<p><span style="color: #000000;"><strong>(តៃប៉ិ)៖</strong> លទ្ធផលនៃការស៊ើបអង្កេតចុងក្រោយ បានចេញមកហើយ បន្ទាប់ពីការធ្លាក់យន្តហោះ TransAsia របស់ កោះតៃវ៉ាន់ កាលពីថ្ងៃទី០៤ ខែកុម្ភៈ ឆ្នាំ២០១៥ ដោយក្នុងនោះ មន្ត្រីជំនាញបានអះអាងថា ជាកំហុសបច្ចេកទេសរបស់ ពីឡុតដែលបានបញ្ជាយន្តហោះធុនមធ្យមខាងលើនេះ ទើបបណ្តាលឲ្យវាធ្លាក់បន្ទាប់ពីហោះឡើងបានបន្តិចនោះ។ នេះបើតាមការចេញផ្សាយនៅមុននេះបន្តិចដោយ Channel News Asia នាព្រឹកថ្ងៃព្រហស្បតិ៍ ទី៣០ ខែមិថុនា ឆ្នាំ២០១៦។</span></p>
<p><span style="color: #000000;">របាយការណ៍មកពីក្រុមប្រឹក្សាសុវត្ថិភាពអាកាសចរណ៍តៃវ៉ាន់ TASC បានបញ្ជាក់ថា នៅថ្ងៃដែលកើតមានគ្រោះ មហន្តរាយនោះ ពីឡុតបានច្រឡំបិទម៉ាស៊ីនជើងហោះ GE235 ដែលកំពុងដំណើរការ ខណៈដែលម៉ាស៊ីន ផ្សេងទៀតបានឆាបឆេះ។ ពីឡុតរូបនោះទំនងជាបានដឹងកំហុសរបស់ខ្លួន នៅរយៈពេលប៉ុន្មានវិនាទីបន្ទាប់ទៀត ទើបសម្រេចបញ្ជាយន្តហោះ ដែលគ្រប់គ្រងស្ថានការណ៍លែងបានទៅហើយនោះ ឲ្យធ្លាក់ចូលទៅក្នុងទន្លេវិញ។</span></p>
<p><span style="color: #000000;">គួរបញ្ជាក់ថា យន្តហោះខាងលើនេះបានធ្លាក់បន្ទាប់ពីទើបហោះឡើងបានតែប៉ុន្មាននាទីប៉ុណ្ណោះ ហើយក្នុងនោះបាន ដឹកអ្នកដំណើរ ៥៣នាក់។ តាមខ្សែវីដេអូបង្ហាញថា យន្តហោះបានផ្អៀងខ្លួន អូសស្លាបទៅនឹងស្ពានអាកាស ទើបធ្លាក់ ចូលទៅក្នុងទន្លេ Keeling នៃទីក្រុងតៃប៉ិជាក្រោយ។</span></p>
<p><span style="color: #000000;">ពីដំបូងឡើយ ពីឡុត ខាងលើនេះត្រូវបានចាត់ទុកជាវីរៈបុរស ដែលបានប្រថុយជីវិតចុងក្រោយ ទើបអាចសង្គ្រោះ មនុស្ស១០នាក់ឲ្យរួចជីវិត ប៉ុន្តែពេលនេះលទ្ធផលស៊ើបអង្កេតចេញមកជាផ្លូវការណ៍បានបញ្ជាក់ថា គឺរូបគាត់ទៅវិញទេ ដែលបានបាត់បង់ភាពម្ចាស់ការ ហើយសាងនូវកំហុសដ៏ធំមួយ ដែលនាំឲ្យយន្តហោះធ្លាក់៕</span></p>
<p><span style="color: #000000;"><iframe src="https://www.youtube.com/embed/qHRZGOcwaQ4" frameborder="0" width="500" height="410"></iframe></span></p>
<p><span style="color: #000000;"><img src="http://cdn.images.express.co.uk/img/dynamic/78/590x/transasia-plane-crash-taiwan-556031.jpg" alt="" width="730" /></span></p>
<p> </p>
<p style="text-align: right;"><br /><span style="color: #000000;">ប្រភព ៖ CNA</span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>