<p><span style="color: #000000;"><strong>(ភ្នំពេញ)៖</strong> ក្នុងជំនួបទ្វេភាគីជាមួយ លោក Li Keqiang នាយករដ្ឋមន្រ្តីចិន នៅរសៀល ថ្ងៃទី២៣ ខែមីនានេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានស្នើឱ្យរដ្ឋាភិបាលចិន ជួយសង់ផ្លូវល្បឿនលឿន ភ្នំពេញ-ព្រះសីហនុ (Express Way) និងព្រលានយន្តហោះថ្មីមួយនៅខេត្តសៀមរាប។ នេះបើតាមការផ្សព្វផ្សាយនៅលើទំព័រ Facebook ។</span></p>
<p><span style="color: #000000;">នៅក្នុងជំនួបនោះ សម្តេចនាយករដ្ឋមន្រ្តី ហ៊ុន សែន ក៏បានស្នើចង់ឱ្យចិនពិនិត្យ និងសម្រេចលើ គម្រោងសាងសង់ពហុកីឡាដ្ឋានមរតកតេជោ និង គម្រោងសាងសង់មន្ទីរពេទ្យចំនួន៣ ដែលមិត្តចិនបានសម្រេចរួចហើយ ផងដែរ។</span></p>
<p><span style="color: #000000;">នៅលើទំព័រ Facebook សម្តេចតេជោក៏បានបញ្ជាក់ដែរថា ប្រទេសចិនបានគាំទ្រដល់សំណើរទាំងអស់ដែល បានលើកឡើងដោយ សម្តេចតេជោ ហើយនឹងពិនិត្យ លើឯកសារឱ្យបានរហ័ស ដើម្បីគម្រោងទាំង អស់នេះចាប់ដំណើរការសាងសង់ក្នុងពេលឆាប់ៗខាងមុខ។</span></p>
<p><span style="color: #000000;">សម្តេចតេជោ ហ៊ុន សែន បានពេញចិត្តចំពោះការជួយជ្រោមជ្រែងពីមិត្តចិន ហើយសង្ឃឹមយ៉ាងមុតមាំថា ទំហំពាណិជ្ជកម្មរវាងប្រទេសទាំងពីរនឹងកើនឡើងដល់ ៥០០០លានដុល្លារ នៅពេលដ៏ខ្លី។ ទន្ទឹមនឹងនោះ សម្តេចតេជោ បានស្នើឱ្យមិត្តចិនជួយផ្តល់លទ្ធភាពឱ្យបានទូលាយក្នុងការនាំផលិតផលកសិកម្ម ជាពិសេសអង្ករពីកម្ពុជាមកប្រទេសចិន។</span></p>
<p><span style="color: #000000;">លោក Li Keqiang នាយករដ្ឋមន្រ្តីចិន បានសន្យានឹងជួយគៀងគរណែនាំជំរុញអ្នកវិនិយោគទុនចិនឱ្យទៅបណ្តាក់ទុននៅកម្ពុជា រួមទាំងការដំឡើងរោងចក្រប្រកបដោយបច្ចេកទេសខ្ពស់ ដើម្បីកម្ពុជាមានលទ្ធភាពផលិតតាមស្តង់ដារនិងគុណភាពអន្តរជាតិសម្រាប់នាំចេញទៅកាន់ប្រទេសចិន និងបណ្តាប្រទេសនានាក្នុងពិភពលោកបាន៕</span></p>
<p><span style="color: #000000;"><img src="https://fbcdn-sphotos-b-a.akamaihd.net/hphotos-ak-xtp1/v/t1.0-9/11108869_979057135476117_2262390896689394926_n.jpg?oh=06bea6b0ccdf13e51e0ca057c9e80f43&oe=579910FF&__gda__=1464797129_042abb7ffeeb0a57cd0b4c3efa852a82" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xpa1/v/t1.0-9/1910395_979044525477378_2411525208878584025_n.jpg?oh=382ebea93d257f8a2a12fd5e6d5c8a6e&oe=577E8ECF" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>