<p><span style="color: #000000;">ការមិនសប្បាយចិត្ត គឺជាអារម្មណ៍ធម្មជាតិ ឬក៏ជាផ្នែកមួយនៃឥរិយាបទរបស់មនុស្ស ដែលបានសម្ដែងឲ្យឃើញ នៅពេលពួកគេកំពុងជួបទុក្ខព្រួយ ឬមានភាពតានតឹងក្នុងអារម្មណ៍។ តើអ្នកចង់ដឹងទេថា ស្ត្រីចូលចិត្តធ្វើអ្វីខ្លះ នៅពេលដែលពួកគេមិនសប្បាយចិត្ត? ខាងក្រោមនេះ ជាទង្វើទាំង ១០យ៉ាង ដែលស្រ្ដីតែងធ្វើនៅពេលមិនសប្បាយចិត្ត៖</span></p>
<p><span style="color: #000000;"><strong>១. យំ</strong></span></p>
<p><span style="color: #000000;">ការយំខណៈពេលមិនសប្បាយចិត្ត គឺជារឿងធម្មតាទៅហើយ ចំពោះស្ត្រី ដើម្បីជួយធ្វើឲ្យពួកគេអាចរសាយពីទុក្ខ ឬការមិនសប្បាយចិត្តបាន។</span></p>
<p><span style="color: #000000;"><strong>២. ដើរទិញឥវ៉ាន់</strong></span></p>
<p><span style="color: #000000;">ជាទូទៅស្ត្រីភាគច្រើន តែងជៀសមិនផុតទេ អំពីការដើរទិញឥវ៉ាន់ អំទ្បុងពេលមានអារម្មណ៍មិនសប្បាយចិត្ត ដោយសារពួកគេគិតថា តាមរយៈការដើរសម្លឹងមើលវត្ថុដែលថ្មី ហើយប្លែកៗជាច្រើននៅលើទីផ្សារ អាចជួយឲ្យធូរស្បើយក្នុងអារម្មណ៍។</span></p>
<p><span style="color: #000000;"><strong>៣. ទូរស័ព្ទទៅរកម្ដាយ</strong></span></p>
<p><span style="color: #000000;">វាពុំមែនជារឿងចម្លែកអីទេ បើនិយាយអំពីទំនាក់ទំនងរវាងម្ដាយ និងកូនស្រី ដែលជាចំណងមេត្រីភាពមួយ មិនអាចកាត់ថ្លៃបាននោះ។ ហេតុដូចនេះ ការទូរស័ព្ទទៅរកម្ដាយ ដោយប្រាប់អំពីរឿងមិនសប្បាយចិត្តដល់គាត់ គឺជាវិធីសាស្ត្រដ៏ល្អបំផុត ដើម្បីឲ្យគាត់ជួយផ្ដល់យោបល់ និងដោះស្រាយបញ្ហាទាំងនោះ។</span></p>
<p><span style="color: #000000;"><strong>៤. ទៅរកមិត្តភក្តិ</strong></span></p>
<p><span style="color: #000000;">ពិតណាស់ថា មិត្តភក្ដិបានដើរតួនាទីយ៉ាងសំខាន់ សម្រាប់ជួយដោះស្រាយបញ្ហារបស់មិត្តភក្ដិទៅវិញទៅមក ខណៈពេលដែលពួកគេកំពុងមានអារម្មណ៍មិនសប្បាយចិត្ត។</span></p>
<p><span style="color: #000000;"><strong>៥. នៅតែម្នាក់ឯង</strong></span></p>
<p><span style="color: #000000;">សម្រាប់ស្ត្រីមួយចំនួន បានយល់ឃើញថា ការស្ថិតនៅទីកន្លែងដ៏ស្ងៀមស្ងាត់តែម្នាក់ឯង ខណៈពេលមិនសប្បាយចិត្ត អាចជួយឲ្យពួកគេមានអារម្មណ៍ប្រសើរទ្បើង បន្ទាប់ពីការស្វែងរកដំណោះស្រាយបញ្ហា បានដោយខ្លួនឯងផ្ទាល់។</span></p>
<p><span style="color: #000000;"><strong>៦. ជះកំហឹងដាក់គ្រួសារ</strong></span></p>
<p><span style="color: #000000;">ហេតុការណ៍មួយនេះ តែងកើតមានទ្បើងជាញឹកញាប់ចំពោះស្ត្រី អំទ្បុងពេលដែលនាងមានអារម្មណ៍មិនសប្បាយចិត្ត ដោយសារតែបរិយាកាសខាងក្រៅដូចជា សម្ពាធការងារ ឬបញ្ហាផ្សេងៗទៀត អាចនឹងធ្វើឲ្យនាងយកបញ្ហាទាំងនេះ មកជះកំហឹងដល់សមាជិកនៅក្នុងក្រុមគ្រួសារ ដើម្បីរំសាយកំហឹងចេញពីក្នុងខ្លួន។</span></p>
<p><span style="color: #000000;"><strong>៧. និយាយពាក្យអសុរោះ</strong></span></p>
<p><span style="color: #000000;">ដោយសារតែភាពតប់ប្រមល់ ឬកំហឹងនៅក្នុងខ្លួន អាចនឹងធ្វើឲ្យស្ត្រីនិយាយពាក្យអាក្រក់ៗជាច្រើន ទៅកាន់មនុស្សដែលនៅជុំវិញខ្លួនរបស់នាង។</span></p>
<p><span style="color: #000000;"><strong>៨. ស្ដាប់តន្ត្រី</strong></span></p>
<p><span style="color: #000000;">ស្រ្តីភាគច្រើនចូលចិត្តស្ដាប់តន្ត្រី នៅពេលដែលពួកគេ មានអារម្មណ៍ថា ធុញថប់ ព្រោះតាមរយៈសូរសំនៀង និងសំលេងដូរតន្ត្រី អាចជួយឲ្យពួកគេស្រស់ថ្លានៅក្នុងអារម្មណ៍បាន។</span></p>
<p><span style="color: #000000;"><strong>៩. បរិភោគការ៉េមច្រើនខុសធម្មតា</strong></span></p>
<p><span style="color: #000000;">អ្នកប្រហែលជាឆ្ងល់ហើយថា ម៉េចបានជាស្ត្រីចូលចិត្តបរិភោគការ៉េម ឬសូកូឡា នៅពេលមិនសប្បាយចិត្ត? គឺដោយសារតែភាពត្រជាក់ និងជាតិផ្អែម ដែលមាននៅក្នុងរបស់ទាំងនោះ អាចជួយកាត់បន្ថយភាពតានតឹងក្នុងអារម្មណ៍។</span></p>
<p><span style="color: #000000;"><strong>១០. បោះបោករបស់របរ</strong></span></p>
<p><span style="color: #000000;">ពេលខ្លះកំហឹង អាចនឹងធ្វើឲ្យស្រ្តី បាត់បង់ម្ចាស់កាលើខ្លួនឯងបាន ដែលអាចឈានទៅរកការបោះបោក របស់របរជុំវិញខ្លួននាងក៏មានដែរ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/12/29/1-29-12-2016--10-53-56.png"><img src="/FileManager/Articles/mce/2016/12/29/1-29-12-2016--10-53-56.png" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>