<p>អ្នកប្រហែលជាធ្លាប់បានប្រើប្រាស់សញ្ញាអ្វីមួយដោយដៃ ដូចជាសញ្ញាម្រាមដៃពីរ សញ្ញាលេខ សូន្យ ។ល។ ប៉ុន្ដែ សញ្ញាទាំងនេះ មានអត្ថន័យផ្សេងៗគ្នា ទៅតាមតំបន់ និងប្រទេសនិមួយៗ ហើយប្រសិនមិនបានស្វែងយល់ត្រឹមត្រូវ អ្នកអាចនឹងជួបបញ្ហា។</p>
<p><strong>១/ សញ្ញាលេខសូន្យ</strong></p>
<p style="text-align: center;"><a class="thickbox" title="" href="/FileManager/Commons/2013/11/6/ok-06-11-2013--18-42-05.jpg"><img src="/FileManager/Articles/mce/2013/11/6/ok-06-11-2013--18-42-05.jpg" alt="" /></a></p>
<p style="text-align: center;"><em>នៅជប៉ុន សញ្ញា OK នេះ មានន័យថា ប្រាក់</em></p>
<p><br />នេះគឺជាសញ្ញាដែលត្រូវបានគេនិយមប្រើច្រើននៅអាមេរិក នាដើមសតវត្សទី ១។ កាលជំនាន់នោះ មានការយល់ខុសគ្នាមួយចំនួន អ្នកខ្លះយល់ថា ជាការសរសេរកាត់របស់ ពាក់“all correct” (អ្វីៗល្អទាំងអស់) ប៉ុន្ដែ ក៏តែងត្រូវបានគេសរសេរខុស ជា oll correct” ។ ក្រៅពីនេះ ក៏មានគេយល់ថា ជា“KO” (knock-out)។ ប៉ុន្ដែអត្ថន័យរបស់ សញ្ញាលេខសូន្យនេះ គឺ “OK”” ហើយវាត្រូវបានប្រើប្រាស់យ៉ាងទូលំទូលាយ នៅបណ្ដាប្រទេស និយាយភាសាអង់គ្លេស និងបានរាលដាលពាសពេញពិភពលោក។<br /><br /><strong>ប៉ុន្ដែ សញ្ញានេះ មានអត្ថន័យផ្សេងៗគ្នា នៅតាមប្រទេសនានា ៖</strong></p>
<p>នៅបារាំង និងប៊ែលហ្សិក “OK” មានន័យថា ០ ឬមិនមានតម្លៃ។ នៅក្នុងហាងនៃប្រទេសបារាំង នៅពេលបុគ្គលិក សួរថា កន្លែងអង្គុយរបស់អ្នកបានល្អទេ ហើយអ្នកបញ្ចេញសញ្ញា OK នោះពួកគេនឹងប្ដូរតុឱ្យអ្នកភ្លាម។</p>
<p>នៅជប៉ុន សញ្ញា “OK” មានន័យថា ប្រាក់។ ប្រសិនអ្នកធ្វើជំនួញនៅប្រទេសនេះ ហើយបញ្ចេញសញ្ញា “OK” ដែលមានន័យស្មើនឹង “យល់ព្រម” ឬ “ទទួលយក” នោះ ជនជាតិជប៉ុន នឹងគិតថា អ្នកកំពុងបញ្ចុះបញ្ចូលឱ្យពួកគេពុករលួយ។</p>
<p>នៅតំបន់មេឌីទែរ៉ាណេ នេះគឺជាសញ្ញាមួយដែលមានន័យថា “មនុស្សភេទទីពីរ។ ចំណែកជនជាតិទួរគី វិញ យល់ថា អ្នកហៅពួកគេជាមនុស្សភ្លើ។ នៅអារ៉ាប់ គេមិនសូវប្រើសញ្ញានេះ ដោយសារតែវាមានន័យស្មើនឹងការគំរាម ឬជេរប្រមាថ។<br /><br /><strong>២/ សញ្ញាមេដៃឡើងលើ</strong></p>
<p style="text-align: center;"><strong><a class="thickbox" title="" href="/FileManager/Commons/2013/11/6/ok1-06-11-2013--18-42-32.jpg"><img src="/FileManager/Articles/mce/2013/11/6/ok1-06-11-2013--18-42-32.jpg" alt="" /></a><br /></strong></p>
<p style="text-align: center;"><em>នៅអូស្ដ្រាលី សញ្ញានេះ មានន័យថា អ្នកកំពុងសុំដោយសាររថយន្ដ</em></p>
<p><br />នៅក្នុងបណ្ដាប្រទេស ដូចជា អូស្ដ្រាលី អាមេរិក អាហ្វ្រិកខាងត្បូង សឹង្ហបុរី និងញ៉ូហ្ស៊ីឡែន សញ្ញានេះ មានន័យបីយ៉ាង ៖ សុំដោយសាររថយន្ដ យល់ព្រម និងជេរប្រមាថ។ នៅប្រទេសក្រិក សញ្ញាមេដៃផ្ដេកទៅមុខ មានន័យថា “ទៅឱ្យឆ្ងាយទៅ” ។<br />ទន្ទឹមនឹងនេះ សញ្ញាខាងលើ ក៏ត្រូវបានគេប្រើប្រាស់ដើម្បីបង្ហាញអំពីអំណាចរបស់អ្នកណាម្នាក់ នៅចំពោះមុខ។<br /><br /><strong>៣/ សញ្ញាអក្សរ V</strong></p>
<p style="text-align: center;"><br /> <a class="thickbox" title="" href="/FileManager/Commons/2013/11/6/ok2-06-11-2013--18-43-00.jpg"><img src="/FileManager/Articles/mce/2013/11/6/ok2-06-11-2013--18-43-00.jpg" alt="" /></a><br /><em>ជាសញ្ញាជ័យជំនះ របស់ប្រទេសភាគច្រើន</em></p>
<p><br />សញ្ញានេះ ត្រូវបានគេប្រើប្រាស់ច្រើន នៅអូស្ដ្រាលី ញ៉ូហ្ស៊ីឡែន និងអង់គ្លេស ដោយមានអត្ថន័យជាពាក្យជេរប្រមាថ ប្រសិនបាតដៃបែរមកក្នុង។ ប៉ុន្ដែ នៅពេលបាតដៃបែរចេញក្រៅ គឺមានន័យថា “ជ័យជំនះ” ។</p>
<p>ប៉ុន្ដែ នៅប្រទេសខ្លះ បើទោះជាសញ្ញាអក្សរ V ដែលបែរបាតដៃបែរទៅក្រៅ ឬមកក្នុង ក៏មានន័យថា “ជ័យជំនះ” ដូច្នេះ នៅពេលជនជាតិអង់គ្លេស ប្រើសញ្ញានេះដើម្បីជេរជនជាតិជាតិអាល្លឺម៉ង់ នោះអាចធ្វើឱ្យជនជាតិអាល្លឺម៉ង់ សប្បាយចិត្ត។</p>
<p>ចំណែកប្រទេសខ្លះ នៅអឺរ៉ុប និងអាស៊ីអាគ្នេយ៍ សញ្ញានេះ មានន័យស្មើនឹងលេខ “២” ។ ដូច្នេះ ប្រសិនបុគ្គលិកលាយស្រាម្នាក់នៅទីនេះ ត្រូវបានជនជាតិអង់គ្លេស ឬអូស្ដ្រាលី ជេរប្រមាថ ដោយប្រើសញ្ញានេះ នោះវាងាយយល់ណាស់ នៅពេលបុគ្គលិកលាយស្រា យកស្រាពីរកែវមកជូន។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/42970/people-are-moral-in-the-morning-dishonest-in-the-afternoon"><span style="color: #3366ff;">មនុស្សស្មោះត្រង់នៅពេលព្រឹក នឹងកុហកនៅពេលល្ងាច</span></a></span></p>
<p><span style="color: #3366ff;"><a href="/News/Detail/92483/romantic-ways-to-propose"><span style="color: #3366ff;">វិធីងាយៗ សុំមិត្តស្រី រៀបអាពាហ៍ពិពាហ៍ ប្រកបដោយ ភាពផ្អែមល្ហែម</span></a></span></p>
<p><span style="color: #3366ff;"><a href="/News/Detail/80597/the-longest-brigde-in-the-world"><span style="color: #3366ff;">ស្ពានខ្ពស់ជាងគេបំផុត លើពិភពលោក នៅប្រទេសបារាំង</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ KH<br /><br /></p>