CamNews

ព័ត៌មានកីឡា៖ បើនិយាយពីទីផ្សារ កីឡាករ Gareth Bale ដែលជាអតីតខ្សែប្រយុទ្ធចេញពីក្លឹបទឹកដីអង់គ្លេស គឺមិនខ្វះទេ ដែលក្នុងនោះបូករួមទាំង ក្លឹបបិសាចក្រហម Manchester United ដែលបានតាមប្រមាញ់អស់ពេលជាយូរមកហើយ ប៉ុន្ដែនៅមិនទាន់មានលទ្ធផលរហូតមកទល់ពេលនេះ។ ស្របគ្នានឹងពេលថ្មីៗផងដែរ ក្លឹបតោខៀវ Chelsea ក៏មានចំណាប់អារម្មណ៍ចង់ចូលរួមប្រជែងទីផ្សារមួយនេះ ប៉ុន្ដែមិនទាន់ហ៊ានបង្ហាញពីតម្លៃខ្លួននៅឡើយទេ។  ក្លឹបបិសាចក្រហម Man United របស់លោក Louis Van Gaal បានចំណាយពេលអស់ជាងមួយរដូវកាល មកហើយដើម្បីផ្សារភ្ជាប់ទំនាក់ទំនង ចង់បានខ្សែប្រយុទ្ធជនជាតិ វែលរូបនេះ។ ជាមួយនឹងការ ប៉ុនប៉ងចង់បានផងដែរ សម្រាប់រដូវកាលថ្មី ក្លឹបក៏គ្រោងនឹងហ៊ានឲ្យតម្លៃខ្លួនដល់ទៅ ១៥០ លានផោន និងទឹកប្រាក់ប្រចាំសប្ដាហ៍ដល់ទៅ ៣០ ម៉ឺនផោន ប្រសិនជាកីឡាពិតជាអាចបំបែកខ្លួនមកមែន។ ចំណែក្លឹប Chelsea វិញដែលទើបតែជម្រុះចោលថ្នាក់ដឹកនាំម្នាក់កាលពីពេលថ្មីៗនេះ ក៏មានចំណាប់អារម្មណ៍ ចូលរួមប្រជែង ទិញយកីឡាករនេះផងដែរ ប៉ុន្ដែព័ត៌លម្អិតទាក់ទងនឹង តម្លៃនៅមិនទាន់បង្ហាញនៅឡើយទេ ។ ប៉ុន្ដែអ្វីដែលក្លឹបរំពឹងទុកនោះគឺថា ថ្នាក់ដឹកនាំក្លឹប Real Madrid ថ្មីគឺលោក Zidane ក៏មានការចាប់អារម្មណ៍នឹង កីឡាករខ្សែបម្រើរបស់ក្លឹប Chelsea ម្នាក់គឺ Eden Hazard ដែលអាចជាថ្នូរយ៉ាងរឹងមាំ ប្រសិនជាមានការពិភាក្សារវាងអ្នកទាំងពីរ ។ Chelsea រំពឹងទុកថា ប្រសិនជា ថ្នាក់ដឹកនាំថ្មីរបស់ក្លឹប Real Madrid ពិតជាចង់បាន នោះក្លឹបក៏នឹងសង្ឃឹមថា អាចប្ដូរមកវិញនូវ Gareth Bale មកវិញផងដែរ។  <a class="thickbox" title="" href="/FileManager/Commons/2016/1/6/1-6-2016-2-26-54-pm-06-01-2016--14-34-03.png"><img src="/FileManager/Articles/mce/2016/1/6/1-6-2016-2-26-54-pm-06-01-2016--14-34-03.png" alt="" /></a> <a class="thickbox" title="" href="/FileManager/Commons/2016/1/6/1-6-2016-10-28-49-am-06-01-2016--14-34-17.png"><img src="/FileManager/Articles/mce/2016/1/6/1-6-2016-10-28-49-am-06-01-2016--14-34-17.png" alt="" /></a> ដោយ៖ អឿ អ៊ុយ ប្រភព៖ soccerlens

Chelsea ត្រៀមខ្លួនប្រជែង Man United យក Gareth Bale ដោយអាងថ្នូរយ៉ាងមាំ ជាមុខសញ្ញា Real Madrid