមនុស្ស ពនេចរ ដើរកាត់ព្រៃភ្នំ ត្រូវបានគេប្រទះឃើញ នៅអំឡុងថ្ងៃសៅរ៍ និងថ្ងៃអាទិត្យ កន្លង ទៅនេះ នៅឯ ភូមិ Langtang មានចម្ងាយ ៦០ គ.ម ភាគខាងជើង ក្រុង Kathmandu ជាភូមិស្រុកដែលជាតំបន់មាន ប្រជាប្រិយភាពបំផុត ខាងដើរត្រាច់ចរ ពីសំណាក់ ប្រជាជនពីលោកខាងលិច ។ ភូមិស្រុកទាំងមូល ក្នុងនោះ ផ្ទះសំណាក់ សម្រាប់ ក្រុមអ្នកពនេចរ ទាំង ៥៥ ផ្ទះសំណាក់ ត្រូវបាន កម្ទេចខ្ទេច ដោយការ បាក់រលំផ្ទាំងទឹកកក ។ </span></p>
<p><span style="color: #000000;"><a class="thickbox" title="" href="/FileManager/Commons/2015/5/5/91-05-05-2015--09-54-12.jpg"><img src="/FileManager/Articles/mce/2015/5/5/91-05-05-2015--09-54-12.jpg" alt="" /></a><br /></span></p>
<p><span style="color: #000000;">សេចក្តីរាយការណ៍ បន្តអោយដឹងថា ៖ ក្រុមការងារ កំពុងតែព្យាយាមជីកកកាយគំនរទឹកកកកម្រាស់ ៦ ហ្វឺត ក្នុងគោលបំណងស្វែងរកសាកសពមនុស្សបន្ថែមទៀត ក្រោយពីបានរកឃើញ សាកសពជា ច្រើនខាងលើ ក្នុងនោះ ហោចណាស់ ៧ នាក់ជាសាកសពជនបរទេស ខណៈត្រឹមតែ ២ នាក់ត្រូវបាន ក្រុមការងារបញ្ជាក់អត្តសញ្ញាណ ។ ពុំមានប្រភពច្បាស់ការណ៍ អាចបញ្ជាក់បាន នៅ ឡើយទេ ថាតើ មានមនុស្សប៉ុន្មាននាក់ នៅភូមិស្រុក Langtang អំឡុងពេលមានគ្រោះថ្នាក់ បាក់រលំផ្ទាំងទឹកកកប៉ុន្តែ បើតាមសម្តីមន្រ្តីផ្លូវការម្នាក់អោយដឹងថា មនុស្សប្រមាណ ១២០ នាក់ អាចត្រូវកប់ក្រោមគំនរទឹកកក</span></p>
<p><span style="color: #000000;">គ្រោះរញ្ជួយដីសាហាវ អាក្រក់បំផុត ក្នុងទំព័រប្រវត្តិសាស្រ្ត ៨១ ឆ្នាំ ប្រទេស នេប៉ាល់ កាលពីថ្ងៃទី ២៥ មេសា ២០១៥ កន្លងទៅនេះ បានបណ្តាល អោយមនុស្សច្រើនជាង ៧៣៦៦ ស្លាប់បាត់បង់ជីវិតស្រប ពេលដែល ជិត ១៤,៥០០ នាក់ទៀត រងរបួស ៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/5/92-05-05-2015--09-54-21.jpg"><img src="/FileManager/Articles/mce/2015/5/5/92-05-05-2015--09-54-21.jpg" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ CNA</span></p>