<p><span style="color: #000000;"><strong>(ភ្នំពេញ)៖</strong> ស្វាមីតារាកំប្លែងអ្នកនាង កាតុ គឺលោក ខ្យង ក្រោយពីជំងឺបេះធ្វើទុក្ខ រើឡើងវិញហើយត្រូវបានបញ្ជូន ទៅសង្គ្រោះជាថ្មី នៅមន្ទីពេទ្យកាល់ម៉ែត្រ កាលពីយប់ថ្ងៃសៅរ៍ ទី១៨ ខែមិថុនា កន្លងមកនេះ ឥឡូវស្ថានភាពជំងឺរបស់លោក បានធូស្រាលខ្លះវិញហើយ បន្ទាប់ពីទទួលបានការព្យាបាល យ៉ាងយកចិត្តទុកដាក់ ពីសំណាក់ក្រុមគ្រូពេទ្យ ជំនាញៗមកនោះ។</span></p>
<p><span style="color: #000000;">យោងតាម Page សិល្បករកម្ពុជា របស់លោក អ៉ឹម ជីវ៉ា បានសរសេរបញ្ជាក់មុននេះថា ស្វាមីតារាកំប្លែងស្រី តុ ចូល បន្ទាន់ពីចូលសង្គ្រោះ នៅមន្ទីពេទ្យកាល់ម៉ែត្រ កាលពីយប់មិញពេលនេះ អាការបានធូស្បើយបន្តិចហើយ ដោយមានការយកចិត្តទុក្ខដាក់ខ្ពស់ និងប្រុងប្រយ័ត្នបំផុត ពីវេជ្ជបណ្ឌិតដ៏ចំណានៗ ផ្នែកជំងឺបេះដូង នៃមន្ទីពេទ្យកាល់មែត្រ ។</span></p>
<p><span style="color: #000000;">ប្រភពដដែលនេះ បានបន្តថា កាលពីយប់ថ្ងៃទី ១៨ខែ មិថុនា ឆ្នាំ២០១៦លោកខ្យងដែលជាតន្ត្រីករបានចូលសង្គ្រោះបន្ទាន់ នៅមន្ទីពេទ្យកាល់ម៉ែត្រផ្នែកបេះដូង ដោយសារជំងឺរើឡើងវិញ រហូតធ្វើឲ្យអ្នកនាង កាតុ ភ័យរហូតដល់ស្រក់ទឹកភ្នែក តែដោយមានការពន្យល់ និងយកចិត្តទុក្ខដាក់ខ្ពស់ ដោយមានការប្រុងប្រយ័ត្ន ពីវេជ្ជបណ្ឌិតដ៏ចំណានៗ ផ្នែកបេះដូងធ្វើការសង្គ្រោះភ្លាមៗធ្វើឲ្យ លោក ខ្យង បានឆ្លងផុតពីជំងឺមួយនេះ និងបានធូស្បើយបន្តិចហើយ តែត្រូវនៅសម្រាកក្នុងមន្ទីពេទ្យរយៈពេលពីរឬបីថ្ងៃ ដើម្បីតាមដានជំងឺបន្តទៀត ។</span></p>
<p><span style="color: #000000;">តារាកំប្លែងអ្នកនាង សុខ ចាន់ធីតា ហៅកាតុ និយាយថា «នៅពេលដែលស្ថានភាព របស់ប្តីខ្ញុំកំពុងធ្វើទុករើឡើងវិញ ធ្វើឲ្យខ្ញុំភ័យខ្លាំងណាស់ រហូតដល់យំ ហើយក៏បានទូរស័ព្ទទៅបងប្អូន និងមិត្តសិល្បករមួយចំនួនពេលនោះ លោក អ៉ឹម ជីវ៉ា និង លោក ស៊ូ រតនៈ ក៏បានមកដល់មន្ទីរពេទ្យភ្លាមៗ ដើម្បីរងចាំខ្ញុំ បន្ទាប់មកក៏មានអ្នកនាង ខាត់ សុឃីម និង ស្វាមី , កញ្ញាស្រីពៅ , លោក ករុណា ពេជ្រ លោក សុគន្ធ ថេរ៉ាយុ និង កញ្ញា អាលីហ្សា មកជាបន្តរបន្ទាប់ !»។</span></p>
<p><span style="color: #000000;">អ្នកនាង កាតុ បានបន្ថែមថា «ខ្ញំពិតជាសូមអរគុណខ្លាំងណាស់ និងសូមអរគុណដល់បងប្អូន អ្នកព្រួយបារម្ភទាំងអស់ ដែលបានជូនពរដល់ស្វាមីខ្ញុំ នាងខ្ញុំសូមអរគុណ!»។ យ៉ាងណាមិញ មកដល់ម៉ោងនេះ លោក ខ្យង បានធូស្បើយបន្តិចហើយ និងកំពុងសំរាកព្យាបាល នៅមន្ទីរពេទ្យនៅឡើយ ដោយត្រូវតាមដានជំងឺបន្ត និងមានការយកចិត្តទុកដាក់ខ្ពស់ ពីក្រុមវេជ្ជបណ្ឌិត ពីមន្ទីរពេទ្យកាល់មែត្រ ។ លោកខ្យង កំពុងសម្រាកនៅបន្ទប់លេខ ៣៧ អាគារបេះដូង ៕</span></p>
<p><span style="color: #000000;"><img src="https://scontent-sea1-1.xx.fbcdn.net/v/t1.0-9/13509090_1142065012525093_7120951824751839776_n.jpg?oh=4ff7435d3f19dc3cbfaf3c5d561791c1&oe=57DEF61D" alt="" width="730" /></span></p>
<p><span style="color: #000000;"><img src="https://scontent-sea1-1.xx.fbcdn.net/v/t1.0-9/13509049_1142071162524478_823897135187800530_n.jpg?oh=aeca4b0678997a65db96eb71cf89c243&oe=57D8FEFC" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xpt1/v/t1.0-9/13466500_1142064955858432_4968403867723365292_n.jpg?oh=d544dcd08ff66febb38f1b01e94a08ac&oe=57C8EE6B&__gda__=1474478827_88412b424c0381bb2d00dd9712b8ef34" alt="" width="730" /></span></p>
<p><span style="color: #000000;"><img src="https://scontent-sea1-1.xx.fbcdn.net/v/t1.0-9/13501705_1142065075858420_4160252776983613571_n.jpg?oh=bb9566d3d724e2bb8b693d89960dcd86&oe=57D79974" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xpl1/v/t1.0-9/13450299_1142064962525098_8452960863473053689_n.jpg?oh=b2142666a5c18314225c0b728b3ea1b7&oe=57DEFC67&__gda__=1473384387_392d7230d02a6e4236055baf2c0412fb" alt="" width="730" /></span></p>
<p><span style="color: #000000;"><img src="https://scontent-sea1-1.xx.fbcdn.net/v/t1.0-9/13501923_1142065005858427_6108994065613797989_n.jpg?oh=dbc4c75fb926523d555625e8b0bb5832&oe=57D23919" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>