<p><span style="color: #000000;"><strong>(អាល្លឺម៉ង់)៖</strong> ស្ត្រីជាម្តាយម្នាក់ត្រូវប៉ូលិសចាប់ខ្លួន ដោយចោទពីបទឃាតកម្ម បន្ទាប់ពីបានសម្លាប់កូនទើបនឹងកើតហើយរក្សាទុកសាកសព ក្នុងអាគារស្នាក់នៅទៀតផង។ ហេតុការណ៍នេះ កើតឡើងនៅប្រទេសអាល្លឺម៉ង់ ប៉ូលិសនៅតំបន់ Wallenfels និយាយថា ស្ត្រីដៃដល់អាយុ៤៥ឆ្នាំ ឈ្មោះ Andrea Goeppner និងប្តីអាយុ៥៥ឆ្នាំ ឈ្មោះ Johann Goeppner អ្នកទាំងពីរត្រូវបានចាប់ខ្លួន ក្រោយពេលដែលពួកគេរកឃើញសាកសព ទារក៨នាក់នៅក្នុងផ្ទះ ហើយក៏បានបញ្ជូនប្តីប្រពន្ធរូបនេះ ទៅតុលាការ កាត់ទោស ដោយម្តាយជាជនដៃដល់ ប្រឈមនឹងការជាប់គុក១៥ឆ្នាំ រីឯឪពុកជាប់ចោទ ពីបទសមគំនិតប្រឈមនឹងការជាប់គុក ៣ឆ្នាំ។</span></p>
<p><span style="color: #000000;">ប៉ូលិសបានដឹងហេតុការណ៍នេះ បន្ទាប់ពីអ្នកជិតខាងរាយការណ៍ប្រាប់ ព្រោះពួកគេចេះតែឆ្ងល់ថា ហេតុអីក៏ស្ត្រីបង្កហេតុមានផ្ទៃពោះ ហើយមិនដែលឃើញកូន ទើបមានការសង្ស័យក៏រាយការណ៍ ទៅសមត្ថកិច្ចឲ្យមកឆែកឆេរផ្ទះ ទើបរកឃើញសាកសពក្មេងៗដល់ទៅ៨នាក់។ ជនសង្ស័យបានសារភាពថា ស្ត្រីជាប្រពន្ធសម្រាលបានកូនដល់ទៅ ៨នាក់ តែមិនចង់បានកូនច្រើនឡើយ ទើបសម្រេចចិត្តសម្លាប់កូនៗចោល ដោយម្តាយជាអ្នកសម្លាប់ រីឯប្តីឈរមើល ឲ្យដៃប្រពន្ធធ្វើទើបជាប់ពីបទសមគំនិតគ្នា ព្រោះមិនបានជួយ ឬរារាំងប្រពន្ធនោះឡើយ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13728977_1504066822952956_3507030093278237033_n.png?oh=e5d6a0ad37a516203b753fa24e956ac5&oe=583743D7" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>