<p><span style="color: #000000;"><strong>(វ៉ាស៊ីនតោន)៖</strong> អតីតប្រធានាធិបតីអាមេរិក លោក បារ៉ាក់ អូបាម៉ា បានច្រានចោលការចោទប្រកាន់ ពីលោក ដូណាល់ ត្រាំ ដែលថា រូបលោកបានបញ្ជាឱ្យគេលួចស្ដាប់ កិច្ចសន្ទនាតាមទូរស័ព្ទ របស់អតីតមហាសេដ្ឋីអចលនទ្រព្យរូបនេះ នៅអំឡុងយុទ្ធនាការឃោសនាបោះឆ្នោត កាលពីឆ្នំា២០១៦។ នេះបើតាមអ្នកនាំពាក្យលោក អូបាម៉ា ដកស្រង់ ដោយសារព័ត៌មាន Sputnik នៅថ្ងៃអាទិត្យ ទី០៥ ខែមីនា ឆ្នាំ២០១៧។</span></p>
<p><span style="color: #000000;"><a class="thickbox" title="" href="/FileManager/Commons/2017/3/6/41b-06-03-2017--10-35-14.jpg"><img src="/FileManager/Articles/mce/2017/3/6/41b-06-03-2017--10-35-14.jpg" alt="" /></a><br /></span></p>
<p><span style="color: #000000;">ប្រតិកម្មរបស់លោក អូបាម៉ា ធ្វើឡើងបន្ទាប់ពីលោក ត្រាំ បានសរសេរនៅលើ Twitter ថាលោកអូបាម៉ា បានបញ្ជាឱ្យគេលួចស្ដាប់កិច្ចសន្ទនាតាម ទូរសព្ទរបស់លោក នៅឯអាគារ Trump Tower ដោយបានប្រៀបធៀបសកម្មភាពនេះ ទៅនឹងរឿងអាស្រូវ McCarthyism និង Watergate ទៀត ផង។ ក៏ប៉ុន្តែ លោក ត្រាំ មិនបានបង្ហាញភស្ដុតាងណាមួយ មកបញ្ជាក់នោះទេ។ ដោយឡែក ជុំវិញការចោទប្រកាន់នេះដែរ អ្នកនាំពាក្យលោក អូបាម៉ា គឺលោក ខេវិន ល្វីស (Kevin Lewis) បាននិយាយថា <strong>«ផ្អែកលើច្បាប់នៃរដ្ឋបាលលោក អូបាម៉ា គ្មានមន្ត្រីសេតវិមានណាម្នាក់ អាចលូកដៃចូលក្នុងកិច្ចការស៊ើបអង្កេត ដោយឯករាជ្យរបស់ក្រសួងយុត្តិធម៌នោះទេ ហើយជាផ្នែកមួយនៃការអនុវត្តន៍នេះ លោក ប្រធានាធិបតីអូបាម៉ា និង មន្ត្រីសេតវិមាន មិនដែលបានបញ្ជាឱ្យគេតាមឃ្លំាមើល ឬក៏លួចស្ដាប់ពលរដ្ឋអាមេរិកណាម្នាក់នោះទេ។ ដូច្នេះការចោទប្រកាន់ទំាងអម្បាលន្មាន គឺជារឿងមិនពិត»</strong>។</span></p>
<p><span style="color: #000000;">គួរបញ្ជាក់ថា លោក ខេវិន ល្វីស ក៏បានរិះគន់លោក ដូណាល់ ត្រាំផងដែរ សម្រាប់ការចោទប្រកាន់គ្មានមូលដ្ឋាន ហើយថា លោក ត្រាំ មិនបានប្រឹក្សាយោបល់ឡើយជាមួយនឹងមន្ត្រីរដ្ឋាភិបាល មុនធ្វើការចោទប្រកាន់លោក អូបាម៉ា៕</span></p>
<p><span style="color: #000000;"><a class="thickbox" title="" href="/FileManager/Commons/2017/3/6/41c-06-03-2017--10-35-23.jpg"><img src="/FileManager/Articles/mce/2017/3/6/41c-06-03-2017--10-35-23.jpg" alt="" /></a></span></p>
<p><br /><a class="thickbox" title="" href="/FileManager/Commons/2017/3/6/41d-06-03-2017--10-47-33.jpg"><img src="/FileManager/Articles/mce/2017/3/6/41d-06-03-2017--10-47-33.jpg" alt="" /></a><span style="color: #000000;"><a class="thickbox" title="" href="/FileManager/Commons/2017/3/6/41c-06-03-2017--10-35-23.jpg"></a><br /><br /></span></p>
<p style="text-align: right;"><span style="color: #000000;">ប្រភព ៖ <span>Sputnik </span></span></p>