<p><span style="color: #000000;"><strong>(ភ្នំពេញ)៖</strong> ក្រុមចោរ៦នាក់ជិះម៉ូតូ២គ្រឿង បានប្រើដាវសាំម៉ូរ៉ៃកាប់ប្លន់យកម៉ូតូ១គ្រឿងជនរងគ្រោះ៣នាក់ រួចជិះរត់គេចខ្លួនដោយសុវត្ថិភាព ដោយគ្មានរំខានដល់សមត្ថកិច្ចមូលដ្ឋាននោះឡើយ។ ករណីកាប់ប្រហារប្លន់យកម៉ូតូខាងលើនេះ បានកើតឡើងនៅ យប់ថ្ងៃទី២២ ខែសីហា ឆ្នាំ២០១៦ នៅចំណុចទល់មុខហាងសាច់អាំងបាយ៉ាប ផ្លូវមហាវិថីអង្គរ ក្រុមទី៩ ភូមិទួលគោក សង្កាត់ទួលសង្កែ ខណ្ឌឫស្សីកែវ។</span></p>
<p><span style="color: #000000;">មន្ត្រីសមត្ថកិច្ចខណ្ឌឫស្សីកែវ បានបញ្ជាក់ថា មុនកើតហេតុជនរងគ្រោះមាន៣នាក់ ជិះម៉ូតូ១គ្រឿងម៉ាកនិចពណ៌ស ពាក់ស្លាកលេខ ភ្នំពេញ1CK-1930 បើកឌុបគ្នាក្នុងបំណង ទៅលេងនៅបុរីកាំកូស៊ីធី លុះជិះមកដល់ចំណុចកើតហេតុខាងលើ ស្រាប់តែបុកគ្នាជាមួយម៉ូតូរបស់ក្រុមជនសង្ស័យ២គ្រឿង ក្នុងនោះមាន១គ្រឿងម៉ាកសេ125 និង១គ្រឿងទៀតម៉ាកហ្ស៊ូម៉ឺអ៊ិចមានបក្ខពួក៦នាក់ ព្រមទាំងបានប្រទាក់ពាក្យសម្ដីគ្នា រហូតក្រុមជនសង្ស័យបានឆ្លៀតឱកាសដកដាវសាំម៉ូរ៉ៃកាប់មកលើក្រុមជនរងគ្រោះ២នាក់ ក្នុងចំណោម៣នាក់ចំក្បាលបណ្ដាលឲ្យរងរបួសហូរឈាមដួលទាំងម៉ូតូ។ ភ្លាមៗនោះក្រុមជនសង្ស័យលើកយកម៉ូតូជនរងគ្រោះជិះចេញរត់គេចខ្លួនបាត់ស្រមោល ដោយគ្មានរំខានដល់សមត្ថកិច្ចមូលដ្ឋានសូម្បីបន្តិចឡើយ។</span></p>
<p><span style="color: #000000;">មន្ត្រីសមត្ថកិច្ចខណ្ឌឫស្សីកែវ បានបញ្ជាក់ទៀតថា ជនរងគ្រោះជាម្ចាស់ម៉ូតូឈ្មោះ ផន សាមុត ភេទប្រុស អាយុ២៤ឆ្នាំ មានមុខរបរជាងផ្សារដែកស្នាក់នៅ ម្ដុំកាំកូស៊ីធី ក្នុងភូមិទួលគោក សង្កាត់ទួលសង្កែ ខណ្ឌឫស្សីកែវ ជាអ្នកឌុបរងរបួសក្បាល។ រីឯជនរងគ្រោះម្នាក់ទៀតមានឈ្មោះវេន ស្រេង ភេទប្រុស អាយុ២០ឆ្នាំ មានមុខ របរជាជាងដែក និងជាអ្នកជិះកណ្ដាលរងរបួសក្បាល ព្រមទាំងជនរងគ្រោះម្នាក់ទៀត ជាស្ត្រីដែលជិះពីក្រោយមានឈ្មោះភ័ណ្ឌ ភក្ដ្រ អាយុ១៨ឆ្នាំ មិនបានរងរបួសនោះទេ។ ក្រោយកើតហេតុ ជនរងគ្រោះទាំង៣នាក់ បានត្រឹមមកដាក់ពាក្យបណ្ដឹងតែប៉ុណ្ណោះដើម្បីស្នើឲ្យសមត្ថកិច្ចប៉ុស្ដិ៍ទួលសង្កែជួយអន្តរាគមន៍ ស្រាវជ្រាវស្វែងរកម៉ូតូនិងចាប់ខ្លួនក្រុមជនសង្ស័យយកមកផ្ដន្ទាទោសតាមច្បាប់៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14088536_1647076285606736_1974116189779930861_n.jpg?oh=e78ef365aad830dbd67aa88883537f4a&oe=58550266" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13962549_1647076278940070_1384722163901765572_n.jpg?oh=330ec339d6fbda242805c9f053de8f2a&oe=585E85F9" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14051787_1647076282273403_627849293919496823_n.jpg?oh=d4f90bc022d4fa95f982bc72b8929059&oe=585C5B18" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>