<p><span style="color: #000000;"><strong>ភ្នំពេញ៖</strong> រដ្ឋមន្ដ្រីក្រសួងពាណិជ្ជកម្ម លោក ស៊ុន ចាន់ថុល បានថ្លែងថា ប្រសិនបើមានផលិត កម្មណាយកបទចំរៀង៧៣បទ របស់អតីតអធិរាជសំឡេងមាស លោក ស៊ីន ស៊ីសាមុត ទៅកាឡៃ ធ្វើអាជីវកម្មនឹងខុសច្បាប់និងត្រូវបង់កម្រៃ ហើយផលិតកម្មណាចង់យកទៅកាឡៃត្រូវទៅសុំសិទ្ធិពីក្រុមគ្រួសារ របស់លោក ស៊ីន ស៊ីសាមុតជាមុនសិន។</span></p>
<p><span style="color: #000000;">លោក ស៊ុន ចាន់ថុល បានមានប្រសាសន៍ ក្នុងការប្រគុំតន្រ្តីសប្បុរសធម៌រំលឹក ដល់អធិរាជសំឡេង ស៊ីន ស៊ីសាមុត នាសាលមហោស្រពកោះពេជ្រ នារាត្រីថ្ងៃទី១៤ ខែវិច្ឆិកា ឆ្នាំ២០១៥ថា “ចាប់ពីថ្ងៃនេះតទៅ បើផលិតករណាយកបទចំរៀង៧៣ បូក១ បទ របស់អ្នកស្រីរស់ សេរីសុធា ទៅថតដើម្បីធ្វើពាណិជ្ជកម្មត្រូវបង់ប្រាក់កម្រៃជួនក្រុមគ្រួសារទើបអាចយកចំរៀងនោះយកទៅកែ ឬយកទៅកាឡៃបាន នេះជាច្បាប់របស់យើង ច្បាប់សិទ្ធិអ្នកនិពន្ធ និងច្បាប់បញ្ញា ដែលបានអនុម័តនៅឆ្នាំ២០០២ និង ២០០៣”។</span></p>
<p><span style="color: #000000;">ការលើកឡើងបែបនេះ ត្រូវបាន លោក ស៊ុន ចាន់ថុល ថ្លែងថា គ្រួសាររបស់លោក ស៊ីន ស៊ីសាមុត សូមឲ្យក្រសួងពាណិជ្ជកម្ម និងក្រសួងវប្បធម៌ ពិនិត្យលើកឯកសារចំរៀង៧៣បទដែលមានភស្ដុតាងគ្រប់គ្រាន់ដើម្បីស្នើសុំទៅរាជរដ្ឋាភិបាល សុំសិទ្ធិកម្មសិទ្ធិបញ្ញាលើបទចំរៀង៧៣បទ។</span></p>
<p><span style="color: #000000;">លោកបន្តថា ក្រោយមកទៀតបងស្រីរបស់ អ្នកស្រី រស់ សេរីសុធា ក៏បានសុំឲ្យក្រសួងពិនិត្យលើបទចំរៀងមួយបទផងដែរ ក្រោយពិនិត្យឯកសារគ្រប់គ្រាន់ហើយនោះក្រសួងទាំងពីរ ក៏បានធ្វើលិខិតស្នើសុំការឯកភាពពីសម្ដេចតេជោ ហ៊ុន សែន ដើម្បីប្រគល់ជួនកម្មសិទ្ធិបទចំរៀង៧៣បទជួនគ្រួសារលោក ស៊ីន ស៊ីសាមុត និង១បទជួនគ្រួសារលោកស្រី រស់ សេរីសុធា៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/16/11-16-2015-9-45-46-am-16-11-2015--09-52-56.png"><span style="color: #000000;"><img src="/FileManager/Articles/mce/2015/11/16/11-16-2015-9-45-46-am-16-11-2015--09-52-56.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/16/11-16-2015-9-45-59-am-16-11-2015--09-53-05.png"><span style="color: #000000;"><img src="/FileManager/Articles/mce/2015/11/16/11-16-2015-9-45-59-am-16-11-2015--09-53-05.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>