<div>
<p><span style="line-height: 1.8; color: #000000;"><strong>(ភ្នំពេញ)៖</strong> កំពូលតារាចម្រៀង បែបយុវវ័យយេៗ ប្រចាំក្នុងផលិតកម្មសាន់ដេ កញ្ញា សុខ ពិសី បានចេញមុខភ្លាមៗមកបកស្រាយជុំវិញ ការបង្ហោះវិដេអូមួយ ដែលបង្ហាញពីប្អូនប្រុសម្នាក់ជា Fan របស់កញ្ញា សុខ ពិសី បានឡើងមកបំពាក់កម្រងផ្កា នៅក្នុងកម្មវិធីប្រគុំតន្រ្តី ហើយបានទាក់ដៃជាយសំពត់, ត្រូវបានកញ្ញា សុខ ពិសី បញ្ជាក់ថា ជាអចេតនាសុទ្ធសាធ។</span></p>
<p><span style="color: #000000;"><strong>តារាចម្រៀងល្បាញល្បីរបស់ផលិតកម្មសាន់ដេរូបនោះ បានបន្តបញ្ជាក់ថា វិដេអូនោះ គឺជាវិដេអូចាស់យូរហើយ ប្រមាណ៤-៥ឆ្នាំមុនឯណោះ ហើយទើបត្រូវបានគេយកមកបង្ហោះ នៅលើ Facebook ក្នុងគោលបំណងដើម្បីបង្ខូចកេរ្តិ៍ឈ្មោះរបស់កញ្ញាតែប៉ុណ្ណោះ។</strong></span></p>
<p><span style="color: #000000;">កញ្ញាបានអះអាងថា មិនមានបញ្ហាអ្វីនោះទេ ពាក់ព័ន្ធនឹងករណីទាក់ជាយសំពត់នោះ ធម្មតានៅពេលឡើងច្រៀងនៅលើឆាកម្តងៗ គឺតែងតែស្លៀកខោខូវប៊យខ្លី ឬ ខោសាច់ក្រណាត់ទ្រាប់ពីក្នុងជានិច្ច។</span></p>
<p><span style="color: #000000;">ពាក់ព័ន្ធនឹងវិដេអូនោះ កញ្ញា សុខ ពិសី បានរៀបរាប់ថា «ធម្មតានាងខ្ញុំជាតារាចម្រៀងស្រីចគ្រប់ពេលឡើងសម្ដែងម្ដងៗ នាងខ្ញុំប្រុងប្រយ័ត្នបំផុត ពិសេសការស្លៀកសំលៀកបំពាក់ដូចជា រូប រឺក៏សំពត់ គឺតែងតែស្លៀកខោខូវប៊យខ្លី រឺខោសាច់ក្រណាត់ទ្រាប់ពីក្នុងជានិច្ច ដូច្នេះកុំយល់ច្រឡំ អីព្រោះនាងខ្ញុំជាមនុស្សស្រីម្នាក់ដែលប្រយ័ត្នខ្លួនណាស់ ហើយខ្ញុំសុំសសើរប្អូនប្រុសម្នាក់ក្នុងវិដេអូ នោះគាត់ជាសុភាពបុរស ព្រោះគាត់គ្មានបំណងបំពានលើនាងខ្ញុំទេ វាគ្រាន់ជារឿងអចេតនា ព្រោះពេលនោះគាត់បានយកកម្រងផ្កាបំពាក់ ឲ្យនាងខ្ញុំគាប់ជួនទាក់ជាយសំពត់ខ្ញុំ ភ្លាមនោះគាត់លើកដៃសំពះសុំទោសខ្ញុំ ភ្លាមគាត់គឺជាគំរូដ៏ល្អ។ ជាចុងក្រោយនាងខ្ញុំសូមថ្លែងអំណរអរគុណ ចំពោះពុកម៉ែបងប្អូន និងមិត្តយុវវ័យទាំងអស់ ដែលតែងតែគាំទ្រនាងខ្ញុំមិនថា នាងខ្ញុំសម្ដែងនៅទីណាទេ តែងតែស្វាគមន៏យ៉ាងកក់ក្ដៅសម្រាប់នាងខ្ញុំ»៕</span></p>
<p><span style="color: #000000;">សូមជំរាបថា កំពូលតារាចម្រៀង សុខ ពិសី បាននឹងកំពុងតែរក្សាននូវភាពល្បីល្បាញ និងការគាំទ្រកាន់តែខ្លាំង ពីសំណាក់មហាជន តាមរយៈបទចម្រៀងពីរោះៗ ជាច្រើនបទក្នុងអាល់ប៊ុមថ្មី ដែលទើបតែចេញលក់ កាលពីពេលថ្មីៗនេះ ជាពិសេសបទញាក់កន្រ្តាក់អារម្មណ៍ ត្រូវនឹងចិត្តយុវវ័យ។</span></p>
<p><span style="color: #000000;">អ្វីដែលធ្វើឲ្យតារាចម្រៀង សុខ ពិសី កាន់តែរំភើបចិត្តខ្លាំងនោះ គឺគ្រាន់តែកញ្ញាច្រៀងចប់ នៅតាមការប្រគុំតន្រ្តីតាមខេត្តនានា ឬតាមបណ្តាស្ថានីយ៍ភ្លាមមានអ្នកគាំទ្រជាច្រើន បានចោមរោមសុំនាងថតរូបជាមួយ យ៉ាងណែនណាន់តានតាប់ ស្ទើរតែរកផ្លូវដើរចូលទៅកន្លែងចតរថយន្តមិនរួច ។ សកម្មភាពទាំងអស់នេះ បានបង្ហាញឲ្យដឹងថា តារាចម្រៀង សុខ ពិសី នៅតែទទួលបានប្រជាប្រិយភាពខ្លាំង លំដាប់កំពូលនៅកម្ពុជា៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlt1/v/t1.0-9/12705260_1559086197739079_4260229519658282258_n.jpg?oh=540d773c686ec991c9ea1649e6280eca&oe=572B2ACF" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/t1.0-9/12715806_1559084601072572_9168707477992898557_n.jpg?oh=0dcf3a39ce955f841b89b268072aa961&oe=572763C9" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/v/t1.0-9/12733577_1559084634405902_2405142465198689875_n.jpg?oh=cf8e577ec5f0a3981896198115b96adf&oe=576DF1EF" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xap1/v/t1.0-9/12705247_1559086201072412_972742795257989800_n.jpg?oh=e03093ec2761cff9a77e4f406ddc2677&oe=5769B56E" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlp1/v/t1.0-9/12728857_1559086144405751_8055871368655660840_n.jpg?oh=9d5d7566cb828bb8f1387b65f758c433&oe=57677F2D" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfl1/v/t1.0-9/12741891_1559086147739084_3979196688576288331_n.jpg?oh=35dab1b520d106f77ab38ebcc2633628&oe=575B1834" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/v/t1.0-9/12688158_1559086151072417_7817484849599205047_n.jpg?oh=0f3942089584512d1b98d27a68157253&oe=576964BF" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>